|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
سزاومه‌ترسییه‌کانی پچڕاندنی په‌یوه‌ندی خزمایه‌تی سزاومه‌ترسییه‌کانی پچڕاندنی په‌یوه‌ندی
خزمایه‌تی بسْمِ اللَّهِ الرَّحْمَنِ الرَّحيمِ إِنَّ الْحَمْدَ لِلَّهِ نَحْمَدُهُ وَنَسْتَعِينُهُ
وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَسَيِّئَاتِ أَعْمَالِنَا
مَنْ يَهْدِهِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ هَادِىَ لَهُ وَأَشْهَدُ
أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ وَأَشْهَدُ أَنَّ مُحَمَّداً
عَبْدُهُ وَرَسُولُهُ. أَمَّا بَعْدُ ... باوه‌ڕدارى خۆشه‌ويست: گومانى تێدا نييه
كه پچڕاندى په‌يوه‌ندى خزمايه‌تى سزاو مه‌ترسى و هه‌ڕه‌شه‌ى زۆر گه‌وره لێ كراوه،
له قورئانى پيرۆز، وه له سوننه‌تى پێغه‌مبه‌رى خوا «صلی الله علیه‌وسلم»، وه ئه‌وه‌ى
جێى داخه ئه‌وه‌يه كه زۆرێك له خه‌ڵكى ئه‌م ڕۆژگاره بێ ئاگان له مافى خزم و ناسياره‌كانيان،
وه په‌يوه‌ندى خزمايه‌تيان پچڕاندووه، وه بيانووشيان ئه‌وه‌يه كه خزمه‌كانى ئه‌م
به‌سه‌ر ناكه‌نه‌وه، بێگومان ئه‌م بيانووه‌ش بێ نرخ و بێ سووده، چونكه ئه‌گه‌ر وابێت،
ئه‌وا به‌سه‌ر كردنه‌وه‌ى خزمه‌كانى بۆ خوا نييه، به‌ڵكو بۆ دونيايه‌و ده‌ستياوه،
جا له‌به‌ر گرنگى ئه‌م باسه ئه‌مانه‌ى خواره‌وه هه‌ندێك له‌و سزاو مه‌ترسى و تۆڵانه‌يه
كه بۆ ئه‌و كه‌سانه‌يه په‌يوه‌ندى خزمايه‌تى ده‌پچڕێنن و پشت له‌يه‌ك ده‌كه‌ن، له‌وانه‌ش:
يه‌كه‌م: هه‌ركه‌سێك په‌يوه‌ندى خزمايه‌تى
بپچڕێنێت ئه‌وا فه‌رمانى خواى گه‌وره‌ى شكاندووه. خواى گه‌وره ده‌فه‌رمووێت: ( إِنَّ اللَّهَ
يَأْمُرُ بِالْعَدْلِ وَالْإِحْسَانِ وَإِيتَاءِ ذِي الْقُرْبَى)[النحل]. واته: به‌ڕاستى خوا فه‌رمان ده‌كات به
دادپه‌روه‌رى و چاكه‌كارى، وه به‌يارمه‌تيدان و به‌خشين به‌خزم و ناسيارو به‌سه‌ر
كردنه‌وه‌يان . دووه‌م: هه‌ركه‌سێك په‌يوه‌ندى خزمايه‌تى
بپچڕێنێت ئه‌وا زه‌ره‌رمه‌ندى دونياو دواڕۆژه . خواى گه‌وره ده‌فه‌رمووێت: ( الَّذِينَ
يَنْقُضُونَ عَهْدَ اللَّهِ مِنْ بَعْدِ مِيثَاقِهِ وَيَقْطَعُونَ مَا أَمَرَ اللَّهُ
بِهِ أَنْ يُوصَلَ وَيُفْسِدُونَ فِي الْأَرْضِ أُولَئِكَ هُمُ الْخَاسِرُونَ ) [البقرة].واته:
