گه‌وره‌ یی وپاداشتی ڕه‌فتاری چاك له‌گه‌ ڵ دراو‌سیدا

گه‌وره‌ یی وپاداشتی ڕه‌فتاری چاك له‌گه‌ ڵ دراو‌سیدا

بسْمِ اللَّهِ الرَّحْمَنِ الرَّحيمِ

إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَسَيِّئَاتِ أَعْمَالِنَا مَنْ يَهْدِهِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ هَادِىَ لَهُ وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ وَأَشْهَدُ أَنَّ مُحَمَّداً عَبْدُهُ وَرَسُولُهُ. أَمَّا بَعْدُ ...

باوه‌ڕدارى خۆشه‌ويست: بێگومان له‌ ئاينى پيرۆزى ئيسلامدا گرنگى زۆر دراوه‌ به‌ چاكبوون و ڕه‌فتارى چاك و باش له‌گه‌ڵ دراوسێدا، وه‌ به‌ دڵنيايى ڕه‌فتارى باش و چاكبوون له‌گه‌ڵ دراوسێدا فه‌زڵ و پادشتى گه‌لێك زۆرى هه‌يه‌، به‌پشتيوانى خواى په‌روه‌ردگار هه‌ندێك له‌و پاداشتانه‌ باس ده‌كه‌ين، له‌وانه‌: 

يه‌كه‌م : جێ به‌جێكردنى فه‌رمانى خواى په‌روه‌ردگاره‌ .

خواى په‌روه‌ردگار ده‌فه‌رمووێت: ( وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا وَبِذِى الْقُرْبَى وَالْيَتَامَى وَالْمَسَاكِينِ وَالْجَارِ ذِى الْقُرْبَى وَالْجَارِ الْجُنُبِ وَالصَّاحِبِ بِالْجَنْبِ )[النساء 36]. واته‌: ته‌نها په‌روه‌ردگار بپه‌رستن و هيچ هاوبه‌شێكى بۆ بڕيار مه‌ده‌ن، وه‌ چاكه‌كاربن له‌گه‌ڵ دايك و باوكتاندا، وه‌ له‌گه‌ڵ خزمان و هه‌تيوان و هه‌ژاران و دراوسێى خزم و دراوسێى نزيك و دراوسێى بێگانه‌دا .

 دووه‌م : هۆكاره‌ بۆ به‌ده‌ستهێنانى خۆشه‌ويستى خواى په‌روه‌ردگارو پێغه‌مبه‌ركه‌ى(صلی اللە علیەوسلم).

پێغه‌مبه‌رى خوا (صلی اللە علیەوسلم) فه‌رموويه‌تى: (إِنْ كُنْتُمْ تُحِبُّونَ أَنْ يُحٍبكُم اللهُ وَرسُولهُ فَحَافِظُوا عَلَى ثَلاَث خِصَال صِدْق الْحَدِيث وَأَدَاء الْأَمَانَة وَحُسْن الْجِوَار) سِلْسِلة الأحاديث الصحيحَة (2998). واته‌: ئه‌گه‌ر پێتان خۆشه‌ خواى په‌روه‌ردگارو پێغه‌مبه‌ره‌كه‌ى (صلی اللە علیەوسلم) خۆشى بووێن، ئه‌وا پارێزگارى له‌ سێ شت بكه‌ن: ڕاستگۆيی، وه‌ گێڕانه‌وه‌ ئه‌مانه‌ت و سپارده‌ بۆ خاوه‌نه‌كه‌ی ، وه‌ چاكه‌كردن و چاكبوون له‌گه‌ڵ دراوسێدا.

سێ يه‌م : ڕه‌فتارى باش له‌گه‌ڵ دراوسێدا هۆكاره‌ بۆ به‌خته‌وه‌رى له‌ دونيادا.

پێغه‌مبه‌رى خوا (صلی اللە علیەوسلم) فه‌رموويه‌تى: (أَرْبَعٌ مِنْ السَّعَادَةِ: الْمَرأَةُ الصَّالِحَةُ، وَالَمَسْكَنُ الْوَاسِعُ، وَالْجَارُ الصَّالِحُ، وَالْمَرْكَبُ الْهَنِيءُ) صَحِيح الْجَامِع للشَّيْخ الأَلْبَانى رحمه الله (887). واته‌: چوار شت مايه‌ى به‌خته‌وه‌ريه‌: ژنى باش و صاليحه‌، وه‌ خانوى فراوان، وه‌ دراوسێى باش، وه‌ سواربووى خێرا له‌ ڕۆيشتندا (سه‌ياره‌و ئاژه‌ڵ).

