|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
زیانه‌كانی سه‌یركردنی گرته سێكسیه بێ ئابڕوویه‌كان زیانه‌كانی سه‌یركردنی گرته سێكسیه بێ ئابڕوویه‌كان بێگومان له‌شه‌ریعه‌تی پیرۆزی ئیسلامدا خوای په‌روه‌ردگار هه‌رشتێكی قه‌ده‌غه و حه‌ڕام كردبێت ئیلا بۆ به‌ڕژه‌وه‌ندی به‌نده‌كانیه‌تی و خوای په‌روه‌ردگار ده‌زانێت چی بۆ به‌نده‌كانی باشه وه چی بۆیان خراپه . جا یه‌كێك له‌وشتانه‌ی خوای په‌روه‌ردگار قه‌ده‌غه و حه‌ڕامی كردووه بریتیه له سه‌یركردنی ئافره‌تی نامه‌حڕه‌م له‌لایه‌ن پیاوانه‌وه یان سه‌یركردنی پیاوی نامه‌حڕه‌م له‌لایه‌ن ئافره‌تانه‌وه ؛ خوای په‌روه‌ردگار فه‌رمویه‌تی : ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ . وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ) . سورة النور : 30 – 31 . واته : ئه‌ی (موحه‌ممه‌د (صلی الله علیه وسلم) به پیاوانی ئیماندار بڵێ چاوی خۆیان (له سه‌یر کردنی نامه‌حره‌م) داخه‌ن و بپارێزن وه عه‌وره‌تیان (له داوێن پیسی) بپارێزن ئه‌وه چاکترو پاکتره بۆ ئه‌وان ؛ بێگومان خوا ئاگایه به هه‌موو کرده‌وه‌یه‌ك که ده‌یکه‌ن ؛ وه به ئافره‌تانی ئیمانداریش بڵێ چاویان داخه‌ن و بپارێزن (له سه‌یر کردنی نامه‌حره‌م) وه عه‌وره‌تیان بپارێزن (له داوێن پیسی) .
لێكۆڵێنه‌وه زانستیه‌كان ده‌ریان خستووه كه سه‌یركردنی گرته سێكسیه‌كا‌ن چه‌ندین زیانی هه‌یه :- _ هۆكاره بۆ تێكچوونی عه‌قڵ و له‌ده‌ستدانی ژیری و زیره‌كی . _ هۆكاره بۆلاوازبوونی حفظ و له‌به‌ركردن . _ هۆكاره بۆ دووركه‌وتنه‌وه و كه‌م ته‌رخه‌می له‌كار و باری ماڵه‌وه و خوێندن و كار و باری ژیان . _ هه‌ست كردن به‌دڵه ڕاوكی و ترس و دڵته‌نگی . _ هه‌ست كردنێكی زۆر به شه‌رم و ته‌ریق بوونه‌وه . _ هه‌وڵدان بۆ كاری به‌دڕه‌وشتی و ده‌ست درێژیكردن . _ زوو تووڕه‌بوون و سه‌رئێشه ؛ وه كێشه دروست كردن له‌گه‌ڵ كه‌سانی ده‌وروبه‌ردا . _ زوو هاتنه‌وه‌ی ئاوی مه‌نی له‌كاتی سه‌رجێی كردن له‌گه‌ڵ خێزاندا . _ له‌ده‌ستدانی متمانه به‌خۆبوون و هه‌ست كردن به‌لاوازی ده‌روون و ترس و بێ توانایی . _ نه‌مانی خۆشه‌ویستی له‌نێوان ژن و مێرد و دروست بوونی كێشه له‌نێوانیاندا . _ مرۆڤ مودمین و ئاڵووده ده‌كات وه‌ك مودمین و ئاڵووده بوون به مادده هۆشبه‌ره‌كان !
_ برای به‌رێزم .... خوشكی به‌رێزم ... بۆ ئه‌وه‌ی له‌م تاوان و كاره قێزه‌ونه به‌دووربی له‌خوا بترسه و بزانه كه‌وا تۆ له‌هه‌رشوێنێك بی خوای په‌روه‌ردگار ده‌تبینێت و چاودێره به‌سه‌رته‌وه ؛ خوای په‌روه‌ردگار فه‌رمویه‌تی : ( إِنَّ اللَّهَ كَانَ عَلَيْكُمْ رَقِيبًا ) . النساء : 1 . واته : به‌ڕاستی خوا هه‌میشه چاودێره به‌سه‌رتانه‌وه . كه زانیت خوا چاودێره به‌سه‌رته‌وه و له‌هه‌موو شوێنێك ده‌تبینێت ئه‌ی چۆن لێی ناترسی و شه‌رمی لێ ناكه‌ی ؟!! بۆ شه‌رم له‌خه‌ڵك ده‌كه‌ی به‌ڵام له‌خواناكه‌ی ؟! هه‌ركاتێك به‌ته‌نها مایه‌ته‌وه و نه‌فست داوای ئه‌نجامدانی تاوانی لێ كردی .. ئه‌وا شه‌رم له‌خوا بكه و به‌نه‌فست بڵێ ئه‌وكه‌سه‌ی تاریكایی دروست كردووه له‌هه‌رشوێنێك بم ده‌مبینێت و هیچ شتێكی لێ ون نابێت ... خوای په‌روه‌ردگار فه‌رمویه‌تی : ( يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ ) . واته : خوا هه‌میشه ئاگای له چاوه خیانه‌تکار و ناپاکه‌کان هه‌یه ؛ وه ده‌زانێت چی له دڵ و ده‌روون و سینه‌کاندا حه‌شاردراوه . نوسین و ئاماده‌كردنی : مامۆستا هه‌ڵگورد گه‌لاڵه‌یی . 27 / 5 / 2021 |
