|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
ڕێگاکانی به‌ره‌وسه‌له‌فیه‌ت چون ڕێگاکانی به‌ره‌وسه‌له‌فیه‌ت چون بسم الله الرحمن الرحیم الحمد لله والصلاة والسلام على رسول الله وعلى آله وصحبه ومن اتبع هداه ... أما بعد : له به‌ر بوونى به‌ربه‌ستێكى زۆر له ڕێگه‌ى گه‌ڕانه‌وه‌ى لاوان بۆ سه‌ر رێبازى سه‌له‌فيه‌ت ، كه ڕێگه‌ى ڕه‌سه‌نى پيرۆزى ئيسلامه‌تى يه ، نه‌ك ڕێگه‌يه‌كى داهێنراو وحيزبى ، له گه‌ڵ ئه‌وه‌شدا كه له هه‌موو سه‌رده‌مێكدا حيزبايه‌تى هۆكارى په‌رته‌وازه بوونى موسلمانان ونانه‌وه‌ى دووبه‌ره‌كيه له نێوانياندا ، وهۆى لاوازيشيانه ، هه‌روه‌كو خواى په‌روه‌ردگار فه‌رموويه‌تى : ( وَاعْتَصِمُواْ بِحَبْلِ اللّهِ جَمِيعًا وَلاَ تَفَرَّقُواْ ) ( سورة آل عمران : 103) ، وه فه‌رموويه‌تى : ( وَأَطِيعُواْ اللّهَ وَرَسُولَهُ وَلاَ تَنَازَعُواْ فَتَفْشَلُواْ وَتَذْهَبَ رِيحُكُمْ ) ( سورة الأنفال : 46 ) ، وه فه‌رموويه‌تى : ( وَلَا تَكُونُوا مِنَ الْمُشْرِكِينَ مِنَ الَّذِينَ فَرَّقُوا دِينَهُمْ وَكَانُوا شِيَعًا كُلُّ حِزْبٍ بِمَا لَدَيْهِمْ فَرِحُونَ )( سورة الروم : 31 ـ 32 ) . بۆيه زۆر جار پرسيار ده‌كرێت سه‌باره‌ت به‌وه‌ى كه چۆن ڕێگاكانى به‌ره‌و سه‌له‌فيه‌ت بزانين ؟ و چۆنيش حيزبيه‌كان بناسينه‌وه وجيايان بكه‌ينه‌وه له‌و كه‌سانه‌ى كه سه‌له‌فين و هيچ په‌يوه‌نديه‌كيان به حيزبه‌وه نيه ؟ له وه‌ڵامدا به پشتيوانى خواى په‌روه‌ردگار ده‌وترێت : موسڵمان يه‌كخوا په‌رست ئه‌مه‌ى كه له به‌ر ده‌ستددايه و باس ده‌كرێت چه‌ند ڕێگايه‌كن بۆ به‌ره‌و سه‌له‌فيه‌ت چوون جا بيانزانه و كرده‌وه‌يان پێبكه ، بۆ ئه‌وه‌ى ڕێگاى ڕاستى ئيسلامه‌تى بناسيته‌وه ، و ڕزگار بيت له لا ڕێگا و ڕيچكه‌كانى تر : 1ـ به ملكه‌چيه‌كى ته‌واوه‌وه داواى يارمه‌تى له خواى په‌روه‌ردگار بكه و لێ ى بپاڕێڕه‌وه به‌و پاڕانه‌وانه‌ى كه له سوننه‌تدا هاتوون كه ڕێگاى ڕاست ( الصرط المستقيم )ت پێ پيشان بدات ، بتخاته سه‌ر ڕێبازى پێشينه پياو چاكانى ئه‌م ئوممه‌ته ( السلف الصالح ) ، و جێگر و به‌رده‌واميشت بكات له‌سه‌رى ، هه‌ر وه‌كو له‌و فه‌رمووديه‌دا هاتوو كه پێغه‌مبه‌رى خوا (صلی الله علیه وسلم) له‌م باره‌يه‌وه فه‌رموويه‌تى : " اللهم ربَّ جبريل وميكائيل وإسرافيل فاطر السماوات والأرض عالم الغيب والشهادة أنت تحكم بين عبادك فيما كانوا فيه يختلفون ، اهدني لما أُختلف فيه من الحق بإذنك إنك تهدي من تشاء إلى صراط مستقيم " (رواه مسلم ) . پاشان ده‌ست بگره به قورئانى پيرۆز و سوننه‌ته‌كانى پێغه‌مبه‌ره‌وه (صلی الله علیه وسلم) و هه‌وڵى له‌به‌ركردنيان بده ، له‌گه‌ڵ بايخ پێدان و تێفكراندنيان . 