Blogging Gadgets











گه‌وره‌یی وپاداشتی چاکه‌کردن وچاکه‌خوازی
سەردان :
٢٤١٤
     &  
فۆنت :
+
&
-

گه‌وره‌یی وپاداشتی چاکه‌کردن وچاکه‌خوازی

بسْمِ اللَّهِ الرَّحْمَنِ الرَّحيمِ

إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَسَيِّئَاتِ أَعْمَالِنَا مَنْ يَهْدِهِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ هَادِىَ لَهُ وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ وَأَشْهَدُ أَنَّ مُحَمَّداً عَبْدُهُ وَرَسُولُهُ. أَمَّا بَعْدُ ...

باوه‌ڕدارى خۆشه‌ويست: چاكه‌كاری و چاكه‌كردن له‌گه‌ڵ خه‌ڵكيدا يه‌كێكه‌ له‌و كارانه‌ى كه‌ خواى په‌روه‌ردگارو پاشان پێغه‌مبه‌ره‌كه‌ى ( صلی الله‌ علیه‌ وسلم ) فه‌رمانيان پێكردووه‌، وه‌ خواى په‌روه‌ردگار مژده‌ى به‌و كه‌سانه‌ داوه‌ كه‌ چاكه‌كارن پاداشتيان به‌ چاكترين شێوه‌ بداته‌وه‌و له‌ ڕۆژى دواييدا وه‌ لێيان ڕازى ده‌بێت و ڕازيشيان ده‌كات به‌به‌هه‌شتى پان و به‌رين، بێگومان پاداشتى چاكه‌كاری و چاكخوازى گه‌لێك زۆره‌ به‌پشتيوانى خواى په‌روه‌ردگار هه‌ندێك له‌و فه‌زڵ و پاداشتانه‌ باس ده‌كه‌ين :

يه‌كه‌م: چاكه‌كاران به‌زياده‌وه‌ پاداشتيان ده‌درێته‌وه‌.

خواى په‌روه‌ردگار ده‌فه‌رمووێت:( وَسَنَزِيدُ الْمُحْسِنِينَ ) [البقرة 58] . واته‌: به‌ڕاستى ئێمه‌ له‌ دواڕۆژدا پاداشت و ئه‌جرى چاكه‌كاران به‌زياده‌وه‌ ده‌ده‌ينه‌وه‌.

دووه‌م: چاكه‌كاران دوورن له‌ غه‌م و په‌ژاره‌.

خواى په‌روه‌ردگار ده‌فه‌رمووێت: ( بَلَى مَنْ أَسْلَمَ وَجْهَهُ لِلَّهِ وَهُوَ مُحْسِنٌ فَلَهُ أَجْرُهُ عِنْدَ رَبِّهِ وَلَا خَوْفٌ عَلَيْهِمْ وَلَا هُمْ يَحْزَنُونَ )  [البقرة 112] . واته‌: نه‌خێر وانييه‌، هه‌ركه‌سێك خۆى بداته‌ ده‌ست په‌روه‌ردگارو به‌ندايه‌تى بۆ ئه‌و بكات وچاكه‌كاربێت، ئه‌وا پاداشت و ئه‌جرى له‌لاى په‌روه‌ردگار ده‌ست ده‌كه‌وێت، وه‌ نه‌ ترسيان ده‌بێت له‌وه‌ى كه‌ له‌پێشيانه‌، وه‌ نه‌ غه‌م و په‌ژاره‌ش دايان ده‌گرێت له‌وه‌ى كه‌ به‌جێيان هێشتووه‌.

سێيه‌م: ڕه‌حمى په‌روه‌ردگار نزيكه‌ له‌چاكه‌كارانه‌وه‌

په‌روه‌ردگار ده‌فه‌رمووێت ( وَادْعُوهُ خَوْفًا وَطَمَعًا إِنَّ رَحْمَةَ اللَّهِ قَرِيبٌ مِنَ الْمُحْسِنِينَ )  [الأعراف 56] . واته‌: به‌رده‌وام هاناو هاوار بۆ په‌روه‌ردگار به‌رن له‌ ترسى سزاى دۆزه‌خ و به‌ئومێدى به‌ ده‌ستهێنانى به‌هه‌شت، چونكه‌ به‌ڕاستى ڕه‌حم و به‌زه‌يى په‌روه‌ردگار نزيكه‌ له‌ چاكه‌كاران و چاكخوازان.