ئه‌وانه‌ى په‌يمانى خوا ده‌شكێنن - كه له رووى فيتره‌ت و سروشت و په‌يامه‌كانى خواوه
هه‌يانه -، ( كه ده‌بێت خواناس بن ) هه‌ڵده‌وه‌شێننه‌وه‌و ده‌يپچڕێنن و په‌يڕه‌وى
ناكه‌ن له دواى به‌هێزو پته‌و بوونی، هه‌روه‌ها ئه‌و په‌يوه‌ندييانه‌ش ده‌پچڕێنن كه
خوا فه‌رمانى به گه‌ياندنى داوه، له سه‌ر زه‌ويشدا تاوان و خراپه ده‌چێنن، ئا ئه‌وانه
زه‌ره‌رمه‌ند و خه‌ساره‌تمه‌ندن. سێيه‌م: هه‌ركه‌سێك په‌يوه‌ندى خزمايه‌تى
بپچڕێنێت ئه‌وا نه‌فرينى لێ كراوه. خواى گه‌وره ده‌فه‌رمووێت: ( فَهَلْ عَسَيْتُمْ
إِنْ تَوَلَّيْتُمْ أَنْ تُفْسِدُوا فِي الْأَرْضِ وَتُقَطِّعُوا أَرْحَامَكُمْ أُولَئِكَ الَّذِينَ لَعَنَهُمُ اللَّهُ فَأَصَمَّهُمْ
وَأَعْمَى أَبْصَارَهُمْ ) محمد [22-23] واته:
ئايا ئێوه به‌ته‌مان ئه‌گه‌ر پشت هه‌ڵبكه‌ن له ئيسلام و جيهاد، وه تۆوى ئاژاوه‌و
فه‌ساد و تاوان له‌سه‌ر زه‌ويدا بچێنن و هه‌رچى په‌يوه‌ندى خزمايه‌تيش هه‌يه بيپچڕێنن
و له ناوى به‌رن ؟! ئه‌و جۆره كه‌سانه ئه‌وانه‌ن كه خوا نه‌فرينى لێ كردوون، وه
كه‌ڕى كردوون و چاويانى كوێرى كردووه (ڕاستييه‌كان نابينن) . چواره‌م: هه‌ركه‌سێك په‌يوه‌ندى خزمايه‌تى
بپچڕێنێت ئه‌وا خوا ڕه‌حمى پێ ناكات . پێغه‌مبه‌رى خوا «صلی الله علیه‌وسلم»
ده‌فه‌رمووێت: ( الرَّحِمُ مُعَلَّقَةٌ بِالْعَرْشِ، تَقُولُ: مَنْ وَصَلَنِي وَصَلَهُ
اللَّهُ، وَمَنْ قَطَعَنِي قَطَعَهُ اللَّهُ ) الْبُخَاريّ [5989] وَمُسْلِم
[6466]. واته: به‌زه‌يى و سيله‌ى ڕه‌حم (په‌يوه‌ندى خزمايه‌تى) هه‌ڵواسراوه به‌عه‌رشى
خواوه، ده‌ڵێت: هه‌ركه‌سێك بمگه‌يه‌نێت و په‌يوه‌ندى نه‌پچڕێنێت خواى گه‌وره بيگه‌ێنێت
به به‌هه‌شت و لێخۆشبوونى خۆى، وه هه‌ركه‌سێكيش نامگه‌يه‌نێت و ده‌م پچڕێنێت، ئه‌وا
خوا ڕه‌حم و به‌زه‌يى پێيدا نه‌ياته‌وه‌و نه‌گات به به‌هه‌شت و لێخۆشبوونى خواى گه‌وره
. پێنجه‌م: هه‌ركه‌سێك په‌يوه‌ندى خزمايه‌تى
بپچڕێنێت ئه‌وا شايانى ئه‌وه‌يه كه خواى گه‌وره له دونيادا به‌په‌له تۆڵه‌ى لێ
بستێنێته‌وه. پێغه‌مبه‌رى خوا «صلی الله علیه‌وسلم»
ده‌فه‌رمووێت: ( مَا مِنْ ذَنْبٍ أَجْدَرُ أَنْ يُعَجِّلَ اللَّهُ تَعَالَى لِصَاحِبِهِ
الْعُقُوبَةَ فِى الدُّنْيَا، مَعَ مَا يَدَّخِرُ لَهُ فِى الآخِرَةِ: مِثْلُ الْبَغْىِ،