2ـ هه‌وڵى ناسينى ئه‌و زانا و مامۆستايانه بده كه ناسراون به دروستى په‌يڕه‌و و ڕاستى بير و باوه‌ڕيان ، ئه‌وانه‌ى كه ڕه‌وا و ڕه‌وا بيژن ، ئه‌وانه‌ى كه دوور و نزيك ده‌زانێت له سه‌ر ڕێبازى سه‌له‌فيه‌تن ( المنهج السلفي ) . وه هه‌وڵى به‌ده‌ست هێنانى په‌رتۆك و كاسێته‌كانيان بده ، له گه‌ڵ هه‌وڵدانت بۆ ئاماده‌بوونت له كۆر ، و ووتار و ده‌رسه‌كانيان ، به به‌ردواميش په‌يوه‌نديان پێوه‌بكه ، يان بگه‌ڕێره‌وه بۆ نووسراوه‌كانيان ، هه‌ركه شوبهه‌يه‌ك له‌لات سه‌رى هه‌ڵدا ، يان ئه‌گه‌ر پرسيارێكت هه‌بوو ، وه‌ك : شێخانى پايه به‌رزى ئيسلام : ( الألباني ، و ابن باز ، ابن عثيمين ، الوادعي ، و الربيع ، و الفوزان ، عبدالمحسن عباد ، و الهلالي ، و المشهور ، ئه‌وانه‌ش كه له سه‌ر ڕێگاى ئه‌وانن ) په‌روه‌ردگار ره‌حم به مردوانيان بكات و زيندوانيشيانمان بۆ بپارێزێت . 3ـ دوورگره له‌و كه‌سانه‌ى كه خۆ شوبهێنه‌رن به زانايان ، واته : كۆڵكه زانان ، يان ئه‌وانه‌ى كه خۆ به زانا ده‌زانن ( المتعالمون ) ، كه پێيان ده‌ووترێت ( مشايخ الصحوة ) ئه‌وانه‌ى كه پێچه‌وانه‌ى ڕێبازى سه‌له‌فيه‌ت ده‌جوولێنه‌وه ، سه‌له‌فيه‌تيش له خۆيان و له بانگه‌شه‌شيان بێبه‌ريه ، چونكه ئه‌و جۆره كه‌سانه به ئاشووب نانه‌وه ، و ووروژاندنى خه‌ڵك ، و حه‌ز له خۆده‌رخستن ، و له‌يه‌كتر نزيك كردنه‌وه‌ى ئه‌هلى بيده‌ع ، و ديفاع لێكردنيان و پاساودانه‌وه‌ى كاره‌كانيان ناسراون . 4 ـ هه‌وڵى فێربوونى زانسته شه‌رعيه‌كان بده ، به‌تايبه‌ت زانينى بيروباوه‌رى ئه‌هلى سوننه‌وجه‌ماعه ( العقيدة الصحيحة ) ، و زياد شاره‌زابوون تيايدا ، به‌تايبه‌ت په‌رتۆكه‌كانى شێخى پايه به‌رزى ئيسلام ( ابن تيمية ) ه‌و قوتابيه‌كه‌ى ( ابن القيم ) ، و ( محمد بن عبدالوهاب ) ـ ڕه‌حمه‌تى خواى په‌روه‌ردگار له هه‌موويان بێت ـ ، هه‌وڵى ئه‌وه‌ش بده ئه‌م په‌رتۆكانه له لاى مامۆستايه‌كى سه‌له‌فى و كارامه بخوێنيت . هه‌روه‌ها هه‌وڵى به‌ده‌ست هێنان و خوێندنه‌وه‌ى په‌رتۆكى پياو چاكانى پێشين بكه ( السلف الصالح ) ، ئه‌و په‌رتۆكانه‌ى كه بيروباوه‌ر و هه‌ڵوێستيانى