سوڕه‌تی كه‌هف چی فێركردم ؟

سوڕه‌تی كه‌هف چی فێر كردم ؟

 

1_ سوڕه‌تی كه‌هف فێری كردم :

كه‌ نه‌ڵێم له‌داهاتوودا ئه‌وشته‌ ده‌كه‌م هه‌تا نه‌ڵێم ( إن شاء الله ) .

خوای په‌روه‌ردگار فه‌رمویه‌تی : (وَلَا تَقُولَنَّ لِشَيْءٍ إِنِّي فَاعِلٌ ذَٰلِكَ غَدًا . إِلَّا أَنْ يَشَاءَ اللَّهُ ۚ ) . الكهف : 23 – 24 .

واته‌ :  هه‌رگیز ده‌رباره‌ی هیچ شتێك و هیچ کارێك مه‌ڵێ، من به‌ڕاستی سبه‌ینێ ئه‌نجامده‌ری ئه‌و کاره‌م ؛  مه‌گه‌ر بڵێیت : ئه‌گه‌ر خوا بیه‌وێت و ویستی په‌روه‌ردگاری له‌سه‌ر بێت .

2_ سوڕه‌تی كه‌هف فێری كردم :

كه‌ هاوڕێی چاك په‌یوه‌ستم ده‌كات به‌ دواڕۆژه‌وه‌ .

خوای په‌روه‌ردگار فه‌رمویه‌تی : ( وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ  ) . الكهف : 28 .

واته‌ : ڕوو باوه‌ڕداران وه‌رمه‌گێڕه‌و (ڕوو مه‌که‌ دونیاپه‌رستان و ده‌وڵه‌مه‌ندان) له‌کاتێکدا تۆ زینه‌ت و ڕازاوه‌یی ژیانی دنیات بوێت .

3_ سوڕه‌تی كه‌هف فێری كردم :

كه‌ زیكر و دوعا چاره‌سه‌ری نه‌فس و له‌بیرچوونه‌وه‌یه‌ .

خوای په‌روه‌ردگار فه‌رمویه‌تی : ( وَاذْكُرْ رَبَّكَ إِذَا نَسِيتَ وَقُلْ عَسَىٰ أَنْ يَهْدِيَنِ رَبِّي لِأَقْرَبَ مِنْ هَٰذَا رَشَدًا ) . الكهف : 24 .

واته‌ : یادی په‌روه‌ردگارت بکه‌ کاتێك که‌ له‌ بیرت چوو بڵێیت (ان شاء الله‌) له‌ ئه‌نجامدانی هه‌ر کارێکدا بڵێ: ئومێده‌وارم په‌روه‌ردگارم ڕێنموویم بکات بۆ ڕێگایه‌كی نزیکتر له‌مه‌ تا به‌و شێوه‌یه‌ی که‌ پێی چاکه‌و لای په‌سه‌نده‌ جێبه‌جێی بکه‌م .

4_ سوڕه‌تی كه‌هف فێری كردم :

كه‌ هیچ ڕێگایه‌ك نیه‌ بۆ به‌ده‌ست هێنانی هیدایه‌ت ته‌نها له‌لایه‌ن خواوه‌ نه‌بێت .

خوای په‌روه‌ردگار فه‌رمویه‌تی : ( مَنْ يَهْدِ اللَّهُ فَهُوَ الْمُهْتَدِ ۖ  ) . الكهف : 17 .

واته‌ : هه‌ر که‌سێ خوا ڕێنموونی بکات ته‌نها ئه‌و که‌سه‌ ڕێنموونی کراوه‌ .

5_ سوڕه‌تی كه‌هف فێری كردم :

كه‌ پێوسته‌ هه‌ندێك له‌كاره‌كانمان بشارینه‌وه‌ و ئاشكرای نه‌كه‌ین .

خوای په‌روه‌ردگار فه‌رمویه‌تی : ( وَلَا يُشْعِرَنَّ بِكُمْ أَحَدًا ) . الكهف : 19 .

واته‌ : با که‌س ئاگادار نه‌کات به‌ کارو بارتان .

6_ سوڕه‌تی كه‌هف فێری كردم :

كه‌ ئه‌و په‌روه‌ردگار هاوه‌ڵانی ئه‌شكه‌وتی زیندوو كرده‌وه‌ له‌دوای 309 ساڵ به‌ڵگه‌یه‌كی هه‌ست پێكراو  و ئاشكرایه‌ له‌سه‌ر زیندوو بوونه‌وه‌مان له‌دوای مردنمان .

7- سوڕه‌تی كه‌هف فێری كردم :

كه‌ سه‌ركه‌وتن و گه‌ییشتن به‌ ئامانج  پێویستی به‌ ده‌رچوون و هه‌وڵ و تێكۆشانه‌ .

خوای په‌روه‌ردگار له‌باسی پێغه‌مبه‌ر موسا و پێغه‌مبه‌ر خضردا ( سه‌لامی خوایان له‌سه‌ر بێت ) چه‌ند جارێك ئه‌فه‌رموێت : ( فانطلقا .... ) . واته‌ : ده‌رچوون و به‌ڕێ كه‌وتن .

8_ سوڕه‌تی كه‌هف فێری كردم :

كه‌ ته‌نها خواردنی پاك و حه‌ڵاڵ بخۆم .

خوای په‌روه‌ردگار له‌باسی هاوه‌ڵانی ئه‌شكه‌وتدا فه‌رمویه‌تی : (فَلْيَنْظُرْ أَيُّهَا أَزْكَىٰ طَعَامًا ..) . الكهف : 19 .

واته‌ : با سه‌یربكان كامه‌ خواردن پاك و حه‌ڵاڵه‌ ئه‌ویان بكرێت و بێنێت .

9_ سوڕه‌تی كه‌هف فێری كردم :

كه‌ سزای دونیا چه‌ند به‌ ئێش و ئازاربێت ئه‌وا هێشتا ‌سزای دواڕۆژ به‌ ئێش و ئازارتر و ناخۆشتره‌ .

خوای په‌روه‌ردگار فه‌رمویه‌تی : ( ثُمَّ يُرَدُّ إِلَىٰ رَبِّهِ فَيُعَذِّبُهُ عَذَابًا نُكْرًا ) . الكهف : 87 .

واته‌ : پاشان که‌سی سته‌مكار كاتێك ‌ گه‌ڕایه‌وه‌ بۆ لای په‌روه‌ردگاری ئه‌وا سزایه‌کی زۆر سه‌خت و گرانی ده‌دات .

10_ سوڕه‌تی كه‌هف فێری كردم :

كه‌ گه‌وره‌ترین چاره‌سه‌ری له‌بیرچوون ‌زۆر زیكر و یادكردنی خوای په‌روه‌ردگاره‌ .

خوای په‌روه‌ردگار فه‌رمویه‌تی : ( وَاذْكُرْ رَبَّكَ إِذَا نَسِيتَ ... ) . الكهف : 24 .

واته‌ : یادی په‌روه‌ردگارت بكه‌ كاتێك له‌بیرت چوو .

وه‌رگێڕانی : مامۆستا هه‌ڵگورد مصطفى گه‌ڵاڵه‌یی .

14 / 7 / 2021