وَقَطِيعَةِ الرَّحِمِ ) صَحيح الجامع[5704].واته: هيچ تاوانێك شايه‌نى ئه‌وه نييه
كه خواى گه‌وره به‌په‌له تۆڵه له خاوه‌نه‌كه‌ى بكاته‌وه له دونيادا، له‌گه‌ڵ
ئه‌وه‌ى كه بۆى ئاماده‌كراوه (له سزاو تۆڵه) له دواڕۆژدا، به‌وێنه‌ى پچڕاندنى
په‌يوه‌ندى خزمايه‌تى و زوڵم و سته‌م. شه‌شه‌م: هه‌ركه‌سێك په‌يوه‌ندى خزمايه‌تى
بپچڕێنێت كرده‌وه‌كانى به‌رز نابێته‌وه بۆ ئاسمان. پێغه‌مبه‌رى خوا «صلی الله علیه‌وسلم» ده‌فه‌رمووێت: ( إِنَّ أَعْمَالَ بَنِي آدَمَ تُعْرَضُ كُلَّ خَمِيس لَيّلَةَ الْجُمُعَة فَلاَ يُقْبَلُ عَمَلُ قَاطِعِ رَحِمٍ ) صحيح الترغيب والترهيب[2538].واته: به‌ڕاستى كرده‌وه‌كانى نه‌وه‌ى ئاده‌م به‌رز ده‌بێته‌وه هه‌موو ئێواره‌يه‌كى پێنج شه‌ممه كه ئه‌كاته شه‌وى هه‌ينى، جا كرده‌وه‌ى كه‌سێك وه‌رناگيرێ ئه‌گه‌ر په‌يوه‌ندى خزمايه‌تى بپچڕێنێت . حه‌وته‌م: هه‌ركه‌سێك په‌يوه‌ندى خزمايه‌تى
بپچڕێنێت تا سزاو تۆڵه‌ى لێ نه‌سنرێته‌وه ناچێته به‌هه‌شته‌وه. پێغه‌مبه‌رى خوا «صلی الله علیه‌وسلم»
ده‌فه‌رمووێت: ( لاَ يَدْخُلُ الْجَنَّةَ قَاطِعُ رَحِمٍ ) الْبُخَاريّ [5984] وَمُسْلِم
[6684].واته: ناچێته به‌هه‌شته‌وه ئه‌و كه‌سه‌ى كه په‌يوه‌ندى خزمايه‌تى ده‌پچڕێنێت
و به كارێكى ڕه‌واى بزانێت ( تاكو تۆڵى لێ ده‌سێنرێته‌وه‌و سزا ده‌درێت يان عه‌فو
ده‌كرێت)، يان له‌سه‌ره‌تاوه له‌گه‌ڵ باوه‌ڕداراندا ناچێته به‌هه‌شته‌وه . هه‌روه‌ها له فه‌رمووده‌يه‌كى تردا ده‌فه‌رمووێت:(
ثَلاثَةٌ لا يَدْخُلُونَ الْجَنَّةَ: مُدْمِنُ خَمْرٍ، وَقَاطِعُ رَحِمٍ، وَمُصَدِّقٌ
بِالسِّحْرِ ) السلسلة الصحيحة [678] .واته: سێ كۆمه‌ڵ هه‌ن ناچنه به‌هه‌شت تاكو
پاك نه‌بنه‌وه: ئاره‌ق خۆرێكى به‌رده‌وام، وه ئه‌و كه‌سه‌ى په‌يوه‌ندى خزمايه‌تى
ده‌پچڕێنێت، وه ئه‌و كه‌سه‌ى سيحرو جادوو به‌ڕاست ده‌زانێت و باوه‌ڕى پێى هه‌يه
. له كۆتايدا... ئه‌مه گوڵبژێرێك بوو له
سزاو مه‌ترسى و تۆڵه‌ى ئه‌و كه‌سانه‌ى كه په‌يوه‌ندى خزمايه‌تى ده‌پچڕێنن و پشت له‌يه‌ك
ده‌كه‌ن . وَآخِرُ دَعْوانا أَنِ الْحَمْدُ لِلّهِ
رَبِّ الْعَالَمينَ وَ الصَّلاة وَالسَّلامُ عَلَى نَبِيّنَا
مُحَمَّد وَعَلَى آلهِ وَصَحْبهِ أَجمَعين. ئاماده‌كردنى مامۆستا. أبُوبَكْر أحمَـد |