تيا ئاشكرا ده‌كه‌ن به‌رمبه‌ر به‌و كه‌سانه‌ى كه پێچه‌وانه‌ى ڕێبازى سه‌له‌فيه‌تن ، وه‌كو په‌رتۆكى ( السُنة ) ةى ( ابن أبي عاصم ) ، و په‌رتۆكى ( السُنة ) ةى ( الخلال ) ، و په‌رتۆكى ( السُنة ) ةى ( عبدالله بن احمد ) ، و په‌رتۆكى ( شرح السُنة ) ةى ( البربهاري ) ، و په‌رتۆكى ( الإعتصام ) ةى ( الشاطبي ) ، و په‌رتۆكى ( الإبانة ) ةى ( ابن بطة العُكبري ) ، و په‌رتۆكى ( شرح أصول اعتقاد أهل السُنة و الجماعة ) ةى ( اللالكائي ) ، و په‌رتۆكى ( الأصول الستة ) ، و ( فضل الإسلام ) ى ( محمد بن عبدالوهاب ) ـ ڕه‌حمه‌تى خواى په‌روه‌ردگاريان لێ بێت ـ 5ـ خۆتيش ڕزگاركه له هه‌موو شتێك كه په‌يوه‌سته به حيزبايه‌تى و حزبێكانه‌وه ، وه‌ك : په‌رتۆك ، و كاسێت ، و سروود ( نه‌شيد ) ، و شانۆگه‌رێكانيان ، كه هه‌مووى كارى بێ به‌ڵگه‌ن و خواى په‌روه‌ردگار هيچ ڕێگه‌يه‌كى پێ نه‌داون . 6ـ دڵت وه‌كو ئيسفه‌نج لێ مه‌كه به گوێگرتن له شوبهه‌كانيان ، چونكه دڵ ئه‌و شوبهانه هه‌ڵده‌مژێت هه‌روه‌كو چۆن ئيسفه‌نج ئاو هه‌ڵده‌مژێت ، و وه‌رى ده‌گرێت . 7ـ له‌م دونيايه‌دا ته‌نها ئه‌وه‌ت به‌سه كه به‌رده‌وام له گه‌ڵ زانا سه‌له‌فيه‌كاندا بيت ، و چاكه كارى له گه‌ڵ دايك و باوكت ، و خزمه‌تكردنى ئه‌هل و كه‌س و كارتدا بكه‌ى ، له ژيانيشتدا كۆمه‌ڵێك براده‌رى چاكى سه‌له‌فيت به‌سه . وه ئه‌گه‌ر ويستت بانگه‌واز بكه‌يت بۆ لاى خواى په‌روه‌ردگار ، ئه‌وا به په‌رتۆك و كاسێتى زانايانى ناسراو ، وه‌ئامان نه‌كه‌ى پێش پێگه‌يشتنت ده‌ست بكه‌ى به فه‌توادان ، و پێگه‌يشتن ، يان پێنه‌گه‌يشتنت زانايان لێ ى به‌ئاگان و ده‌يزانن . هه‌وڵى ئه‌وه‌ش بده كتێبخانه‌يه‌كى سه‌له‌فيانه بۆخۆت به يه‌كه‌وه بنێى تيايدا په‌رتۆكه‌كانى ڕاڤه‌ى قورئانى پيرۆز ( وه‌ك : ته‌فسيرى : الطبري و ابن كثير والسعدي ، و الشنقيطي ) ، و په‌رتۆكه‌كانى فه‌رمووده ( وه‌ك : صحيح البخاري ، و صحيح مسلم ، و سوننه‌نه‌كانيش كه ته‌حقيق كراون ، له گه‌ڵ : دوو سلسله به‌نرخه‌كه‌ى شێخ اڵالبانى و هه‌موو ته‌حقيقاته‌كانيشى ) ، و په‌رتۆكه‌كانى بيروباوه‌ر كۆبكه‌وه ، دووريش بكه‌وه‌ره‌وه له په‌رتۆكه فيكريه‌كان كه په‌يوه‌ستن ته‌نها به‌فيكره‌وه و دوورن له ئايه‌ته‌كانى قورئانى پيرۆز و سوننه‌تة ( صحيح ) ه‌كانى پێغه‌مبه‌ر (صلی الله علیه وسلم) ، وه‌ك : په‌رتۆكه‌كانى ( سيد قطب ) ، و براكه‌ى ( محمد قطب ، و هه‌موو قوتابيه‌كانى وه‌ك : سفر الحوالي و سلمان العودة و عائض القرني و هاوشێوه‌كانيان ) ، و جگه له‌مانيش . 