|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
په‌یامێك بۆ ئافره‌تان په‌یامێك بۆ ئافره‌تان
ئافره‌تی موسلمان ده‌بێت به‌م شێوه‌یه بێت كه خوای په‌روه‌ردگار له‌قورئانی پیرۆزدا فه‌رمانی پێ كردووه .
ده‌بێت ئافره‌تێكی بالا پۆش بێت و ره‌وشت به‌رز و داوێن پاك و خۆپارێزبێت و نابێت جوانیه‌كانی خۆی ده‌ربخات بۆ به‌رده‌م پیاوانی نامه‌حره‌م .
په‌روه‌ردگارمان فه‌رموویه‌تی : (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا ) . [الأحزاب 59 ] . واتە: ئەی پێغەمبەرى خوا (صلى الله عليه وسلم) فەرمان بدە بە خێزانەكانت و كچەكانت و خێزانی باوەڕدارانیش بەوەى كە عاباكانیان بە سەریاندا بدەن ، تا ئافرەتانی موسڵمان بە جل و بەرگەكانیانەوە بناسرێنەوە بەوەی كە بە حەیا و قورس و سەنگینن تاوەكو ئەزێت نەدرێن ، وە خوای گەورە بەبەزەیىیە بەرامبەر ئەوانەی كە لەمەو پێش خۆیان نەپۆشیوە .
وه فه‌رمویه‌تی : ( وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ وَلَا يُبْدِينَ زِينَتَهُنَّ ) . النور : 31 . واته : با سه‌رپۆشه‌کانیان بده‌ن به سینگ و به‌رۆکیاندا ؛ وه جوانی خۆیان ده‌رنه‌خه‌ن .
وه فه‌رموویه‌تی : ( وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ ۚ ... ) . الاحزاب : 33 . واته : له ماڵه‌کانی خۆتاندا بمێننه‌وه وه زینه‌ت و جوانی خۆتان ده‌رمه‌خه‌ن (له‌ناو خه‌ڵکی نا مه‌حره‌مدا) وه‌کو خۆ ده‌رخستنی ئافره‌تانی سه‌رده‌می نه‌فامی یه‌که‌م (پێش ئیسلام) نوێژ بکه‌ن و زه‌کات بده‌ن وه گوێڕایه‌ڵی خواو پێغه‌مبه‌ره‌که‌ی بکه‌ن .
وه پێغه‌مبه‌ری خوا (صلی الله علیه وسلم) فه‌رموویه‌تی : ( صِنْفَانِ مِنْ أَهْلِ النَّارِ لَمْ أَرَهُمَا: قَوْمٌ مَعَهُمْ سِيَاطٌ كَأَذْنَابِ الْبَقَرِ يَضْرِبُونَ بِهَا النَّاسَ، وَنِسَاءٌ كَاسِيَاتٌ عَارِيَاتٌ، مُمِيلَاتٌ مَائِلَاتٌ : رُءُوسُهُنَّ كَأَسْنِمَةِ الْبُخْتِ الْمَائِلَةِ، لَا يَدْخُلْنَ الْجَنَّةَ وَلَا يَجِدْنَ رِيحَهَا، وَإِنَّ رِيحَهَا لَيُوجَدُ مِنْ مَسِيرَةِ كَذَا وَكَذَا ) . صحیح . واته : دوو تاقم هه‌ن كه دۆزه‌خین نه‌مبینیون : تاقمێكیان كه قامچییان پێیه وه‌ك كلكی مانگا وایه پێی له خه‌ڵكی ده‌ده‌ن ، ئافرەتانێك جلیان لەبەردایە و ڕووتیشن بەلارولەنجەوە ڕێدەكەن و سەرەنجی پیاوان ڕادەكێشن بۆ خۆیان و سەریان وەك سەر پشتی ووشتر وایە (قژیانی لە سەر كۆدەكەنەوە)، ئەو ئافرەتانە ناشنە ناو بەهەشتەوە و بۆنیشی ناكەن .
وه فه‌رموویه‌تی : ( إِذَا صَلَّتْ الْمَرْأَةُ خَمْسَهَا، وَصَامَتْ شَهْرَهَا، وَحَفِظَتْ فَرْجَهَا، وَأَطَاعَتْ زَوْجَهَا؛ قِيلَ لَهَا : ادْخُلِي مِنْ أَيِّ أَبْوَابِ الْجَنَّةِ شِئْتِ ) . صحيح الجامع . واته : ئه‌گه‌ر ئافره‌ت پێنج نوێژه فه‌رزه‌كه‌ی بكات ؛ وه مانگی ره‌مه‌زان به‌ڕۆژووبێت ؛ وه دامێنی بپارێزێت ؛ وه گوێڕایه‌ڵی مێردی بكات – له‌چاكه‌دا - ؛ له‌ڕۆژی دوایی پێی ده‌وترێت : له‌كام ده‌رگای به‌هه‌شتت ده‌وێت بڕۆ ژوره‌وه . وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . 17 / 1 / 2024 م
|
