هه‌ڵه‌كانی نوێژخوێنان

هه‌ڵه‌كانی نوێژخوێنان

1_ نیه‌ت هێنان به‌ده‌نگ – شوێنی نیه‌ت دڵه‌ و به‌زمان نیه‌ت ناوترێت و به‌ڵگه‌ی له‌باره‌وه‌ نه‌هاتووه‌ -  .

2_ ده‌نگ به‌رز كردنه‌وه له‌كاتی خوێندنه‌وه‌ی قوڕئان و زیكره‌كانی ناو نوێژ .

3_ خۆلكاندن به‌ دینگه‌یه‌ك یان كۆڵه‌كه‌یه‌ك له‌كاتی نوێژ كردن به‌بێ پێویست .

4_ وتنی ( استعنا بالله ) له‌كاتی وتنی ئیمام ( إیاك نعبد و إیاك نستعین ) .

5_ ته‌یه‌موم كردن له‌كاتی بوونی ئاو و توانای به‌كارهێنانی .

6_ نه‌گه‌یاندنی پێیه‌كان به‌یه‌كتری له‌كاتی نوێژی جه‌ماعه‌ت و بۆشایی دروست كردن .

7_ پشت ڕاست نه‌كردن له‌كاتی ڕكوع و هه‌ستانه‌وه‌ و سوجده‌ و دانیشتن .

8_ وتنی ( إن الله مع الصابرین ) له‌كاتی چوونه‌ ناومزگه‌وت كاتێك ئیمام له‌نوێژی جه‌ماعه‌ت دایه‌ بۆ ئه‌وه‌ی ئیمام په‌له‌ نه‌كات و كه‌سه‌كه‌ به‌جه‌ماعه‌ت بگات .

9_ نه‌گه‌یاندنی حه‌وت ئه‌ندام به‌زه‌وی له‌كاتی سوجده‌ بردن كه‌ بریتین له‌ سه‌ره‌په‌نجه‌كانی هه‌ردوو پێ ؛ وه‌ نێوچاوان و لوت ؛ وه‌ پانی هه‌ردوو ده‌ست ؛ وه‌ هه‌ردوو ئه‌ژنۆ .

10_ چاوه‌روان كردنی ئیمام كاتێك له‌سوجده‌ دایه‌ هه‌تا به‌رز ده‌بێته‌وه‌ پاشان كه‌سه‌كه‌ داخیلی ناو نوێژی جه‌ماعه‌ت ده‌بێت كاتێك تازه‌ هاتووه‌ بۆ نوێژی جه‌ماعه‌ت .

11_ به‌خێرایی كردنی نوێژ ؛ په‌له‌كردن له‌ ركوع و سوجده‌ بردن .

12_ سه‌لام دانه‌وه‌ پێش ئه‌وه‌ی ئیمام سه‌لام بداته‌وه‌ .

13_ به‌ پێش كه‌وتنی ئیمام له‌چوونه‌ ركوع و سوجده‌ و هه‌ستانه‌وه‌دا .

14_ سه‌یركردنی سه‌قفی مزگه‌وت یان سه‌قفی خانوو ؛ یان سه‌یركردنی لای ڕاست و چه‌پ له‌كاتی نوێژ كردندا .

15_ ده‌ست به‌رزنه‌كردنه‌وه‌ له‌وشوێنانه‌ی سونه‌ته‌ ده‌ست به‌رز بكه‌یته‌وه‌ .

16_ به‌خێرایی و ڕاكه‌ڕاك ڕۆییشتن بۆ مزگه‌وت .

17_ چوون بۆ مزگه‌وت به‌ بۆنی سیر و پیاز و كه‌وه‌ر .

18_ چوون بۆ مزگه‌وت به‌پۆشانی چڵكن یان به‌سه‌ر و بنی خه‌وتن .

19_ ده‌ست به‌ردانه‌وه‌ و نه‌گرتنی له‌كاتی خویندنی سوره‌تی فاتیحه‌ .

20_ چاونوقاندن له‌كاتی نوێژكردن .

21_ سونه‌ت كردن له‌كاتی قامه‌ت كردن .

22_ وازهینان له‌وه‌ڵامدانه‌وه‌ی سه‌لام به‌ئاماژه‌كردن له‌ناو نوێژدا .

23_ درێژكردنه‌وه‌ی پیتی باء له‌وشه‌ی الله أكبر ؛ كه‌سانێك به‌هه‌ڵه‌ ده‌ڵێن : الله أكبار .

24_ دانه‌پۆشین و رووتكردنی سه‌رشانه‌كان له‌كاتی نوێژكردن .

25_ نوێژكردن به‌پۆشاكی ته‌نك كه‌ ڕه‌نگی پێست ده‌رده‌خات .