8ـ دووركه‌وه‌روه له‌و كه‌سانه‌ى كه جێگه‌ى گومانن ، و ناسراون به‌وه‌ى كه تانه‌و ته‌شه‌ره له كاربه‌ده‌ستانى وولاتان ده‌ده‌ن ، با ئه‌وه‌شت بۆ ده‌ربخه‌ن كه ئينكارى خراپه‌كارى ده‌كه‌ن ! يان تێكۆشان له پێناوى خواى په‌روه‌ردگاردا سه‌رده‌خه‌ن ! و تێكۆشه‌ر و موجاهيدن ! چونكه زۆربه‌ى ئه‌وانه ئينكاركردنيان بۆ خراپه ئينكاركردنێكى حيزبيانه‌يه نه‌ك شه‌رعيانه ، وتێكۆشان وجيهاديشيان حه‌رووريانه‌يه ( واته : خه‌واريجانه‌يه ) نه‌ك سوننيانه . 9ـ واز له هه‌موو به‌يعه‌تێكى بيدعى و حزبى ( البيعة البدعية الحزبية ) بهێنه ، وه‌ك : به‌يعه‌تى سه‌ركرده‌ى حزب ، و سه‌رانى كۆڕ و حه‌ڵقه‌كان ، بۆ شاره‌زا بونيش له بابه‌ته بڕوانه : ( حكم الإنتماء إلى الجماعات الإسلامية : بكر أبو زيد ) . 10ـ دوور كه‌وه‌ره‌وه له موناقه‌شه و جيدال كردن له گه‌ڵ كه‌سانێكى حزبى ، بشپاڕێره‌وه له خواى په‌روه‌ردگار كه هيدايتيان بدات ، و ئامان و سه‌دئامان نه‌كه‌ى بڕۆيته كۆڕ و بۆنه‌كانيانه‌وه ، له به‌ر هه‌موو ئه‌و ناڕواييانه‌يان كه لێ ى به‌ئاگاى . پێغه‌مبه‌رى خوا (صلی الله علیه وسلم) له‌و فه‌رمووده‌يه‌ى كه لێيوه ده‌يگێڕێته‌وه ، فه‌رموويه‌تى : " سيكون في آخر أمتي ناس يحدثونكم بما لم تسمعوا أنتم ولا آباؤكم فإياكم وإياهم " ( رواه مسلم ) . واته: له كۆتايى ئوممه‌ته‌كه‌م خه‌ڵكانێك دێن ، شتى واتان بۆ ده‌گێڕنه‌وه ! نه ئێوه و نه‌ش باوباپيرانتان بيستووتانه جا ئامان لێيان دووركه‌ونه‌وه . وه پێغه‌مبه‌رى خوا (صلی الله علیه وسلم) فه‌رمانى به ئوممه‌ته‌كه‌ى كردووه كه ئه‌گه‌ر كه‌سێك هه‌واڵى ده‌جالى بيست ئه‌وا لێى دووركه‌وێته‌وه . وه ( عبدالله ) ى كوڕى ( عباس ) (ڕه‌زای خوای لێبێت) فه‌رموويه‌تى : " لا تجالس أهل الأهواء فإن مجالستهم ممرضةٌ للقلوب " . واته : له كۆر وكۆبوونه‌وه‌كانى ئاره‌زوو په‌رستان دامه‌نيشه ( أهل الأهواء ) ، چونكه دانيشتن له گه‌ڵياندا دڵه‌كان نه‌خۆش ده‌خات . 