|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
مردن گه‌وره‌ترین وێستگه و سات له ژیانتدا ! مردن گه‌وره‌ترین وێستگه و سات له ژیانتدا ! بسم الله الرحمن الرحيم ؛ الحمدلله رب العالمين ؛ والصلاة والسلام على نبينا محمد وعلى آله وصحبه أجمعين أما بعد . گه‌وره‌ترین سات .. وه گه‌وره‌ترین حه‌قیقه‌ت .. وه گه‌وره‌ترین دیمه‌ن كه بیبینی له‌ژیانتدا بریتیه له كات و ساتی مردن ! وه بینینی ژیانێكی تر ! لێره‌دا ژیانی ڕاسته‌قینه‌ی تۆ دیاری ده‌كرێت . یان ژیانێكی به‌رده‌وام خۆش و كامه‌رانیت بۆ ده‌بێت یان ژیانی به‌رده‌وام ناخۆش و به‌ئازارت بۆ ده‌بێت ! جا ئه‌گه‌ر تۆ له‌به‌خته‌وارن بووی ئه‌وا نه‌ترست له‌سه‌ر ده‌بێت وه نه‌خه‌فه‌تیشت بۆ ده‌بێت ؛ خوای په‌روه‌ردگار فه‌رموویه‌تی : ( لَا يَحْزُنُهُمُ الْفَزَعُ الْأَكْبَرُ وَتَتَلَقَّاهُمُ الْمَلَائِكَةُ هَٰذَا يَوْمُكُمُ الَّذِي كُنْتُمْ تُوعَدُونَ ) . الأنبیاء : 103 . واته : غه‌مباریان ناکات ترسه هه‌ره گه‌وره‌که (له قیامه‌تدا) ؛ وه فریشته‌کانیش پێشوازیان لێ ده‌که‌ن (له‌به‌ر ده‌رگاکانی به‌هه‌شت دا) (و پێیان ده‌ڵێن) ئه‌مه ئه‌و ڕۆژه‌یه که به‌ڵێنتان پێ درابوو . ئه‌وڕۆژه‌ی له‌ناو گۆره‌كه‌تدا دێیته ده‌ره‌وه ئه‌م ترسه گه‌وره‌یه غه‌مبارت ناكات ؛ له‌كاتی بیستنی نه‌فخی صووری دووه‌م . فریشته‌كان به‌سه‌رتدا داده‌به‌زن به مژده و ئارامی و ئاسووده‌یی ؛ ده‌ڵێن ئا ئه‌مڕۆ ئه‌و ڕۆژه‌یه كه له‌دونیادا به‌ڵێنتان پێ درابوو . ئه‌و ساته ساتی مزگێنیه بۆ چاكه‌كاران له‌لایه‌ن فریشته‌كانه‌وه كه پێیان ده‌ڵێن مه‌ترستن و خه‌فه‌ت مه‌خۆن ؛ وه مژده‌ی ئه‌و به‌هه‌شته‌تان لێ بێت كه به‌ڵێنتان پێداربوو . له‌م شوێن و وه‌ستانه مه‌زن و سامناكه‌دا ! ڕۆژی ترسه گه‌وره‌كه ! خوای په‌روه‌ردگار ئه‌م رۆژه‌ی ناو ناوه به ( الْفَزَعُ الْأَكْبَرُ ) ترسه گه‌وره‌كه ! له‌وڕۆژه‌دا مرۆڤ له‌برای خۆی ڕاده‌كات ! وه له‌دایك و باوكی خۆی ڕاده‌كات ! له‌م ڕۆژه مه‌زن و سامناكه‌دا تۆی له‌خواترس له ئاسووده‌یی و ئارامیدا ده‌بی و له‌ژێر سێبه‌ری عه‌ڕشی خوای میهره‌بان . له‌م ڕۆژه‌دا هیچ ترسێك و هیچ خه‌فه‌ت و دڵته‌نگیه‌كت له‌سه‌ر نیه . له‌خواترسان له‌ژێر سێبه‌ری عه‌ڕشی ره‌حمانه‌وه به‌ڕێزه‌وه به‌ڕێ ده‌كرێن پۆل پۆل به‌ره‌و به‌هه‌شت ؛ خوای په‌روه‌ردگار فه‌رموویه‌تی : ( وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا ۖ حَتَّىٰ إِذَا جَاءُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ ) . الزمر : 73 . واته : ئه‌وانه‌ی له په‌روه‌ردگاریان ده‌ترسان ده‌برێن بۆ به‌هه‌شت پۆل پۆل تا کاتێ دێنه (نزیکی) به‌هه‌شت و ده‌رگاکانی ده‌کرێنه‌وه ؛ وه ده‌رگاوانه‌کانی به‌هه‌شت ده‌ڵێن سه‌لامتان لێ بێت ئێوه پاك و خاوێن بوون (له تاوان له دونیادا) بۆیه بڕۆنه ناو به‌هه‌شت به هه‌میشه‌یی . له‌فه‌رمووده‌دا هاتووه : له‌ڕۆژی دواییدا مردن له‌سه‌ر شێوه‌ی به‌رانێك ده‌هندرێت ؛ بانگده‌رێك بانگ ده‌كات ئه‌ی ئه‌هلی به‌هه‌شت ؟ ئه‌وانیش سه‌ریان به‌رز ده‌كه‌نه‌وه و گوێ ده‌گرن ؛ پێیان ده‌ڵێت : ئایه ئه‌مه ده‌ناسن ؟ ده‌ڵێن : به‌ڵێ ؛ وه به‌ئه‌هلی ئاگر ده‌ڵێت : ئه‌ی ئه‌هلی ئاگر ؟ ئایه ئه‌مه ده‌ناسن ؟ له‌وه‌ڵامدا ده‌ڵێن : به‌ڵێ ؛ هه‌موویان ده‌زانن كه ئه‌وه مردنه ؛ پاشان له‌پێش چاوی هه‌موویان سه‌ری ئه‌م به‌رانه ده‌بڕدرێت ؛ پاشان ده‌وترێت : ئه‌ی ئه‌هلی به‌هه‌شت ژیانی هه‌میشه‌ییتان بۆ هه‌یه و مردنتان بۆنیه ؛ وه ئه‌ی ئه‌هلی ئاگر ژیانی هه‌میشه‌ییتان بۆ هه‌یه و مردنتان بۆ نیه ! ئا له‌م ڕۆژه‌دا خه‌فه‌ت بۆ له‌خواترسان كۆتایی هات . وه ئازار كۆتایی هات . وه ترس كۆتایی هات . وه ماندووبوون كۆتایی هات . ئه‌هلی به‌هه‌شت ده‌ڵێن : ( وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ ۖ إِنَّ رَبَّنَا لَغَفُورٌ شَكُورٌ ) . فاطر : 34 . واته : هه‌موو سوپاس و ستاییشێك بۆ ئه‌و خوایه که خه‌فه‌تی لابردین و نه‌یهێشت ؛ به‌ڕاستی په‌روه‌ردگارمان لێبورده‌ی شایسته‌ی سوپاسه. له‌وێ به‌خۆشه‌ویستانت ده‌گه‌ی ؛ ئه‌وانه‌ی بۆ ماوه‌یه‌كی دوور و درێژ له‌دونیادا لێت جیاببوونه‌وه . زۆر به‌دڵخۆشی و كامه‌رانیه‌وه پێیان ده‌گه‌ی ؛ باوه‌شیان پیاده‌كه‌ی و چاوه‌رۆشه‌ن ده‌بی به‌بینینیان ؛ خوای په‌روه‌ردگار فه‌رموویه‌تی : ( عَلَىٰ سُرُرٍ مُتَقَابِلِينَ ) . الصافات : 44 . واته : له‌سه‌ر ته‌خت و کورسی یه ڕازاوه‌کان به‌رامبه‌ر یه‌کتر دانیشتوون . به‌هه‌شتیه‌كان زۆر دڵخۆش و كامه‌رانن به‌م ناز و نیعمه‌ته به‌رده‌وامانه‌ی به‌هه‌شت . نیعمه‌ته‌كانی به‌هه‌شت ناگۆڕێن ؛ وه كۆتاییان پێ نایه‌ت به‌ڵكو به‌رده‌وام له‌زۆربووندان ؛ كه هیچ چاوێك ئه‌م ناز و نیعمه‌تانه‌ی نه‌بینیوه ؛ وه هیچ گوێچكه‌یه‌ك نه‌یبیستووه ؛ وه به‌سه‌ر دڵی هیچ مرۆڤێكیشدا نه‌هاتووه . خوای په‌روه‌ردگار ده‌رباره‌ی ئه‌هلی به‌هه‌شت فه‌رموویه‌تی : ( وَقَالُوا الْحَمْدُ لِلَّهِ الَّذِي صَدَقَنَا وَعْدَهُ وَأَوْرَثَنَا الْأَرْضَ نَتَبَوَّأُ مِنَ الْجَنَّةِ حَيْثُ نَشَاءُ ۖ فَنِعْمَ أَجْرُ الْعَامِلِينَ ) . الزمر : 74 . واته : ئه‌هلی به‌هه‌شت ده‌ڵێن : سوپاس بۆ ئه‌و خوایه‌ی هه‌ر به‌ڵێنێکی به ئێمه‌دا ڕاست بوو ؛ وه زه‌وی (به‌هه‌شتی) به میرات پێ داین له هه‌ر شوێنێکی به‌هه‌شتدا بمانه‌وێ نیشته‌جێ ده‌بین ئای چه‌ند چاکه پاداشتی چاکه‌کاران . ( وَتَرَى الْمَلَائِكَةَ حَافِّينَ مِنْ حَوْلِ الْعَرْشِ يُسَبِّحُونَ بِحَمْدِ رَبِّهِمْ ۖ وَقُضِيَ بَيْنَهُمْ بِالْحَقِّ وَقِيلَ الْحَمْدُ لِلَّهِ رَبِّ الْعَالَمِينَ ) . الزمر : 75 . واته : وه فریشته‌کان ده‌بینی چوار ده‌وری عه‌رشیان داوه ته‌سبیحات ده‌که‌ن به ستایشی په‌روه‌ردگاریان وه له نێوانیاندا به حه‌ق دادوه‌ری کرا ؛ وه ده‌ووترێت هه‌موو سوپاسێك هه‌ر بۆ خوایه که په‌روه‌ردگاری جیهانیانه . وه‌رگێڕانی : مامۆستا هه‌ڵگورد مصطفى گه‌ڵاڵه‌یی . 25 / شوال / 1443 ك ---- 26 / 5 / 2022 م |
