|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
ناسینی سه‌عیدی كوڕی جوبه‌یر - ڕه‌زای خوای لێبێت - ناسینی عیباده‌تی سه‌عیدی كوڕی جوبه‌یر – ڕه‌زای خوای لێبێت -
سه‌عیدی كوڕی جوبه‌یر – ڕه‌زای خوای لێبێت - یه‌كێكه له‌گه‌وڕه زانایانی تابیعین ؛ له‌سه‌رده‌می خه‌لافه‌تی عه‌لی كوڕی ئه‌بی تالیب – ڕه‌زای خوای لێبێت – له‌دایك بووه ؛ یه‌كێك بووه له‌وكه‌سانه‌ی دوعاكانی قه‌بول بووه له‌لای خوای په‌روه‌ردگار ؛ وه زانستی له‌لای گه‌وره زانایانی سه‌حابه به‌ده‌ست هێناوه له‌وانه عبدااله ی كوڕی عومه‌ر و عبدالله ی كوڕی عه‌بباس و ئه‌بو هوڕه‌یڕه و دایكه عائیشه و زۆرێكی تر – ڕه‌زای خوایان لێبێت - ؛ وه له‌ساڵی 95 كۆچی به‌ده‌ستی سته‌مكار حه‌ججاجی كوڕی یوسفی سه‌قه‌فی كوژرا . سير أعلام النبلاء : 4 – 341 / 342 . ................ عیباده‌تی سه‌عیدی كوڕی جوبه‌یر : هیلالی كوڕی خه‌بباب ئه‌ڵێ : له‌گه‌ڵ سه‌عیدی كوڕی جوبه‌یر – ڕه‌زای خوای لێبێت – به‌دوای جه‌نازه‌یه‌كه‌وه به‌ره و گۆڕستان ده‌ڕۆییشین له‌ڕیگادا قسه‌ی بۆ ده‌كردین و ئامۆژگاری ده‌كردین هه‌تا گه‌ییشتینه گۆڕستان ؛ جا كاتێك دانیشت به‌رده‌وام هه‌ر قسه‌ی بۆ ده‌كردین هه‌تا هه‌ستاین و گه‌ڕاینه‌وه ؛ وه كه‌سێك بوو زۆر زیكری خوای ده‌كرد . . سير أعلام النبلاء : 4 / 327 . نه‌صیف ئه‌ڵێ : سه‌عیدی كوڕی جوبه‌یرم له‌دوای مه‌قام بینی پێش نوێژی به‌یانی ؛ چووم له‌ته‌نیشتی نوێژم كرد ؛ پاشان پرسیاری ئایه‌تێكم لێی كرد وه‌ڵامی نه‌دامه‌وه ؛ جا كاتێك نوێژی به‌یانی كرد ؛ فه‌رمووی : ئه‌گه‌ر فه‌جر ده‌ركه‌وت و بانگی به‌یانی درا هیچ قسه‌یه‌ك مه‌كه ته‌نها زیكری خوا نه‌بێت ؛ هه‌تا نوێژی به‌یانی ده‌كه‌ی . حلية الاولياء : 4 / 281 . قاسمی كوری ئه‌یوب ئه‌ڵێ : گوێم له سه‌عیدی كوڕی جوبه‌یر بوو زیاتر له بیست جار ئه‌م ئایه‌ته‌ی دووباره ده‌كرده‌وه : وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ. البقرة : 281 . واته : له سزاو تۆڵه‌ی ڕۆژێک بترسن که تیایدا بۆ لای خوا ده‌گه‌ڕێنه‌وه . سير أعلام النبلاء : 4 / 324 .
وه ئه‌سبه‌غی كوڕی زه‌ید ئه‌ڵێ : سه‌عیدی كوڕی جوبه‌یر كه‌ڵه‌شێرێكی هه‌بوو شه‌وان به‌ده‌نگی ئه‌م كه‌ڵه شێره هه‌ڵده‌ستایه‌وه بۆ شه‌و نوێژ كردن ؛ به‌ڵام شه‌وێكیان ئه‌م كه‌ڵه‌شێره هه‌تا به‌یانی ده‌نگی نه‌هات ؛ بۆیه سه‌عید ئه‌م شه‌وه شه‌و نوێژی له‌ده‌ست چوو و زۆر له‌سه‌ری قورس و ناخۆش بوو ؛ فه‌رمووی : ئه‌وه بۆ ئه‌م شه‌و ده‌نگی نه‌بوو خوا ده‌نگی ببڕێت ؛ له‌دوای ئه‌م دوعایه كه‌ڵه‌شێره‌كه به‌یه‌كجاری ده‌نگی نه‌ما ! ؛ بۆیه دایكی پێی فه‌رموو :له‌مه‌ودوا دوعا له‌هیچ كه‌سێك مه‌كه . سير أعلام النبلاء : 4 / 323 . ...................... وته و ئامۆژگاریه‌كانی سه‌عیدی كوڕی جوبه‌یر – ڕه‌حمه‌تی خوای لێبێت – كێ به‌نده‌ترین كه‌سه بۆخوا ؟ له جه‌عفه‌ره‌وه - ڕه‌حمه‌تی خوای لێبێت – فه‌رمووی به سه‌عیدی كوڕی جوبه‌یر وترا : كێ به‌نده‌ترین كه‌سه بۆخوا ؟ فه‌رمووی : كه‌سێكه تووشی تاوان بووه ؛ چه‌ند جار تاوانه‌كانی بیردێته‌وه كرده‌وه چاكه‌كانی له‌به‌رچاو كه‌م ده‌بێت . صفة الصفوة : 3 / 79 .
ئه‌ندازه‌ی كاتی دونیا سه‌عیدی كوڕی جوبه‌یر – ڕه‌حمه‌تی خوای لێبێت – فه‌رمویه‌تی : دونیا هه‌ینیه‌كه له هه‌ینیه‌كانی ڕۆژی دوایی . حلية الاولياء : 4 / 280 .
به‌فیڕۆدانی ماڵ و سامان سه‌عیدی كوڕی جوبه‌یر – ڕه‌حمه‌تی خوای لێبێت – فه‌رمویه‌تی : له به‌فیرۆدانی ماڵ و سامان ئه‌وه‌یه : خوا رزقی حه‌ڵاڵت پێ ببه‌خشێت تۆش بچی له‌تاوان سه‌رفی بكه‌ی . حلية الاولياء : 4 / 281 .
هیچ كرده‌ه‌یه‌ك قه‌بول نابێت ته‌نها به موافقی سوننه‌ت نه‌بێت سه‌عیدی كوڕی جوبه‌یر – ڕه‌حمه‌تی خوای لێبێت – فه‌رمویه‌تی : هیچ وته‌یه‌ك قه‌بول نابێت ته‌نها به‌كرده‌وه پێ كردن نه‌بێت ؛ وه هیچ وته و كرده‌وه‌یه‌ك قه‌بول نابێت ته‌نها به‌نیه‌ت نه‌بێت ؛ وه هیچ وته و كرده‌وه و نیه‌تێك قه‌بول نابێت ته‌نها به موافقی سوننه‌ت نه‌بێت . الأمر بالمعروف والنهي عن المنكر لابن تيمية : 69 . وه‌رگێڕانی : مامۆستا هه‌ڵگورد گه‌لاڵه‌یی . 11 / 7 / 2020 .
|