11 ـ ئه‌گه‌ر ويستت سياسه‌تى ناشه‌رعى بناسيت ، بۆ ئه‌وه‌ى لێ ى دووركه‌ويته‌وه ، يان سياسه‌تى شه‌رعى و ئه‌حكامه‌كانى بزانيت و ئه‌وه‌ش بزانيت كه ئه‌و كه‌سانه كێن پێى هه‌ڵده‌ستن ، ئه‌وا بڕوانه : په‌رتۆكى ( السياسه الشرعيه ) ه‌ى شێخى پايه به‌رزى ئيسلام ( ابن تيميه ) ـ به‌ڕه‌حمه‌ت بێت ـ ، يان بڕوانه : په‌رتۆكى ( مدارك النظر في السياسة بين التطبيقات الشرعية والانفعالات الحماسية ) كه له نووسينى شێخ ( عبد المالك رمضاني ) يه ، و شێخ ( محمد ناصر الدين الألباني ) ـ به ڕه‌حمه‌ت بێت ـ پێشه‌كى بۆ نووسيوه و پيادا چووه‌ته‌وه ، له گه‌ڵ پياداچوونه‌وه‌ى شێخ ( عبدالمحسن العباد )يش ـ خوا بيپارێزێت ـ ، هه‌روه‌ها بڕوانه : په‌رتۆكى ( القُطبية هي الفتنة فاعرفوها ) له نووسينى ( العدناني ) ـ خواى په‌روه‌ردگار جه‌زاى خيرى بداته‌وه ـ . 12 ـ به ئاشكراو به ڕاشكاوى نيسبه‌تى خۆت بده پاڵ پێشينه پياوچاكانى ئه‌م ئوممه‌ته ( السلف الصالح ) ، واته : به‌خۆت بڵێ : سه‌له‌فيم ، و شه‌رميش له‌وه مه‌كه كه به‌خۆت ئه‌ڵێى سه‌له‌فى ، وه ئه‌گه‌ر يه‌كێ پێى ووتى : تۆ به‌م كاره‌ت پاكانه بۆ خۆت ده‌كه‌ى ، له وڵامدا پێى بڵێ : ئه‌مه هه‌واڵدانه نه‌ك پاكانه كردن !! ئه‌گينا هه‌موو ئه‌و كه‌سانه‌ى كه به خۆيان ده‌ڵێن : من موسڵمانم ، يان : سوننيم ، هه‌موو پاكانه‌ى خۆيان ده‌كه‌ن !!! ئه‌و ووته‌يه‌ى شێخى پايه به‌رزى ئيسلام ( ابن تيمية )ه‌ت له ياد نه‌چێ كه فه‌رموويه‌تى : " ولا عيب على من أظهر مذهب السلف وانتسب إليه واعتزى إليه بل يجب قبول ذلك منه بالإنفاق فإن مذهب السلف لا يكون إلا حقا " ( انظر مجموع الفتاوى (4/149) ) . واته : هيچ كه‌م و كوڕيه‌ك نيه بۆ ئه‌و كه‌سه‌ى كه بۆچونه‌كانى سه‌له‌فيانه بێت ، يان به‌خۆى بڵێت من سه‌له‌فيم ، به‌ڵكو پێويسته ئه‌وه‌ى لێ وه‌ربگيرێت به يه‌ك ده‌نگى ، چونكه بۆچونه‌كانى سه‌له‌ف هه‌موو ڕه‌وان نا ڕه‌اييان تێدا نيه . 13 ـ ئامان و ده‌خيل نه‌كه‌ى بڕوانيته په‌رتۆكه‌كانى ئه‌هلى بيده‌ع ، يان په‌رتۆكى ئه‌و كه‌سانه‌ى كه له سه‌ريان ده‌كه‌نه‌وه ، يان پاساويان بۆ ئه‌هلى بيده‌ع ده‌هێننه‌وه ، يان كاسێته‌كانيان ، چونكه ژه‌هراوى و كوشه‌نده‌ن ، ( ابن قُـدامة ) ـ به‌ڕه‌حمه‌ت بێ ـ فه‌رموويه‌تى : " ومِـن السُنة : هجران أهل البدع ، ومباينتهم ، وترك الجدال والخصومات في الدين ، وترك النظر في كتب المبتدعة ، والإصغاء إلى كلامهم ، وكل محدثة في الدين بدعة " . واته : له سوننه‌ته دووركه‌وتنه‌وه له ئه‌هلى بيده‌ع و قسه نه‌كردن له گه‌ڵ ياندا ، و وازهێنان له موجاده‌له و دووبه‌ره‌كی كردن له باسه ئايينيه‌كاندا ، و وازهێنان له خوێندنه‌وه و تێڕوانينى په‌رتۆكه‌كانى ئه‌هلى بيده‌ع ، و گوێگرتن له