چواره‌م : ڕه‌فتارى باش و چاك له‌گه‌ڵ دراوسێدا خێرو صه‌ده‌قه‌يه‌ .

پێغه‌مبه‌رى خوا (صلی اللە علیەوسلم) فه‌رموويه‌تى: (كُلُّ مَعْرُوفٍ صَدَقَةٌ وَإِنَّ مِنَ الْمَعْرُوفِ أَنْ تَلْقَى أَخَاكَ بِوَجْهٍ طَلْقٍ وَأَنْ تُفْرِغَ مِنْ دَلْوِكَ فِى إِنَاءِ أَخِيكَ) صَحِيح الْجَامِع للشَّيْخ الأَلْبَانى رحمه الله (4557). واته‌: هه‌موو چاكه‌يه‌ك به‌خێرو صه‌ده‌قه‌ ده‌نوسرێت، وه‌ له‌ چاكه‌كردنيش ئه‌وه‌يه‌ كه‌ به‌ڕوويه‌كى گه‌ش و جوان بگه‌يت به‌براكه‌ت، ياخود له‌ئاوى سه‌تڵه‌كه‌ت بخه‌يته‌ ئاوى سه‌تڵى دراوسێكه‌ته‌وه‌.

پێنجه‌م : چاكترين دراوسێ لاى خواى په‌روه‌ردگار ئه‌وانه‌ن كه‌ له‌گه‌ڵ دراوسێكانى ڕه‌فتارى چاكه‌.

پێغه‌مبه‌رى خوا (صلی اللە علیەوسلم) فه‌رموويه‌تى: ( خَيْرُ الأَصْحَابِ عِنْدَ اللَّهِ خَيْرُهُمْ لِصَاحِبِهِ وَخَيْرُ الْجِيرَانِ عِنْدَ اللَّهِ خَيْرُهُمْ لِجَارِه ) صَحِيح الْجَامِع للشَّيْخ الأَلْبَانى رحمه الله (3270). واته‌: چاكترين هاوڕێ لاى خواى په‌روه‌ردگار ئه‌وكه‌سه‌يه‌ كه‌ له‌گه‌ڵ هاوڕێكانيدا باش ده‌بێت، وه‌ چاكترين دراوسێ لاى خواى په‌روه‌ردگار ئه‌و دراوسێ يانه‌ن كه‌ زۆر چاك و باش ڕه‌فتار بكات له‌گه‌ڵ دراوسێكانى خۆيدا.

شه‌شه‌م : نيشانه‌ى ته‌واوێتى باوه‌ڕه‌.

پێغه‌مبه‌رى خوا (صلی اللە علیەوسلم) فه‌رموويه‌تى: (اتَّقِ الْمَحَارِمَ تَكُنْ أَعْبَدَ النَّاسِ وَارْضَ بِمَا قَسَمَ اللَّهُ لَكَ تَكُنْ أَغْنَى النَّاسِ وَأَحْسِنْ إِلَى جَارِكَ تَكُنْ مُؤْمِناً)  صَحِيح الْجَامِع للشَّيْخ الأَلْبَانى رحمه الله (100) . واته‌: خۆت له‌ حه‌رام بپارێزه‌ ده‌بيته‌ خواپه‌رسترين خه‌ڵكان، وه‌ ڕازى به‌ به‌و به‌شه‌ى كه‌ خواى په‌روه‌ردگار بۆى ديارى كردووى ده‌بيت به‌ ده‌وڵه‌مه‌ند ترين خه‌ڵكان،  وه‌ چاك ڕه‌فتاربكه‌ له‌گه‌ڵ دراوسێدا، ئه‌وا ده‌بيت به‌ باوه‌ڕدار(باوه‌ڕت دامه‌زراو ده‌بێت).

حه‌وته‌م : هۆكاره‌ بۆ ته‌مه‌ن درێژى باوه‌ڕدار.

