سووده‌كانى زيكرى خوا

سووده‌كانى زيكرى خوا

سووده‌كانى زيكرى خوا زۆرن له‌وانه‌

1 ـ شه‌يتان ده‌رده‌كات .                    

2 ـ خواى ڕه‌حمه‌ت فراوان ڕازى ده‌كات .

3 ـ غه‌م و په‌ژاره‌ لاده‌بات .                 

4 ـ فراوانى و خۆشى و شادى دێنێت .

5 ـ ڕوومه‌ت ڕووناك ده‌كاته‌وه‌ .            

6 ـ ڕيزق و ڕۆزى دێنێت .

7 ـ خۆشه‌ويستى خوا بۆ به‌نده‌.

8 ـ خۆشه‌ويستى به‌نده‌ بۆ خوا ، هه‌روه‌ها هه‌ست كردن به‌ چاودێرى خوا و ناسينى و گه‌ڕانه‌وه‌ بۆ لاى و نزيك بوونه‌وه‌ لێى به‌ده‌ست دێنێت .

9 ـ زيكرى خوا بۆ كه‌سى زيكر خوێن به‌ده‌ست دێنێت .

10 ـ دڵ ده‌ژێنێته‌وه‌ و زيندوو ده‌كاته‌وه‌ .

11 ـ هه‌ست كردن به‌ دابڕان و نامۆيى نێوان به‌نده‌ و په‌روه‌ردگارى ناهێڵێت .

12 ـ خراپه‌كان لاده‌بات له‌سه‌ر خاوه‌نه‌كه‌ى .

13 ـ سوود به‌ خاوه‌نه‌كه‌ى ده‌گه‌يه‌نێت له‌ كاتى ته‌نگانه‌كاندا .

14 ـ هۆكارێكه‌ بۆ دابه‌زينى ئارامى و داگرتنه‌وه‌ى ڕه‌حمه‌ت و چوارده‌ورگرتنى فريشته‌كان .

15 ـ سه‌رقاڵت ده‌كات له‌ غه‌يبه‌ت و فيتنه‌يى و قسه‌ى خراپ و نابه‌جێ .

16 ـ ده‌تپارێزێت له‌ په‌شيمانى و بێ تاقه‌تى ڕۆژى قيامه‌ت .

17 ـ زيكرى خوا له‌گه‌ڵ گرياندا به‌ ته‌نهايى هۆكارێكه‌ بۆ ئه‌وه‌ى خوا به‌نده‌ بخاته‌ ژێر سێبه‌رى عه‌رشى خۆيه‌وه‌ له‌ ڕۆژى قيامه‌تدا .

18 ـ زيكرى خوا پارێزه‌ره‌ له‌وه‌ى كه‌ خوا له‌بير بكه‌يت .

19 ـ وه‌ پارێزه‌ره‌ له‌ دوو ڕوويى .

20 ـ زيكرى خوا ئاسانترينى عيباده‌ته‌كانه‌ و كه‌مترين ناڕه‌حه‌تى تێدايه‌ ، وه‌ له‌گه‌ڵ ئه‌وه‌شدا پاداشته‌كه‌ى به‌رامبه‌ر ئازادكردنى كۆيله‌يه‌ ، وه‌ ئه‌وه‌نده‌ پاداشتى به‌ دوادا دێت كه‌ به‌سه‌ر جگه‌ له‌ودا نى يه‌ .

21 ـ زيكرى خوا ڕووه‌كى چێنراوى به‌هه‌شته‌ .

22 ـ دڵ ده‌وڵه‌مه‌ند ده‌كات و پێداويستيه‌كانى پڕده‌كاته‌وه‌ .

23 ـ ويست و بڕياره‌ په‌رته‌وازه‌كانى نێو دڵ كۆده‌كاته‌وه‌ تێيدا .

24 ـ وه‌ غه‌م و په‌ژاره‌ و خه‌فه‌ت و بێتاقه‌تيه‌ كۆبووه‌كانى سه‌ر دڵ په‌رته‌وازه‌ ده‌كات و نايانهێڵێت .

25 ـ وه‌ ئه‌و سه‌رباز و دارده‌ستانه‌ى شه‌يتان كه‌ كۆبوونه‌ته‌وه‌ له‌سه‌ر دژايه‌تى كردنى په‌رته‌وازه‌ ده‌كات و دووريان ده‌خاته‌وه‌ لـێى .

26 ـ له‌ ڕۆژى دوايى نزيكت ده‌كاته‌وه‌ و له‌ دونيا دوورت ده‌خاته‌وه‌ .

27 ـ زيكر سه‌رى شوكره‌ ، ئه‌و كه‌سه‌ شوكرى خواى نه‌كردووه‌ كه‌ زيكرى نه‌كردبێت .

28 ـ ڕێزدارترين كه‌س لاى خوا ئه‌و كه‌سه‌يه‌ كه‌ به‌رده‌وام زمانى ته‌ڕ بێت به‌ زيكرى خوا .

29 ـ زيكر دڵ ڕه‌قى ده‌توێنێته‌وه‌ .

30 ـ ستايشى خوا و پاڕانه‌وه‌ى فريشته‌كان مسۆگر ده‌كات .

31 ـ هه‌موو كرده‌وه‌كان شه‌رعيه‌تيان پێنه‌دراوه‌ ئيللا له‌به‌ر به‌رقه‌راربوونى زيكر نه‌بێت .

32 ـ خواى گه‌وره‌ شانازى ده‌كات به‌ زيكرخوێنه‌كان به‌سه‌ر فريشته‌كانه‌وه‌ .

33 ـ ناڕه‌حه‌تيه‌كان ئاسان ده‌كات و مه‌ينه‌تيه‌كان سووك ده‌كات و كاره‌كان سانا ده‌كات .

34 ـ به‌ره‌كه‌تى كات مسۆگر ده‌كات .

35 ـ زيكر كارگه‌ريه‌كى سه‌يرى هه‌يه‌ بۆ به‌ده‌ستهاتنى ئه‌من و ئارامى ، چونكه‌ هيچ شتێك نى يه‌ سوودى هه‌بێت بۆ كه‌سى ترساوى زۆر ترساو وه‌كو زيكر .

36 ـ هۆكارێكه‌ بۆ سه‌ركه‌وتن به‌سه‌ر دووژمنانه‌وه‌ .

37 ـ هۆكارێكه‌ بۆ به‌هێزبوونى دڵ .

38 ـ شاخه‌كان و ده‌شتايه‌كان شانازى ده‌كه‌ن و مژده‌ده‌ن به‌و كه‌سه‌ى كه‌ زيكريان له‌سه‌ر ده‌كات .

39 ـ به‌رده‌وام بوون له‌سه‌ر زيكر له‌ ڕێگاوبان و له‌ نێو ماڵ و له‌ كاتى نێشته‌جێبوون و له‌ سه‌فه‌ر و له‌ هه‌موو شوێنه‌كاندا زۆربوونى شايه‌ته‌كانى به‌نده‌يه‌ بۆ ڕۆژى قيامه‌ت .

40 ـ زيكر چێژێكى هه‌يه‌ له‌ نێو كرده‌وه‌كاندا هيچ چێژێك به‌رامبه‌رى نابێته‌وه‌ .

ئاماده‌كردنی : مامۆستا : مـحمد عبد الرحمن لطيف