ووته‌كانيان ، هه‌موو تازه‌گه‌ريه‌كيش له ئاييندا بيدعه‌يه. ( ابن القيم )يش ـ به‌ڕه‌حمه‌ت بێت ـ سه‌باره‌ت به ئاگادار كردنه‌وه‌ى موسڵمانان له په‌رتۆكى ئه‌هلى بيده‌ع فه‌رموويه‌تى : يــــا من يظن بأننا حِفنـــا لـه هم كُتْبهم تُنبيك عن ذا الشانِ فانظر ترى لكن نرى لك تركها حــذراً عليك مصـائد الشيطانِ وه ئه‌گه‌ر ويستت ببيت به قوتابى هه‌ر كه‌سێك ئه‌وا پڕسيار له مه‌نهه‌جه‌كه‌ى بكه ، له پرسياركردنه‌كشت بگه‌ڕێره‌وه بۆ زانايانى ( الجرح والتعديل ) له زانايانى سه‌له‌فيه‌ت ، وه‌ك : شێخ ( ربيع بن هادي المدخلي ) ـ خوا بيپارێزيت ـ كه شێخى ( الألباني ) ـ به‌ڕه‌حمه‌ت بێت ـ له وه‌سفيدا فه‌رموويه‌تى : " حامل راية الجرح و التعديل في هذا الزمان " ، جا ئه‌گه‌ر له كه‌سێكيان ئاگه‌دار كرديته‌وه ، ئه‌وا له نه‌خۆش ڕابكه چۆن له شێر ڕاده‌كه‌ى . گوێبيستيش به بۆ ئيمام ( أحمد ) ـ به‌ڕه‌حمه‌ت بێت ـ كه فه‌رموويه‌تى : " إياكم أن تكتبوا عن أحد من أصحاب الأهواء قليلاً ولا كثيراً، عليكم بأصحاب الآثار والسنن " . واته : ئامان نه‌كه‌ن فه‌رمووده له يه‌كێك له ئه‌هلى بيده‌عه‌وه بنووسن كه‌م بێت يان زۆر ، به‌ڵكو بڕۆنه لاى ( أهل الحديث ) كه خاوه‌ن سوننه‌ته‌كانى پێغه‌مبه‌رى خوان (صلی الله علیه وسلم) . 14ـ بانگه‌واز و ده‌عوه‌ى هه‌موو خه‌ڵكى بكه به گشتى بۆ سه‌ر ڕێبازى سه‌له‌فيه‌ت ، به دانايى ، و ئامۆژگارى چاك ، و نه‌رم و نيانيش به له گه‌ڵياندا،له به‌ر ئه‌و فه‌رمووده‌يه‌يى پێغه‌مبه‌رى خوا (صلی الله علیه وسلم) كه تيايدا فه‌رموويه‌تى : " إن الرفق لا يكون في شيء إلا زانه ولا يُنـزع من شي إلا شانه " ( رواه مسلم ) . واته : نه‌رم و نيانى له هيچ شتێكدا نابێت ئيلا جوانى ده‌كاته‌وه ، له هيچ شتێكيش ده‌رناكرێت ئيلا ناشرينى ده‌كات . ئه‌مانه كۆمه‌ڵه ڕێگه‌يه‌ك بوون بوو به‌ره‌و سه‌له‌فيه‌ت چوون ، و چۆنێتى جياكردنه‌وه‌ى ئه‌و كه‌سانى كه حيزبين ، و بانگه‌شه بۆ ئه‌و كاره قه‌ده‌غه‌كراو و بيزراوه ده‌كه‌ن ، داواكارم له خواى په‌روه‌ردگار كارپێكرنيمان پێكه‌ره‌مكات ، و به‌رده‌واميشمان كات له سه‌ر په‌يڕه‌و كردنى بۆچوونى سه‌لفى صالح تاكو مردن ، دووريشمان كاته‌وه له هه‌موو بيرو باوه‌ڕێكى حيزبى و گومڕايى . وآخر دعوانا أن الحمد لله رب العالمين وصلى الله على نبينا محمد وعلى آله وصحبه وسلم وه‌رگێڕانی به‌ده‌ستکارییه‌وه : مامۆستا عدنان بارام |
