|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
ڤایرۆسی کۆرۆنا زۆرشتی بۆ دەرخستین ! ڤایرۆسی کۆرۆنا زۆرشتی بۆ دەرخستین ! ١_ ڤایرۆسی کۆرۆنا بۆی دەرخستین کە ئەتوانین بەبێ ململانێکردنی یەکتری بەهۆی سەیرکردنی یاری تۆپی بژین !
٢_ ڤایرۆسی کۆرۆنا بۆی دەرخستین ئەوانەی ئەیانەوێت هاوسەرگیری بکەن ئەتوانن بەبێ کۆبوونەوەی نامەحرەمەکان لە هۆڵ و پارکەکان ئەم پرۆسەیان جێ بەجێ بکەن !
٣_ ڤایرۆسی کۆرۆنا بۆی دەرخستین ئەوانەی شەوانە کاتەکانی خۆیان لەگازینۆ و کافتریا و قومارخانەکان بەڕێ دەکرد ئەتوانن لەماڵەوە بن و ئاگایان لەخێزان و منداڵەکانیان بێت .
٤_ ڤایرۆسی کۆرۆنا بۆی دەرخستین ئەوانەی نوێژ ناکەن ئەوە ئێستا تەنها لەماڵەوە دەرفەتیان بۆ هەیە تەوەبە بکەن و نوێژەکانیان بکەن چونکە ڕۆژێکدا دێت ئەو دەرفەتەشیان بۆ نامێنێت کە کاتی مردنە .
٥_ ڤایرۆسی کۆرۆنا بۆی دەرخستین ئەوکەسانەی توانای چوونە حەج و عومەریان هەیە و ناشچن ئەکرێت کە بەساتێکی زۆرکەم ئەم دەرفەتەیان لەدەست بچێت جا بەمەردبێت یان هەرشتێکی تر !
٦_ ڤایرۆسی کۆرۆنا بۆی دەرخستین کە گۆرانی بێژ و دەرهێنەرە خراپەکان هیچ سودێکیان نیە بۆ کۆمەڵگا و خەڵکی ئەتوانن بەبێ ئەوان ژیانێکی دوور لەتاوان و خراپە بەسەر بەرن !
٧_ ڤایرۆسی کۆرۆنا بۆ هەموو دەوڵەمەندێکی دەرخست کەچەندە دەوڵەمەندبێ ماڵەکەی سودی پێ ناگەیەنێت کاتێک نەخۆشیەکی کوشندە – یان مردن – ی پێ دەگات و لە دونیا و خۆشیەکانی جیا دەکاتەوە !
٨_ ڤایرۆسی کۆرۆنا پێمان دەڵێت بەتەمەنەکانمان بێ توانان و پێویستە لەسەرمان یارمەتیان بدەین و ئاگامان لەتەندروستیان بێت !
٩_ ڤایرۆسی کۆرۆنا – جوانی و پاکی ئیسلامی - بۆی دەرخستین کە پاک و خاوێنی نیوەی ئیمانە و شتێکی بەردەوام پێویستە .
١٠_ ڤایرۆسی کۆرۆنا بۆی دەرخستین کە مرۆڤ لاوازە و بەردەوام پێویستی بەخوایە و دەبێت هەر بۆلای ئەو بگەرێتەوە و لێی بپارێتەوە و بیپەرستێت .
١١- ڤایرۆسی کۆرۆنا ترس و بەڵایەکە ناخۆشیەکانی ڕۆژی دواییمان بیردێنیتەوە بۆ ئەوەی تەوبە بکەین و بگەڕێینەوە بۆلای خوای پەروەردگار .
خوایە ئەوانەی تووشی بەڵاو ناخۆشی بوونە رەحمیان پێ بکە و رەحم و بەزەیی خۆت بەسەریاندا بڕژێنە . خوایە بمانپارێزە و لێمان خۆشبە و کۆتاخێرمان بکە . وصلى الله على نبینا محمد و على آله وصحبه وسلم نوسینی : نصرالدین لصفر . وەرگێڕانی : مامۆستا هەلگورد مستەفا گەڵاڵەیی . ٢٨ / ٣ / ٢٠٢٠ |