چواره‌م:  خواى په‌روه‌ردگار چاكه‌كارانى خۆش ده‌وێت.

خواى په‌روه‌ردگار ده‌فه‌رمووێت: ( وَأَحْسِنُوا إِنَّ اللَّهَ يُحِبُّ الْمُحْسِنِينَ )[ البقرة: 195] . واته‌: هه‌ميشه‌ خێرو چاكه‌ ئه‌نجام بده‌ن و چاكه‌ خوازبن، چونكه‌ به‌ڕاستى خواى په‌روه‌ردگار چاكه‌كاران و خێرخوازانى خۆش ده‌وێت، هه‌روه‌ها  پێغه‌مبه‌رى خوا( صلی الله‌ علیه‌ وسلم )له‌ فه‌رمووده‌يه‌كدا فه‌رموويه‌تي: (إِنَّ اللَّهَ عَزَّ وَجَلَّ مُحْسِنٌ يُحِبُّ الإِحْسَانَ ) صَحِيح الْجَامِع للشَّيْخ الأَلْبَانى (1824) . واته‌: به‌ڕاستى خواى په‌روه‌ردگار به‌خشه‌رو به‌خشنده‌و چاكه‌كاره‌، وه‌ كه‌سانێكيشى خۆش ده‌وێت كه‌ چاكه‌كارو چاكخوازو خێرو مه‌ندبن.

پێنجه‌م: چاكه‌كاران پاداشتى بێ سنووريان بۆ ئاماده‌يه‌.

خواى په‌روه‌ردگار ده‌فه‌رمووێت:(لِلَّذِينَ أَحْسَنُوا مِنْهُمْ وَاتَّقَوْا أَجْرٌ عَظِيمٌ )[آل عمران 172] . واته‌: بۆ ئه‌و باوه‌ڕدارانه‌ى  كه‌ چاكه‌كارو چاكخواز بوونه‌، پاداشتى زۆر گه‌وره‌و بێ سنووريان بۆ ئاماده‌كراوه‌.

شه‌شه‌م: خواى په‌روه‌ردگار له‌گه‌ڵ چاكه‌كاراندايه‌.

خواى په‌روه‌ردگار ده‌فه‌رمووێت: ( وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ ) [العنكبوت: 69] . واته‌: ئه‌وانه‌ش كه‌ له‌پێناوى ئێمه‌داو بۆ به‌ده‌ستهێنانى ڕه‌زامه‌ندى ئێمه‌ هه‌وڵ و كۆششيان داوه‌و خۆيان ماندوو كردووه‌، سوێند به‌خوا به‌ڕاستى ئه‌وانه‌ ڕێنموويى ده‌كه‌ين بۆ هه‌موو كارێكى چاك و باش، به‌دڵنيايى خواى په‌روه‌ردگار به‌ زانست و زانيارى خۆى هه‌ميشه‌ له‌گه‌ڵ چاكه‌كارو چاكخوازاندايه‌.

حه‌وته‌م: چاكه‌كاران باخ و بێستانيان بۆ ئاماده‌كراوه‌.

خواى په‌روه‌ردگار ده‌فه‌رمووێت: ( إِنَّ الْمُتَّقِينَ فِى جَنَّاتٍ وَعُيُونٍ  آَخِذِينَ مَا آَتَاهُمْ رَبُّهُمْ إِنَّهُمْ كَانُوا قَبْلَ ذَلِكَ مُحْسِنِينَ ) [ الذاريات – 15-16] واته‌: به‌ڕاستى پارێزكاران له‌ باخه‌كان و كانياوه‌كانى به‌هه‌شتدا ژيانى خۆش و ئاسوده‌و كامه‌رانى به‌سه‌ر ده‌به‌ن، ئه‌و شتانه‌ى كه‌په‌روه‌ردگار بۆى ئاماده‌كردوون و پێيان ده‌به‌خشێت، جا ئه‌وانيش به‌خۆشی و شادييه‌وه‌ وه‌رى ده‌گرن، به‌ڕاستى ئه‌وانه‌ پێشتر له‌ دونيادا چاكه‌كارو چاكه‌خوازبوون.

