فه‌زڵى كردنى دوو ركعه‌ت نوێژ له‌ دواى ده‌ست نوێژ

فه‌زڵى كردنى دوو ركعه‌ت نوێژ له‌ دواى ده‌ست نوێژ

قال رسول الله ( صلی الله‌ علیه‌ وسلم ) : ( بِمَ سَبَقْتَنِى إِلَى الْجَنَّةِ ؟ مَا دَخَلْتُ الْجَنَّةَ قَطُّ إِلاَّ سَمِعْتُ خَشْخَشَتَكَ أَمَامِى ، فَأَتَيْتُ عَلَى قَصْرٍ مُرَبَّعٍ مُشَرَّفٍ مِنْ ذَهَبٍ ، فَقُلْتُ : لِمَنْ هَذَا الْقَصْرُ ؟ فَقَالُوا : لِرَجُلٍ مِنَ الْعَرَبِ ، فَقُلْتُ : أَنَا عَرَبِيٌّ ، لِمَنْ هَذَا الْقَصْرُ ؟ قَالُوا : لِرَجُلٍ مِنْ أُمَّةِ مُحَمَّدٍ ، قُلْتُ : أَنَا مُحَمَّدٌ ، لِمَنْ هَذَا الْقَصْرُ ؟ قَالُوا : لِعُمَرَ بْنِ الْخَطَّابِ ، فَقَالَ بِلاَلٌ : يَا رَسُولَ اللهِ ، مَا أَذَّنْتُ قَطُّ إِلاَّ صَلَّيْتُ رَكْعَتَيْنِ ، وَمَا أَصَابَنِى حَدَثٌ قَطُّ إِلاَّ تَوَضَّأْتُ وصليتُ ركعتين ، فقال بهذا) صحيح الجامع حديث رقم 7894.

واته‌ : پێغه‌مبه‌رى خودا ( صلی الله‌ علیه‌ وسلم ) فه‌رمويه‌تى : ئه‌ى بيلال به‌ چ شتێك تۆ پێش من كه‌وتيه‌وه‌ له‌ به‌هه‌شت ، هيچ كاتێك نه‌چومه‌ته‌ به‌هه‌شت ئيلا له‌ پێش خۆمه‌وه‌  گوێم له‌ ده‌نگى ڕۆيشتنى تۆ بووه‌  ، خوێنه‌رى به‌ڕێز زانايان ده‌فه‌رموون : ئه‌م فه‌رمووده‌يه‌ ماناى ئه‌وه‌ نيه‌ كه‌ بيلال پێش پێغه‌مبه‌رى خودا ( صلی الله‌ علیه‌ وسلم ) ده‌چێته‌ به‌هه‌شته‌وه‌ به‌ڵكو يه‌كه‌م كه‌س كه‌ ده‌رگاى به‌هه‌شتى بۆ ده‌كرێته‌وه‌ پێغه‌مبه‌رى خۆشه‌ويستمانه‌ ( صلی الله‌ علیه‌ وسلم ) كه‌ له‌ فه‌رمووده‌دا هاتووه‌ ، ده‌رگه‌وانى به‌هه‌شت به‌ پێغه‌مبه‌رى خودا ( صلی الله‌ علیه‌ وسلم ) ده‌ڵێت : ئه‌مرم پێكراوه‌ كه‌ پێش تۆ ده‌رگا بۆ هيچ كه‌سێك نه‌كه‌مه‌وه‌ ، به‌ڵام ئه‌و خه‌ونه‌ى كه‌ پێغه‌مبه‌رى خودا ( صلی الله‌ علیه‌ وسلم ) بينيويه‌تى به‌ بيلال ماناكه‌ى ئه‌وه‌يه‌ كه‌ بيلال يه‌كێكه‌ له‌ ئه‌هلى به‌هه‌شت و له‌گه‌ڵ پێغه‌مبه‌رى خودا دا ( صلی الله‌ علیه‌ وسلم ) ده‌بێت لێى جيا نابێته‌وه‌ .

ماناى ته‌واوى فه‌رمووده‌كه‌ ئه‌وه‌ بوو كه‌ پێغه‌مبه‌رى خودا ( صلی الله‌ علیه‌ وسلم ) فه‌رمووى : چوم بۆ لاى كۆشكێكى چوار گۆشه‌و به‌رز كه‌ له‌ زێڕ دروست كرابوو ، ووتم ئه‌م كۆشكه‌ بۆ كێيه‌ ، ووتيان بۆ پياوێكه‌ له‌ عه‌ره‌ب ، پێغه‌مبه‌رى خودا ( صلی الله‌ علیه‌ وسلم ) فه‌رمووى : من عه‌ره‌بم  ، ئايا ئه‌م كۆشكه‌ بۆ كێيه‌ ؟ ووتيان بۆ پياوێكه‌ له‌ قوڕه‌يش ، فه‌رمووى من قره‌يشيم ، ئايا ئه‌م كۆشكه‌ بۆ كێيه‌ ؟ ووتيان: بۆ پياوێكه‌ له‌ ئومه‌تى محمد ( صلی الله‌ علیه‌ وسلم ) ووتم: من (محمد)م بۆ كێيه‌ ئه‌م كۆشكه‌؟ ووتيان: بۆ عومه‌رى كورى خه‌تابه‌ پاشان بيلال ووتى ئه‌ى پێغه‌مبه‌رى خودا ( صلی الله‌ علیه‌ وسلم ) هيچ جار بانگم نه‌ده‌دا ئيلا دوو ڕكعه‌ت نوێژم ده‌كرد ، وه‌ هيچ جار ده‌ست نوێژم نه‌ ده‌شكا ئيلا ده‌ست نوێژم ده‌گرته‌وه‌و دوو ركعه‌ت نوێژم ده‌كرد ، ئينجا پێغه‌مبه‌رى خودا ( صلی الله‌ علیه‌ وسلم ) پێى فه‌رموو : ئه‌وه‌ له‌به‌ر ئه‌م دوو ركعه‌ت نوێژه‌ بووه‌ كه‌ له‌ دواى بانگ و له‌ دواى ده‌ست نوێژ كردبووى به‌ به‌رده‌وامى .

ئامادەكردنی مامۆستا : هه‌ڵگورد مصطفى گه‌ڵاڵه‌يى