26_ تف و به‌ڵغه‌م فڕێدان ڕووه‌ و قیبله‌ .

27_ لوولدانی سه‌رده‌ست و گرتنی پرچ له‌كاتی نوێژكردن .

28_ زۆر حه‌ره‌كه‌ و جووله‌كردن له‌ناو نوێژدا به‌بێ پێویست .

29_ نوێژكردنی هه‌ندێك نه‌خۆش به‌دانیشتنه‌وه‌ له‌كاتێكدا ده‌توانێت به‌ڕاوه‌ستانه‌وه‌ بیكات .

30_ له‌به‌رنه‌كردنی پۆشاكی جوان و پاك بۆ مزگه‌وت .

31_ وتنی ( أقامها الله و أدامها ) له‌كاتی بیستنی وشه‌ی : ( قد قامت الصلاة ) له‌كاتی قامه‌ت كردن .

32_ قوتنه‌دانه‌وه‌ی باوه‌شك یان ده‌ست له‌سه‌ر ده‌م دانه‌نان له‌كاتی باوه‌شك .

33_ داپۆشینی ده‌م .

34_ په‌نجه‌ خستنه‌ ناویه‌ك .

35_ به‌لاری راوه‌ستان له‌ناو نوێژدا .

36_ وتنی ( سبحان الذي لايسهو ) له‌سوجده‌ی سه‌هودا چونكه‌ ئه‌م زیكره‌ به‌ڵگه‌ی سه‌حیحی له‌باره‌وه‌ نه‌هاتووه‌ .

37_ نه‌كردنی نوێژی ( تحية المسجد ) .

38_ كه‌مێك چوونه‌ پێشی ئیمان كاتێك ته‌نها دوو نه‌فه‌ر نوێژه‌كه‌ ده‌كه‌ن ؛ شێوه‌ راسته‌كه‌ی ئه‌وه‌یه‌ كه‌ ئیمام و مه‌ئموم له‌ڕاستی یه‌كتربن كاتێك ته‌نها دوو نه‌فه‌رن و نوێژه‌كه‌یان به‌جه‌ماعه‌ت ده‌كه‌ن ؛ مه‌ئمومه‌كه‌ ده‌بێت له‌لای ده‌سته‌ ڕاستی ئیمام بێت و له‌رساتی ئه‌وبێت .

39_ نه‌جولاندنی زمان و لێو له‌كاتی خوێندنی قوڕئان و زیكره‌كان .

40_ داگیركردنی شوێنێك له‌ناو مزگه‌وت ته‌نها بۆخۆی ؛ نه‌یه‌ڵێت هیچ كه‌سێك له‌وشوێنه‌ دابنیشێت و نوێژبكات .

41_ كڕین و فرۆشتن له‌ناو مزگه‌وت .

42_ ته‌عزیه‌ دانان له‌ناو مزگه‌وت .

43_ نوێژكردن به‌بێ سوتره‌ و به‌ربه‌ست .

44_ رۆییشتن به‌به‌رده‌م نوێژخوێن .

45_ ڕه‌تنه‌كردنه‌وه‌ی ئه‌وكه‌سه‌ی به‌به‌رده‌م نوێژه‌كه‌تدا ده‌ڕوات .

46_ چوونه‌ ناو مزگه‌وت به‌بۆنی گۆره‌وی ناخۆش و پیس .

47_ ده‌نگ به‌رزكردنه‌وه‌ له‌ناو مزگه‌وت به‌بێ پێویست .

48_ كێشه‌ دروست كردن و غه‌یبه‌تی كردنی خه‌ڵك له‌ناو مزگه‌وت .

49_ نوێژكردن به‌ته‌نها له‌ڕیزی دواوه‌ی نوێژی جه‌ماعه‌ت بێ ئه‌وه‌ی ریزی پێشتر پربووبێت .

50_ ته‌وقه‌ كردن له‌دوای ته‌واوبوونی نوێژی فه‌رز و وتنی ( تقبل الله ) ؛ ئه‌م كاره‌‌ به‌ڵگه‌ی له‌باره‌وه‌ نه‌هاتووه‌ و هاوه‌ڵان وایان نه‌كردووه‌ و شتێكی داهێنراوه‌ له‌دیندا ؛ گشت داهێنراوێكیش له‌دیندا بیدعه‌یه‌ و ڕه‌تكراوه‌یه‌ .

په‌رتوكی : ( الدليل العلمي ) : 27 - 28 .

وه‌رگێڕانی : مامۆستا هه‌ڵگورد مصطفى گه‌ڵاڵه‌یی .

27 / جمادی الاخر / 1442 ---- 10 / 2 / 2021