هاوه‌ڵى خۆشه‌ويست حوذه‌يفه‌ ( ڕه‌زای خوای لێبێت ) ده‌فه‌رمووێت: پێغه‌مبه‌رى خوا ( صلی الله‌ علیه‌ وسلم ) فه‌رموويه‌تي: « تَلَقَّتِ الْمَلاَئِكَةُ رُوحَ رَجُلٍ مِمَّنْ كَانَ قَبْلَكُمْ، فَقَالُوا: أَعَمِلْتَ مِنَ الْخَيْرِ شَيْئًا قَالَ: لاَ قَالُوا: تَذَكَّرْ. قَالَ كُنْتُ أُدَايِنُ النَّاسَ فَآمُرُ فِتْيَانِى أَنْ يُنْظِرُوا الْمُعْسِرَ وَيَتَجَوَّزُوا وَفِى رِوَايَة (وَأَتَجَاوَزُ) عَنِ الْمُوسِرِ، قَالَ قَالَ: اللَّهُ عَزَّ وَجَلَّ تَجَوَّزُوا عَنْهُ » وَفِى رِوَايَة (قَالَ اللَّهُ عَزَّ وَجَلَّ نَحْنُ أَحَقُّ بِذَلِكَ مِنْهُ تَجَاوَزُوا عَنْهُ ) رَواهُ  الْبُخَارِيُّ (2077) و مُسْلِمٌ (3969) . واته‌: مه‌لائيكه‌ته‌كان ڕۆحى پياوێك له‌ ئوممه‌تانى پێش ئێوه‌(به‌نى ئيسرائيل) يان وه‌رگرت (ڕوحيان كێشا) ئينجا مه‌لائيكه‌كان به‌ پياوه‌كه‌يان ووت: ئايا تۆ هيچ خێرو چاكه‌ت كردووه‌؟ پياوه‌كه‌ش ووتی : نه‌خێر، مه‌لائيكه‌ته‌كان ووتيان: بير بكه‌ره‌وه‌، پياوه‌كه‌ش ووتی: من له‌دونيادا كارو پيشه‌م ئه‌وه‌ بوو قه‌رزم ئه‌دا به‌خه‌ڵك وه‌ فه‌رمانم ده‌كرد به‌خزمه‌تكارو كارمه‌نده‌كانم كه‌ چاوه‌ڕوانى دواخستنى هێنانه‌وه‌ى قه‌رزى لاى نه‌دارو ده‌ست كورت بكه‌ن و خاترى ده‌ست ڕۆيشتووش بگرن و چاوپۆشيشى لێبكه‌ن، ئينجا پێغه‌مبه‌رى خوا ( صلی الله‌ علیه‌ وسلم ) فه‌رمووی: خواى په‌روه‌ردگار به‌مه‌لائيكه‌ته‌كانى فه‌رموو: ئێوه‌ش لێى ببورن و چاوپۆشى لێبكه‌ن. يان فه‌رمووی : ئێمه‌ ئه‌ولاترين چاوپۆشى لێبكه‌ن و لێى ببورن.

له‌كۆتايدا ئه‌مه‌ گوڵبژێرێك بوو له‌ گه‌وره‌يی و پاداشتى چاكه‌كردن و چاكخوازی .

وَآخِرُ دَعْوانا أَنِ الْحَمْدُ لِلّهِ رَبِّ الْعَالَمينَ

وَ الصَّلاة وَالسَّلامُ عَلَى نَبِيّنَا مُحَمَّد وَعَلَى آلهِ وَصَحْبهِ  أَجمَعين.

ئاماده‌کردنی مامۆستا . أبُوبَكْر أحمَـد





لەلایەن : gardin
         
بەروار :
٢٠١٦/٠٢/٠٧
         
هاووپۆل / بەش : بابەتی گشتی

مافی گشت موسڵمانێکه‌ بۆ سود وه‌رگرتن و بڵاو کردنه‌وه‌ی گشت بابه‌ته‌کانی ماڵپه‌ڕی فه‌رمووده‌