داواى ئافره‌ت بۆته‌ڵاق له‌مێرده‌كه‌ى به‌بێ هيچ هۆيه‌كى شه‌رعی

داواى ئافره‌ت بۆته‌ڵاق له‌مێرده‌كه‌ى به‌بێ هيچ هۆيه‌كى شه‌رعی

زۆريك له‌ ئافره‌تان په‌له‌وهه‌ڵه‌شه‌ن له‌ داواكردنى ته‌ڵاق له‌ مێرده‌كانيان و مێرد ناچار ده‌كه‌ن كه‌ خێزانيان به‌ ته‌ڵاق دان بده‌ن .

بۆ نمونه‌ كاتێك كێشه‌يه‌كى بچوك دروست ده‌بێ، يان كاتێك ئه‌و پاره‌و ماڵه‌ى كه‌ ده‌يه‌وێ پياوه‌كه‌ى پێ ى نه‌داو بۆى دابين نه‌كات، ئه‌وا ده‌ست به‌جێ داواى ته‌ڵاق ده‌كات. وه‌ زۆرجار پێ ده‌چێ له‌ لايه‌ن كه‌سوكارى ئافره‌ته‌كه‌وه‌ هانبدرێ و پاڵى پێوه‌نبرێ  . وه‌ زۆرجار ئافره‌ت له‌ ڕووى پياودا ده‌وه‌ستێ و  به‌رامبه‌رى لێ ده‌گرێ و لێى ڕاست ده‌بێته‌وه‌ به‌ كۆمه‌ڵيك ووته‌و قسه‌ى كاريگه‌رو هه‌ستيار كه‌ ده‌مارى پياو ده‌گرێ و توڕه‌ى ده‌كات وه‌كو ده‌ڵێ ئه‌گه‌ر پياوى ته‌ڵاقم بده‌. وه‌ شتێكى زانراوه‌ كه‌ ته‌ڵاق و جيابونه‌وه‌ و لێكدابڕانى پياو وئافره‌ت به‌ڵاو نه‌گبه‌تى زۆرى لێ ده‌كه‌وێته‌وه‌، شيرازه‌ى خێزان ده‌پچڕێ و ئه‌تك ده‌بێ و، وه‌ منداڵ په‌رته‌وازه‌ و بێ سه‌روبه‌ر ده‌بێ, وه‌ زۆر جار په‌شيمانى له‌دوادێ، به‌ڵام په‌شيمانى سودێك نابه‌خشێ . ئا ئه‌مانه‌ و چه‌نده‌هاى تريش حيكمه‌ت و كار له‌جێى شه‌رع ده‌رده‌خات، كاتێك كه‌ داواكردنى ته‌ڵاقى حه‌رام كردووه‌.

«ثوبان» له‌ پێغه‌مبه‌ره‌وه‌( صلی الله‌ علیه‌ وسلم ) ده‌يگێرێته‌وه‌ كه‌ فه‌رموويه‌تى: « أَيُّمَا امْرَأَةٍ سَأَلَتْ زَوْجَهَا الطَّلَاقَ مِنْ غَيْرِ مَا بَأْسٍ فَحَرَامٌ عَلَيْهَا رَائِحَةُ الْجَنَّةِ». واته‌: « هه‌ر ئافره‌تێك داواى ته‌ڵاق له‌ مێرده‌كه‌ى خۆى بكات به‌بێ بيانويه‌كى شه‌رعي، ئه‌وا بۆنى به‌هه‌شتى له‌سه‌ر حه‌رامه‌ » رواه أحمد 5/277 وهو في صحيح الجامع 2703  .

«عقبه‌»ى كوڕي«عامر» له‌ پێغه‌مبه‌ره‌وه‌( صلی الله‌ علیه‌ وسلم ) ده‌يگێرێته‌وه‌ كه‌ فه‌رموويه‌تى: « إنَّ الْمُخْتَلِعَاتِ الْمُنْتَزِعَاتِ هُنَّ الْمُنَافِقَاتُ». واته‌: « ئه‌و ئافره‌تانه‌ى داواى (خلع) جيابونه‌وه‌ ده‌كه‌ن به‌بێ بيانوى شه‌رعى ئه‌وانه‌ مونافقن» رواه الطبراني في الكبير 17/339 وهو في صحيح الجامع 1934. به‌ڵام ئه‌گه‌ر هۆكارێكى شه‌رعى هه‌بوو بۆ ئه‌وه‌ى ئافره‌ته‌كه‌ داواى ته‌ڵاق و جيابونه‌وه‌بكات، وه‌كو ئه‌وه‌ى پياوه‌كه‌ى وازى له‌ نوێژ هێنابێ، يان عاره‌ق خۆربێ، يان بيه‌وێ به‌ زۆر خێزانه‌كه‌ى توشى كارى حه‌رام بكات، يان زوڵم و سته‌مى لێ بكات به‌ لێدان و ئازاردان يان ئافره‌ته‌كه‌ له‌مافه‌ شه‌رعيه‌كانى خۆى بێبه‌ش بكات، وه‌ نه‌سيحه‌ت و ئامۆژگاريش سودى نه‌بوو، وه‌ هيچ ڕێگه‌يه‌ك نه‌ئه‌بينرا بۆ چاك بوونى، ئه‌وا ئافره‌ته‌كه‌ هيچ تاوانى له‌سه‌ر نى يه‌ و گوناهبار نابێ كه‌ داواى ته‌ڵاق له‌ مێرده‌كه‌ى بكات، بۆ ئه‌وى خۆى و دينه‌كه‌ى سه‌لامه‌ت بێ و دوچارى تاوان و خراپه‌ نه‌بێ .

ئاماده‌کردنی : مامۆستا کاوه‌ اکرم سنگاوی