|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
دڵی خۆشه‌ویست بۆ خوای په‌روه‌ردگار دڵی خۆشه‌ویست بۆ خوای په‌روه‌ردگار له‌دوعاكانی پێغه‌مبه‌ر (ﷺ ) ئه‌وه‌بوو كه ده‌یفه‌رموو : ( خودایه داوای خۆشه‌ویستی خۆتت لێ ده‌كه‌م ؛ وه داوای خۆشه‌ویستی ئه‌وكه‌سه‌ت لێ ده‌كه‌م كه‌تۆ خۆشت ده‌وێت ؛ وه داوای خۆشه‌ویستی كرده‌وه‌یه‌كت لێ ده‌كه‌م كه خۆشه‌ویستی تۆ له‌من نزیك ده‌كاته‌وه ) . صححه الالباني . پێشه‌وا ئیبن قه‌ییم – ره‌حمه‌تی خوای لێبێت – فه‌رموویه‌تی : ( دڵ له‌ڕۆییشتنیدا به‌ره‌و خوا وه‌ك باڵنده وایه ؛ خۆشویستنی خوا سه‌ریه‌تی ؛ وه ترس و ئومێد باڵه‌كانیه‌تی ) . خۆشویستنی خوای په‌روه‌ردگار ... بارهه‌ڵگرێكه خاوه‌نه‌كه‌ی هه‌ڵده‌گرێت هه‌تا به‌سه‌لامه‌تی و ئاسووده‌یی ده‌یگه‌یه‌نێت به‌خوای په‌روه‌ردگار . دڵی خۆشه‌ویست بۆخوای په‌روه‌ردگار به‌ڕاستگۆیی زۆر جیاوازه له‌و دڵه‌ی ته‌نها بانگه‌شه‌ی خۆشویستنی خوا ده‌كات . كه‌سی ڕاستگۆ پڕ به‌دڵ خوای په‌روه‌ردگاری خۆش ده‌وێت . وه به‌رده‌وام زیكر و یادی خوا ده‌كات . وه هه‌موو ڕێگاكانی نزیك بوونه‌وه له‌خوا ده‌گرێته‌به‌ر . وه سه‌رقاڵه به‌بانگه‌وازی كردن بۆلای خوای په‌روه‌ردگار . وه خه‌فه‌تبار و دڵ ته‌نگ ده‌بێت كاتێك ده‌بینێت خه‌ڵك پشت له‌دینی خوا ده‌كات . وه ئه‌وكه‌سانه‌ی خۆش ده‌وێت كه خوا خۆشی ده‌وێن . وه پاڵپشتی كردن و دژایه‌تی كردنی ته‌نها له‌پێناو خوایه . وه به‌خشین و نه‌به‌خشینی ته‌نها له‌پێناو خوایه . هیچ جووله و كارێك ناكات به‌بێ ره‌زامه‌ندی خوا . خوای په‌روه‌ردگار به‌پێش هه‌موو شتێك دێخێت ؛ وه دڵخۆش و ئاسووده ده‌بێت به‌نزا و پاڕانه‌وه و زیكر و یادی خوا . وه به‌شه‌و و به‌ڕۆژ قورئانی پیرۆز ده‌خوێنێته‌وه . دڵی خۆشه‌ویست بۆخوای په‌وره‌دگار به‌رده‌وام تامه‌زرۆی گوێرایه‌ڵی كردنی خوای په‌وره‌ردگاره ؛ به‌باشترین شێوه گوێڕایه‌ڵی خوای په‌روه‌ردگار ده‌كات ؛ پاكترین و باشترین شت له‌پێناو خوای په‌روه‌ردگار ده‌به‌خشێت . دڵی خۆشه‌ویست بۆخوای په‌روه‌ردگار ڕقی له تاوان و سه‌رپێچی كردنی خوای په‌روه‌ردگاره ؛ به‌تاوان و قه‌ده‌غه‌كراوه‌كان دڵ ته‌نگ و خه‌فه‌تبار ده‌بێت و حه‌زناكات هیچ كه‌سێك سه‌رپێچی خوای په‌روه‌ردگار بكات ؛ كاتێك ده‌بینێت سه‌رپێچی خوای په‌روه‌ردگار ده‌كرێت تووره ده‌بێت و ناره‌حه‌ت ده‌بێت ؛ وه تێده‌كۆشێت له‌پێناو به‌ده‌ست هێنانی ره‌زامه‌ندی خوا ؛ وه ئه‌زیه‌ت و ناره‌حه‌تی ده‌كێشێت له‌پێناو ره‌زامه‌ندی خوای په‌روه‌ردگار . به‌رده‌وام ده‌بێت به‌م شێوه بۆ ئه‌وه‌ی هیچ شتێك له‌ناو دڵیدا نه‌بێت جگه له‌خوا ؛ كاتێك شتێكی وت یان شتێكی كرد ته‌نها له‌پێناو خوا ده‌یكات وه به‌یارمه‌تی خوا ده‌یكات و ئه‌یه‌وێت ببێت به‌به‌نده‌یه‌كی دڵسۆز بۆخوای په‌روه‌ردگار ؛ مه‌به‌ستی هیچ كه‌سێك و هیچ شتێك نیه جگه له‌خوا . _ ئه‌م خۆشه‌ویستیه به‌وه دورست ده‌بێت كه به‌نده خوای په‌روه‌ردگار بناسێت به‌ناوه جوانه‌كانی و سیفاته به‌رزه‌كانی ؛ خوای په‌روه‌ردگار خاوه‌نی چه‌ندین ناوی جوان و سیفاتی به‌رزه . كاتێك به‌نده خوای په‌روه‌ردگاری ناسی كه په‌روه‌ردگارێكی زۆر مه‌زن و خاوه‌ن شكۆیه ؛ وه زۆر جوانه به‌زات و سیفات و كرداره‌كانی ؛ وه كاتێك په‌روه‌ردگاری ناسی كه خاوه‌نی چه‌ندین نیعمه‌ت و ڕێز و فه‌زڵه ؛ وه خاوه‌نی گه‌نجینه‌كانی ئاسمانه‌كان و زه‌ویه ؛ وه په‌روه‌ردگارێكی نزیك و وه‌ڵامده‌ری نزای به‌نده‌كایه‌تی و به‌خشنده و میهره‌بانه ؛ وه جگه له‌مانه‌ش له‌ناوه جوان و سیفاته به‌رزه‌كانه ؛ كاتێك به‌نده به‌م شێوه‌یه خوای په‌روه‌ردگاری ناسینی ئه‌وا بێگومان خوای په‌روه‌ردگاری خۆش ده‌وێت . به‌ڕاستی زۆر سه‌یره !! كه‌سێك بزانێت له‌خوا به‌خشنده‌تر و چاكترنیه له‌گه‌ڵ ئه‌وه‌شدا پڕ به‌دڵ خوای په‌روه‌ردگاری خۆ ش نه‌وێت ؟! وه‌رگێڕانی : مامۆستا هه‌ڵگورد مصطفى گه‌ڵاڵه‌یی . 20 / شوال / 1443 ك ---- 21 / 5 / 2022 م |
