|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
( شه‌رم و حه‌یا ) سیفه‌تێكه له سیفاته جوان و به‌رزه‌كانی خوای په‌روه‌ردگار ( شه‌رم و حه‌یا ) سیفه‌تێكه له سیفاته جوان و به‌رزه‌كانی خوای په‌روه‌ردگار
باوه‌ڕدار نابێ كارێك بكات كه له‌گه‌ڵ ڕه‌وشت و شكۆ و ڕێزی نه‌گونجێت . چونكه باوه‌ڕدار جوان و ڕازاوه‌یه به ڕه‌وشتی شه‌رم و حه‌یا . وه سیفه‌تێك له سیفاته جوان و به‌رزه‌كانی خوای په‌روه‌ردگار بریتیه له ( سیفه‌تی شه‌رم و حه‌یا ) . به‌ڵام پێویسته بزانین كه شه‌رمی خوای په‌روه‌ردگار وه‌كو شه‌رمی دروستكراوه‌كانی نیه . به‌ڵكو بریتیه له لادان و دوورخستنه‌وه‌ی ئه‌وشتانه‌ی كه ناگونجێ له‌گه‌ڵ فراوانی ڕه‌حمه‌تی خوا . وه ناگونجێ له‌گه‌ڵ ته‌واویه‌تی به‌خشنده‌یی خوا . وه ناگونجێ له گه‌ڵ گه‌وره‌یی لێ بوردن و نه‌رم و نیانی خوا . پێشه‌وا ابن القیم – ڕه‌حمه‌تی خوای لێ بێ – فه‌رمویه‌تی : به‌ڵام شه‌رمی خوای په‌روه‌ردگار له به‌نده‌كه‌ی ؛ ئه‌مه جۆرێكی تره و ده‌ركی پێ ناكرێت وه ئه‌قڵ ناتوانێت شێوه‌ی بۆ دابنێت ؛ شه‌رمی خوا بریتیه له حه‌یای به‌خشنده‌یی و چاكی و شكۆمه‌ندی . خوای باڵاده‌ست .... شه‌رم له‌به‌نده گوناهباره‌كه‌ی ده‌كات كه ئابڕووی به‌ڕێت ؛ بۆیه گوناهه‌كه‌ی داده‌پۆشێت به داپۆشینه جوانه‌كه‌ی . خوای په‌روه‌ردگار خۆشویستراوه له‌لای به‌نده‌كانی به‌هۆی زۆری نیعمه‌ت و به‌خششه‌كانی . وه به‌نده‌كانی ڕقلێگیراون له‌لای ئه‌و به‌هۆی گوناه و تاوانه‌كانیانه‌وه . یه‌حیای كوڕی موعاذ – ڕه‌حمه‌تی خوای لێ بێ – فه‌رمویه‌تی : پاكی و بێ گه‌ردی بۆ ئه‌و خوایه‌ی كه به‌نده‌كه‌ی تاوان و سه‌رپێچی ده‌كات ؛ وه ئه‌و شه‌رمی لێ ده‌كات و – ئابڕووی نابات و دایده‌پۆشێت - ! وه له‌شه‌رم و حه‌یای خوای په‌روه‌ردگار ئه‌وه‌یه كه وه‌ڵامی داوای به‌نده‌كانی ده‌ه‌داته‌وه و به ده‌ست به‌تاڵی و نا ئومێدی ڕه‌تیان ناكاته‌وه . پێغه‌مبه‌ری خوا صلی الله علیه وسلم فه‌رمویه‌تی : به‌ڕاستی خوای په‌روه‌ردگار بەشەرم وبەڕێز وبەخشندەیە ؛ شەرم دەكات لە بەندەكەى كە دەستى بۆلا بەرزبكاتەوە و ئەویش بەنائومێدیەوە ده‌سته‌كانی بگەڕێنێتەوە . خوای په‌روه‌ردگار له‌گه‌ڵ ئه‌وه‌ی كه سیفه‌تی شه‌رمی هه‌یه ؛ ئه‌وا شه‌رم له ده‌رخستنی حه‌ق و ڕاستی ناكات . خوای په‌روه‌ردگار فه‌رمویه‌تی : ( وَاللَّهُ لَا يَسْتَحْيِي مِنَ الْحَقِّ ۚ ) . الاحزاب : 53 . واته : به‌ڕاستی خوا شه‌رم له ده‌رخستنی حه‌ق و ڕاستی ناكات . جا هه‌ركه‌سێك بزانێت كه خوای په‌روه‌ردگار به‌شه‌رم و حه‌یایه ئه‌وا شه‌رمی لێ ده‌كات . پێغه‌مبه‌ری خوا صلی الله علیه وسلم فه‌رمووی : شه‌رم له‌خوا بكه‌ن به‌شه‌رم كردنێكی ڕاست و ته‌واو ؛ وتیان : ئه‌ی پێغه‌مبه‌ری خوا صلی الله علیه وسلم ئێمه شه‌رم له‌خوا ده‌كه‌ین سوپاس بۆخوا ؛ فه‌رمووی : به‌م شێوه نیه ؛ به‌ڵكو شه‌رمی ڕاسته‌قینه له‌خوای په‌روه‌ردگار ئه‌وه‌یه كه سه‌رت بپارێزی له‌گه‌ڵ ئه‌و ئەندامانه‌ی له‌خۆی گرتووه ؛ وە زگ بپارێزێ لە حەڕام له‌گه‌ڵ ئه‌و ئه‌ندامانه‌ی له‌خۆی گرتووه ، وە یادی مردن بکەی ، وه ئەوەی قیامەتی دەوێ با واز لە شتی زیاد لە پێویست بێنێ لە دونیا ، جا ئەوەی ئەوانە بکا ئەوە بەڕاستی شەرمی لە خوا کردووە . _ وه هه‌ركه‌سێك بزانێ كه خوای په‌روه‌ردگار به‌شه‌رم و حه‌یایه ... ئه‌وا له‌كاتی به‌ته‌نیاییدا شه‌رم ده‌كات گوناه و سه‌رپێچی خوا بكات ؛ وه‌ك چۆن شه‌رم ده‌كات به‌به‌رچاوی خه‌ڵكی گوناه و سه‌رپێچی خوا بكات . پێغه‌مبه‌ری خوا صلی الله علیه وسلم فه‌رمویه‌تی : ئیحسان – چاكه - ئه‌وه‌یه خوا بپه‌رستی وه‌ك ئه‌وه‌ی كه بیبینی ؛ وه ئه‌گه‌ر نه‌یبینی ئه‌وا بێگومان ئه‌و تۆ ده‌بینێت . _ وه هه‌ركه‌سێك بزانێ كه خوای په‌روه‌ردگار به‌شه‌رم و حه‌یایه ؛ ئه‌وا ئه‌وكه‌سه شه‌رم له خه‌ڵكی ده‌كات . پێغه‌مبه‌ری خوا صلی الله علیه وسلم فه‌رمویه‌تی : باوه‌ڕ حه‌فتا و ئه‌وه‌نده به‌شه‌یه ؛ وه شه‌رم به‌شێكه له ئیمان . وه‌رگێڕانی : مامۆستا هه‌ڵگورد مصطفى گه‌لاڵه‌یی . 12 / 8 / 2021
|