پێغه‌مبه‌رى خوا (صلی اللە علیەوسلم) فه‌رموويه‌تى: (وَصِلَةُ الرَّحِمِ وَحُسْنُ الْخُلُقِ وَحُسْنُ الْجِوَارِ يَعْمُرَانِ الدِّيَارَ وَيَزِيدَانِ فِى الأَعْمَارِ)  صححه الشَّيْخ الأَلْبَانى رحمه الله فى سِلسِلة الأحاديث الصَحِيحَة (519) وَ فى صَحِيح ا لتَّرْغِيب وَالتَّرْهِيب(2524). واته‌: گه‌ياندنى سيله‌ى ڕه‌حم و په‌يوه‌ندى خزمايه‌تی وخوڕه‌وشتى جوان و ڕه‌فتارى باش و چاك له‌گه‌ڵ دراوسێدا ده‌بێته‌ هۆى ئاوه‌دانى ماڵان و ته‌مه‌ن درێژى.

مه‌به‌ست له‌ ته‌مه‌ن درێژى ئه‌وه‌يه‌ كه‌ خواى په‌روه‌ردگار به‌ره‌كه‌ت ده‌خاته‌ ناو كاره‌كانيه‌وه‌و له‌ ماوه‌يه‌كى كه‌مدا كارى گه‌وره‌و درێژخايه‌ن ئه‌نجام ئه‌دات، نه‌ك به‌ماناى ئه‌وه‌ى كه‌ له‌ (لوح المحفوظ) بۆى ديارى كراوه‌. به‌ڵكو ئه‌و ته‌مه‌نه‌ى خواى په‌روه‌ردگار كه‌پێى به‌ خشيوه‌ به‌ خۆشى به‌سه‌ر ده‌بات.

هه‌شته‌م : شايه‌تى دانى دراوسێ بۆ دراوسێ لاى خواى په‌روه‌ردگار قه‌بوڵه‌و وه‌رده‌گيرێت.

پێغه‌مبه‌رى خوا (صلی اللە علیەوسلم) فه‌رموويه‌تى: ( مَا مِنْ مُسْلِمٍ يَمُوتُ، فَيَشْهَدُ لَهُ أَرْبَعَةُ أَهْلِ أَبْيَاتٍ مِنْ جِيرَانِهِ الأَدْنَيْنَ، أَنَّهُمْ لاَ يَعْلَمُونَ إِلاَّ خَيْرًا، إِلاَّ قَالَ اللَّهُ: قَدْ قَبِلْتُ عِلْمَكُمْ، وَغَفَرْتُ لَهُ مَا لاَ تَعْلَمُونَ ) صَحِيح التَّرْغِيب وَالتَّرْهِيب للشَّيْخ الأَلْبَانى (3515) . واته‌: هيچ موسڵمانێك نيه‌ كاتێك كه‌ ده‌مرێت و چوار له‌ دراوسێ نزيكه‌كانى شايه‌تى بۆ بده‌ن و بڵێن: جگه‌له‌ چاكه‌و خێر نه‌بێت هيچى ترمان لێى نه‌بينيوه‌، ئه‌وا خواى په‌روه‌ردگار ده‌فه‌رمووێت: ووته‌كه‌تانم پێ قه‌بووڵه‌و شايه‌تيه‌كه‌تان وه‌رده‌گرم، وه‌ له‌و گوناهانه‌ى خۆش بووم كه‌ ئه‌نجامى داوه‌و ئێوه‌ لێى بێ ئاگا بوونه‌و نه‌تان زانيوه‌ .

له‌ كۆتايدا... ئه‌مه‌ گوڵبژێرێك بوو له‌ فه‌زڵ و گه‌وره‌يى و پاداشتى چاك ڕه‌فتار كردن له‌گه‌ڵ دراوسێدا .

وَآخِرُ دَعْوانا أَنِ الْحَمْدُ لِلّهِ رَبِّ الْعَالَمينَ

وَ الصَّلاة وَالسَّلامُ عَلَى نَبِيّنَا مُحَمَّد وَعَلَى آلهِ وَصَحْبهِ  أَجمَعين.

 نوسین و ئامادەكردنی : مامۆستا ابوبکراحمد