فه‌زڵ و چاكه‌كانی پێشه‌وا عومه‌ری كوڕی خه‌تتاب – ڕه‌زای خوای لێ بێ –

1_ مژده‌ی به‌هه‌شتی پێ دراوه‌ .

2_ دووه‌م خه‌لیفه‌ی موسلمانانه‌ .

3_ به‌كه‌سێكی زۆر دادپه‌روه‌ر ناسراوه‌ .

4_ شه‌یتان لێی ده‌ترسا .

5_ پێغه‌مبه‌ر صلی الله علیه وسلم فه‌رمویه‌تی : ئه‌گه‌ر له‌دوای من  پێغه‌مبه‌رێك هه‌بێت ئه‌وه‌ عومه‌ره‌ - ڕه‌زای خوای لێ بێ - .

6_ پێغه‌مبه‌ر صلی الله علیه وسلم له‌خوا پاڕایه‌وه‌ و فه‌رمووی : خوایه‌ ئیسلام به‌یه‌كێك له‌م دوانه‌ به‌عیززه‌ت بكه‌ی و سه‌ربخه‌ی ( به‌ ئه‌بو جه‌هل یان عومه‌ری كوڕی خه‌تتاب ) ؛ خوای په‌روه‌ردگار عومه‌ری كوڕی خه‌تتابی هه‌ڵبژارد و هیدایه‌تیدا بۆ ئیسلام .

7_ پێغه‌مبه‌ری خوا صلی الله علیه وسلم له‌خه‌ودا كۆشكێكی زێری له‌خوبینی پێی وترا ئه‌وه‌ كۆشكی عومه‌ری كوری خه‌تتابه‌ - ڕه‌زای خوای لێ بێ - .

8_ وه‌ فه‌رمویه‌تی : له‌خه‌ودا شیریان بۆ هێنام هه‌ندێكیم خوارده‌وه‌ پاشان ئه‌وه‌ی مایه‌وه‌ دام به‌ عومه‌ری كوری خه‌تتاب ؛ وتیان : ئه‌م خه‌ونه‌ به‌مانای چی دێت ئه‌ی پێغه‌مبه‌ری خوا صلی الله علیه وسلم؟ فه‌رمووی : به‌ مانای زانست دێت ؛ بۆیه‌ ئیمامی عومه‌ر كه‌سێكی زۆر شاره‌زابوو له‌دین – ڕه‌زای خوای لێ بێ - .

9_ له‌سه‌رده‌می خه‌لافه‌تی ئه‌و شام و عیراق و قودس و مه‌دائین و مصر و جه‌زیره‌ ئازادكران .

10_ ئه‌و بوو ڕۆژ ژمێری كۆچی دانا .

11_ چه‌ند ئایه‌تێكی قورئان به‌ موافقی بۆچوونی ئه‌و دابه‌زیون .

12 _ له‌دوای ئیمامی  ئه‌بوبه‌كر ئیمامی عومه‌ر خۆشه‌ویسترین كه‌س بووه‌ له‌لای پێغه‌مبه‌ری خوا صلی الله علیه وسلم .

13_ خه‌زووری پێغه‌مبه‌ری خوا بوو صلی الله علیه وسلم ؛ حه‌فصه‌ی كچی خێزانی پێغه‌مبه‌ری خوابوو صلی الله علیه وسلم .

14_ له‌ناو نوێژدا به‌ خه‌نجه‌ری ژه‌هراوی لێی دراو شه‌هید بوو له‌لایه‌ن كه‌سێكی مه‌جوسی كافر .

15_ له‌ته‌نیشت گۆڕی پێغه‌مبه‌ری خوا صلی الله علیه وسلم نێژرا .

نوسینی : مامۆستا هه‌ڵگورد مصطفى گه‌ڵاڵه‌یی .

18 / 8 / 2021