|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
ئایە سزای گۆڕ تایبەتە بەرۆح یان تایبەتە بەلاشە ؟ ئایە سزای گۆڕ تایبەتە بەرۆح یان تایبەتە بەلاشە ؟ وەڵام : سزای ناو گۆڕ بەڵگەی لەبارەوە هاتووە لە پەرتووکی خواو سوننەتی پێغەمبەرەکەی صلى الله علیه وسلم . بەڵگە لەقورئاندا ؛ خوای گەورە فەرمویەتی : وَلَوْ تَرَىٰ إِذِ الظَّالِمُونَ فِي غَمَرَاتِ الْمَوْتِ وَالْمَلَائِكَةُ بَاسِطُو أَيْدِيهِمْ أَخْرِجُوا أَنْفُسَكُمُ ۖ الْيَوْمَ تُجْزَوْنَ عَذَابَ الْهُونِ بِمَا كُنْتُمْ تَقُولُونَ عَلَى اللَّهِ غَيْرَ الْحَقِّ وَكُنْتُمْ عَنْ آيَاتِهِ تَسْتَكْبِرُونَ . الأنعام :٩٣ . واتە : ئه‌گه‌ر ئه‌و سته‌مکارانه ببینی کە چۆن له ئێش و ئازاری سه‌ره‌مه‌رگدا (گیریان خواردووه) فریشته‌کانیش ده‌ستیان لێده‌که‌نه‌وه و لێیان ده‌ده‌ن و (پێیان ده‌ڵێن) : ئاده‌ی گیانتان بده‌ن به‌ده‌سته‌وه ، ده‌ی ڕۆحتان ده‌رکه‌ن ، ئه‌مڕۆ له تۆڵه‌ی (خوا نه‌ناسیتاندا) سزاو ئه‌شکه‌نجه‌ی ڕیسوایی و شه‌رمه‌زاری ده‌درێن ، چونکه شتی ناحه‌قتان به‌ده‌م خواوه هه‌ڵده‌به‌ست و خۆتان به‌گه‌وره ده‌زانی له به‌رامبه‌ر ئایه‌ت و فه‌رمانه‌کانی خوادا و لووت به‌رزیتان نه‌یده‌هێشت باوه‌ڕی پێ بهێنن . وە سەبارەت بە ئالی فیرعەون فەرمویەتی : ( النَّارُ يُعْرَضُونَ عَلَيْهَا غُدُوًّا وَعَشِيًّا ۖ وَيَوْمَ تَقُومُ السَّاعَةُ أَدْخِلُوا آلَ فِرْعَوْنَ أَشَدَّ الْعَذَابِ) . (46) سورە غافر . واتە : ئاگری دۆزەخ بەیانیان و ئێواران نیشانیان دەدرێ ، ڕۆژی قیامەتیش فەرمان دەدرێت : ئادەی تاقم و دەستەی فیرعەون بخەنە نێو قورسترین سزا . وە ئەم فەرمودانەی باسی سزای گۆڕ دەکەن ؛ زۆرن ؛ لەوانە بۆ نمونە ئەو فەرمودەیەی کە هەموو خەڵکی دەیزانێت ؛ کە بریتیە لەو دوعایەی نوێژ خوێن دەیخوێنێت لەکۆتایی تەحیات : خوایە پەنات پێدەگرم لەسزای دۆزەخ ؛ وە لەسزای گۆڕ ؛ وە لەئاشووبی ژیان و مردن ؛ وە لە ئاشووبی مەسیحی دەججال . سزای گۆر لە ئەسڵدا لەسەر رۆحە ؛ وە هەندێک جار بەلاشەش دەگات ؛ بەتایبەتی لەوکاتەی پرسیاری پەروەردگاری و دینی و پێغەمبەرەکەی لێ دەکرێت ؛ لەوکاتدا رۆحی دەگەرێتەوە ناو لاشەی ؛ بەڵام ئەمە گەرانەوەیەکی بەرزەخیە و پەیوەندی بەلاشەوە نابێت بەوشێوەیەی لەدونیادا پەیوەندی پێوە بووە . وە پرسیار لە مردووەکە دەکرێت سەبارەت بە پەروەردگاری و دینی و پێغەمبەرەکەی ؛ جا ئەگەر کەسێکی کافر بوو یان منافق بوو لەوەڵامدا ئەڵێت ها ها نازانم ؛ گوێم لەخەڵکی بوو شتێکیان دەوت ؛ ڕاستەوخۆ فریشتەکە چەکوشێکی ئاسنی لێ دەدات ؛ مردووەکە بەشێوەیەکی ئەوەندە بەرز هاوار دەکات هەموو شتێک گوێی لێ دەبێت تەنها مرۆڤ نەبێت ؛ ئەگەر مرۆف گوێی لێبێت لەترسان رووحی دەردەچێت و دەمرێت . زانای پایەبەرز : شێخ محمد بن صالح العثيمين ( ڕەحمەتی خوای لێبێت ) . وەرگێڕ : م هەڵگورد مصطفى گەڵاڵەیی . ١٣ / ١ / ٢٠٢٠ م
|
