پوخته‌ی ژیاننامه‌ی زانای پایه‌به‌رز شێخ ابن باز – ڕه‌حمه‌تی خوای لێبێت –

شێخ ابن باز ناوی عبدالعزیزی كوڕی عبدالله ی كوڕی بازه‌ - ڕه‌حمه‌تی خوای لێبێت - .

له‌ 12 ی مانگی ذي الحجة ی ساڵی 1330 ی كۆچی به‌رامبه‌ر به‌ 22 ی 11 ی ساڵی 1912 ی زایینی له شاری ریاض ی سعودیا له‌ ‌دایك بووه‌ .

شێخ ابن باز - ڕه‌حمه‌تی خوای لێبێت - له‌ته‌مه‌نی 16 ساڵی چاوه‌كانی تووشی نه‌خۆشی ده‌بێت و لاواز ده‌بێت پاشان به‌یه‌كجاری چاوه‌كانی له‌ده‌ست ده‌دات و نابینا ده‌بێت ؛ ئه‌م زانا به‌ڕێزه‌ ئه‌هوكاته‌ی كه‌ منداڵه‌ باوكی ده‌مرێت و به‌ بێ باوكی گه‌وره‌ ده‌بێت ؛ وه‌ كاتێك ده‌بێت به‌ 25 ساڵ ئینجا دایكیشی ده‌مرێت – خوای په‌روه‌ردگاریان لێیان خۆش بێت -  .

شێخ ابن باز - ڕه‌حمه‌تی خوای لێبێت – هه‌ر به‌منداڵی هه‌موو قورئانی پیرۆز له‌به‌رده‌كات پێش ئه‌وه‌ی بالغ ببێت ؛ وه‌ له‌لای زۆرێك له‌ زانایانی ( شاری  ریاض ) ده‌ست ده‌كات به‌خوێندنی شه‌رعی و زانستی شه‌رعی به‌ده‌ست دێنێت ؛ له‌وانه‌ :

1_ الشيخ محمد بن عبد اللطيف بن عبد الرحمن  .

2_ الشيخ صالح بن عبد العزيز بن عبد الرحمن .

3_ الشيخ سعد بن حمد بن عتيق  .

4_ الشيخ حمد بن فارس  .

5_ سماحة الشيخ محمد بن إبراهيم بن عبد اللطيف آل الشيخ (مفتي المملكة العربية السعودية ) ؛ 10 ساڵ له‌لای ئه‌م زانا به‌ڕێزه‌ گشت زانسته‌كانی شه‌رعی خوێندووه‌ .

6_ الشيخ سعد وقاص البخاري  ؛ له‌لای ئه‌م زانا به‌ڕێزه‌ زانستی ته‌جویدی خوێندووه‌ .

شێخ ابن باز - ڕه‌حمه‌تی خوای لێبێت – له‌ ساڵی 1357 ی كۆچی ده‌كرێت به‌ قاضي له‌شاری ( الدلم ) ؛ وه‌ له‌وماوه‌یه‌دا كاری پێش نوێژی و وتاربێژیش ده‌كات .

وه‌ له‌ساڵی 1371 ی كۆچی ده‌بێت به‌وانه‌ بێژ له‌ مه‌عهه‌دی علمی له‌ شاری رياض .

وه‌ له‌ساڵی 1381 ی كۆچی ده‌كرێت به‌ سه‌رۆكی جامیعه‌ی ئیسلامی له‌ مه‌دینه‌ی مونه‌ووه‌ره‌ .

وه‌ له‌ساڵی 1395 ی كۆچی ده‌كرێت به‌سه‌رۆكی به‌ڕێوه‌به‌ردنی لێكۆڵینه‌وه‌ زانستیه‌كان و فه‌تواو بانگه‌وازی .

وه‌ له‌ساڵی  1413 ی كۆچی ده‌كرێت به‌ موفتی عام و سه‌رۆكی ده‌سته‌ی گه‌وره‌ زانایان .

_ زۆرێك له‌زانایان و قازیه‌كان – ڕه‌حمه‌تی خوایان لێبێت - زانستی شه‌رعیان له‌لای شێخ ابن باز به‌ده‌ست هێناوه‌ ؛ له‌وانه‌ :

1_ راشد بن صالح .

2_ عبد الله بن حسن بن قعود .

3_ محمد بن صالح بن عثيمين .

4_ عبد الله بن جبرين .

5_ عبد الله بن عبد المحسن التركي .

6_ صالح بن عبد الرحمن الأطرم .

7_ صالح الفوزان أعضاء هيئة كبار العلماء .

8_ القاضي عبد الله بن عبد الرحمن .

9_  عبد الرحمن البراك .

10_ عبد العزيز الراجحي ؛ وه‌ جگه‌ له‌مانه‌ش – ڕه‌حمه‌تی خوای په‌روه‌ردگاریان لێبێت - .

شێخ ابن باز – ڕه‌حمه‌تی خوای لێبێت – كۆمه‌ڵێك په‌رتووكی به‌سوودی له‌بواری عه‌قیده‌ و فقه و بنچینه‌كانی زانستی شه‌ریعه‌تی پیرۆزی ئیسلامی نوسیوه‌ ؛ له‌وانه‌ :

1_ العقيدة الصحيحة وما يضادها .

2_ الدعوة إلى الله وأخلاق الدعاة .

3_ وجوب تحكيم شرع الله ونبذ ما خالفه .

4_ كيفية صلاة النبي صلى الله عليه وسلم .

5_ وجوب لزوم السنة والحذر من البدعة .

6_ حاشية على فتح الباري شرح صحيح البخاري .

7_ حاشية على متن العقيدة الطحاوية . وه‌ زۆر په‌رتووكی تر .

شێخ ابن باز – ڕه‌حمه‌تی خوای لێبێت – به‌یه‌كێك له‌گه‌وره‌ زانایانی ئه‌هلی سوننه‌ و جه‌ماعه‌ داده‌نرێت و كه‌سێك بووه‌ له‌سه‌ر عه‌قیده‌ی سه‌له‌فی صالح بووه‌ و بانگه‌وازی بۆ كردووه‌ ؛ وه‌ له‌سه‌ر سوننه‌ت بووه‌ و نه‌هی له‌بیدعه‌ و خوارفیات كردووه‌ .

شێخ – ڕه‌حمه‌تی خوای لێبێت – خاوه‌نی هه‌شت منداڵ بووه‌ ؛ چوار كوڕ و چوار كچ .

شێخ ابن باز – ڕه‌حمه‌تی خوای لێبێت –  له‌به‌یانی رۆژی پێنج شه‌ممه‌ له‌ 27 ی موحه‌رره‌می ساڵی 1420 ی كۆچی به‌رامبه‌ر به‌ 13 ی 5 ی ساڵی 1999 ی زایینی له‌ته‌مه‌نی 89 ساڵیدا وه‌فاتی كرد ؛  له‌دوای نوێژی هه‌ینی له‌ 28 ی محرم له‌ مسجد الحرام نوێژی مردووی له‌سه‌ركرا ؛ وه‌ له‌گۆڕستانی ( العدل ) له‌مه‌ككه‌ی پیرۆز نێژرا – خوای په‌روه‌ردگار به‌ به‌هه‌شتی فیرده‌وس شادی بكات - .

نوسینی : مامۆستا هه‌ڵگورد مصطفى گه‌لاڵه‌یی .

22 / شعبان / 1442 --- 5 / 4 / 2021