|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
موسڵمان ده‌بێت چۆن بێت ؟ موسڵمان ده‌بێت چۆن بێت ؟ پێغه‌مبه‌ری خوا (ﷺ) فه‌رموویه‌تی : _ حه‌سوودی به‌یه‌كتر مه‌بن . _ وه له‌كاتی كڕینی شتێك پاره له‌سه‌ر یه‌كتری زیاد مه‌كه‌ن بێ ئه‌وه‌ی مه‌به‌ستی كڕینی شته‌كه‌تان هه‌بێت . _ وه ڕقتان له‌یه‌كتر نه‌بێته‌وه . _ وه پشت له‌یه‌كتر مه‌كه‌ن . _ وه مامه‌ڵه له‌سه‌ر مامه‌ڵه‌ی یه‌كتر مه‌كه‌ن . _ ئه‌ی به‌نده‌كانی خوا ببن برای یه‌كتری . _ موسڵمان برای موسڵمانه . _ سته‌می لێناكات . _ خیانه‌تی لێناكات . _ وه درۆی له‌گه‌ڵ ناكات . _ وه به‌كه‌می دانانێت . _ وه پشتی تێناكات و واز له‌سه‌ر خستنی ناهێنێت . _ ته‌قوا لێره‌دایه ئاماژه‌ی بۆ سینگی كرد سێجار ئه‌مه‌ی دووباره كرده‌وه . _ وه به‌سه بۆ مرۆڤ ئه‌و شه‌ڕ و خراپه‌یه‌ی له‌سه‌ر بنوسرێت كاتێك برا موسڵمانه‌كه‌ی به‌كه‌م داده‌نێت . _ هه‌موو موسڵمانێك له‌سه‌ر برا موسڵمانه‌كه‌ی حه‌رامه خوێنه‌كه‌ی وه ماڵه‌كه‌ی وه شه‌ره‌ف و ناموسه‌كه‌ی . _ خۆتان بپارێزن له گومانی خراپ ؛ چونكه به‌ڕاستی گومانی خراپ درۆترین قسه‌یه . _ به‌دوای هه‌واڵی یه‌كتردا مه‌رۆن بۆ ئاشكرا كردنی كه‌م و كوڕیه‌كان . _ به‌ڕاستی تۆ ئه‌گه‌ر به‌دوای كه‌م و كوڕی خه‌ڵكدا بگه‌ڕێیت و ئاشكرای بكه‌ی ئه‌وا ئه‌و خه‌ڵكه‌ت تێكداوه و خراپه‌كاریت بڵاو كردۆته‌وه و خه‌ڵك تووشی غه‌یبه‌ت كردن و بوهتان كردن ده‌كه‌ی . _ غه‌يبه‌تى موسوڵمانان مه‌كه‌ن ، وه شوێن ناموس و كه‌م و كوڕيه‌كانيان مه‌كه‌ون، چونكه هه‌ركه‌سێك به دواى عه‌يب و كه‌م و كوڕى براكه‌يدا بگه ڕێت، ئه‌وە خواى گه‌وره عه‌يب و كه‌م و كوڕيه‌كانى هه‌ڵده‌ماڵێنێت، تاكو ڕيسوا ده‌بێت ئه‌گه‌ر له ماڵه‌كه‌ى خۆيشيدابێت . _ هه‌ركه‌سێك كار و پێداویستی براكه‌ی جێ به‌جێ بكات ئه‌وا خوای په‌روه‌ردگار كار و پێدوایستی ئه‌و جێ به‌جێ ده‌كات . _ وه هه‌ركه‌سێك ناخۆشیه‌ك له‌سه‌ر موسڵمانێك لابه‌رێت ئه‌وا خوای په‌روه‌ردگار ناخۆشی ڕۆژی دوایی له‌سه‌ر لاده‌بات . _ وه هه‌ركه‌سێك كه‌م و كوڕی موسڵمانێك دابپۆشێت خوای په‌روه‌ردگار له‌ڕۆژی دواییدا كه‌م و كوریه‌كانی داده‌پۆشێت . _ هیچ یه‌كێك له‌ئێوه ئیمانی ته‌واونیه هه‌تا بۆ براكه‌ی پێ خۆش نه‌بێت ئه‌وه‌ی بۆخۆی پێخۆشه . _ براكه‌ت سه‌ربخه سته‌مكاربێت یان سته‌ملێكراوبێت ؛ پیاوێك وتی : ئه‌ی پێغه‌مبه‌ری خوا (ﷺ) سه‌ری ده‌خه‌م كاتێك سته‌م لێكراوه ؛ به‌ڵام كاتێك سته‌مكاره چۆن سه‌ری بخه‌م ؟ فه‌رمووی : ڕێگری سته‌م كردنی لێبكه ئه‌وه سه‌رخستنیه‌تی . _ مافی موسڵمان له‌سه‌ر موسڵمان شه‌شن : _ كاتێك پێی گه‌ییشتی سه‌لامی لێ بكه . _ وه كاتێك ده‌عوه‌تی كردی و بانگی كردی وه‌ڵامی بده‌وه . _ وه كاتێك داوای ئامۆژگاری كردنی لێكردی ئامۆژگاری بكه . _ وه كاتێك پژمی و وتی الحمدلله پێی بڵێی یرحمك الله . _ وه كاتێك نه‌خۆش كه‌وت سه‌ردانی بكه . _ وه كاتێك مرد به‌دوای جه‌نازه‌كه‌ی بڕۆ بۆ ناشتنی . وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . 19/10 / 2022
|
