|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
چۆن نوێژه‌كانمان به خشوعه‌وه ئه‌نجام بده‌ین ؟ چۆن نوێژه‌كانمان به خشوعه‌وه ئه‌نجام بده‌ین ؟
خۆشه‌ویستانم نوێژێك هه‌یه‌ده‌بێته كۆتا نوێژ له‌ژیانی دونیاماندا .. مردن له‌ناكاو پێمان ده‌گات و ئه‌م نوێژه ده‌بێت به‌كۆتا نوێژ له‌ژیانی دونیادا .. نازانین كۆتا نوێژمان له چ كاتێك و له چ شوێنێك ده‌بێت ! جا بۆ ئه‌وه‌ی كۆتا نوێژمان به خشوعه‌وه بێت پێویسته له‌سه‌رمان هه‌موو نوێژه‌كانمان به‌م شێوه‌یه‌ئه‌نجام بده‌ین كه كۆتا نوێژمانه له‌دونیادا . پێغه‌مبه‌ری خوا ( صلی الله علیه وسلم) فه‌رموویه‌تی : ( إذا قُمْتَ في صلاتِكَ، فصَلِّ صلاةَ مُودِّعٍ ) . صحيح ابن ماجه . واته : كاتێك هه‌ستای بۆ نوێژكردنت ؛ ئه‌وا نوێژ بكه وه‌كو نوێژی ئه‌وكه‌سه‌ی كه كۆتا نوێژیه‌تی له‌دونیا و ماڵئاوایی ده‌كات . با هه‌موو نوێژه‌كانت له‌دونیادا به‌م شێوه‌یه بێت چونكه بێگومان رۆژێك دێت له‌دوای ئه‌م نوێژه ده‌مریت و ناتوانی نوێژی تر ئه‌نجام بده‌ی ! مردوه‌كان ره‌حمه‌تی خوایان لێبێت كاتێك مردن نه‌یانزانی ئه‌ورۆژه كۆتا نوێژیانه له‌دونیادا مردن له‌ناكاو بۆیان هات و گه‌ڕانه‌وه لای خوای په‌روه‌ردگار جا بۆ ئه‌وه‌ی نوێژه‌كانت به خشوعی و به‌ڕێك و پێكی ئه‌نجام بده‌ی یه‌كه‌میان : بیر له‌مردن بكه‌وه و وابزانه ئه‌م نوێژه كۆتا نوێژته له‌دونیادا . دووه‌میان : كاتێك نوێژێكت ئه‌نجامدا به‌تامه‌زرۆییه‌وه چاوه‌روانی نوێژی دواتر بكه نه‌ك وه‌كو هه‌ندێك كه‌س كاتێك گوێیان له‌بانگ ده‌بێت دڵیان توند ده‌بێت و به‌ته‌مبه‌ڵیه‌وه وه‌كو مونافیقه‌كان هه‌ڵده‌ستن بۆ نوێژكردن ! سێیه‌مییان : بۆ هه‌موو نوێژێك ده‌ست نوێژت تازه بكه‌وه به گوێره‌ی توانا . ده‌ست نوێژی هۆكاری پاككردنه‌وه‌ی مرۆڤه له‌گوناه و تاوان بۆیه بۆ هه‌موو نوێژێك ده‌ست نوێژه‌كه‌ت نوێ بكه‌وه . چواره‌میان : له‌به‌ر كردنی جوانترین پۆشاك : چونكه خوای په‌روه‌ردگار فه‌رموویه‌تی : ( ۞ يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ ..) . الأعراف : 31 . واته : ئه‌ی نه‌وه‌ی ئاده‌م ، پۆشاکی جوان و ڕازاوه‌تان بپۆشن له کاتی هه‌موو نوێژێکدا . هه‌ندێك له نوێژخوێنان هه‌ن به‌پۆشاكی ناشرین یان به‌پۆشاكی خه‌وتن و ته‌نگ نوێژه‌كانیان ئه‌نجام ئه‌ده‌ن ! له‌كاتێكدا هه‌رگیز به‌م جۆره پۆشاكه ناچێت بۆ سه‌ردانی ماڵێك یان بۆ بۆنه‌یه‌ك به‌ڵام بۆ نوێژه‌كه‌ی ده‌یپۆشێت و له‌به‌ری ده‌كات ! وه پێش ئه‌نجامدانی نوێژ سیواك بكه ؛ چونكه سیواك سونه‌ته و پاككه‌ره‌وه‌ی ده‌مه له‌بۆنی ناخۆش . وه خۆت له‌بۆنی ناخۆش بپارێزه وه‌ك خواردنی سیر و پیاز و كه‌وه‌ر و جگه‌ره و نێرگله . چونكه به‌م بۆنه ناخۆشانه نوێژ خوێنان و فریشته‌كان ئه‌زیه‌ت ده‌ده‌ی . پێنجه‌میان : له هۆكاره‌كانی خشوع له‌نوێژدا ئه‌وه‌یه كاتێك دێیت به‌ره‌و مزگه‌وت چاوه‌كانت داگره و به‌هیچ شتێكی دونیا سه‌رقاڵ مه‌به بۆ ئه‌وه‌ی له‌ناو نوێژه‌كه‌تدا بیرت بۆیان نه‌چێت و خشوع له‌ده‌ست نه‌ده‌ی . هه‌نگاوناو به‌ره‌و مزگه‌وت هۆكاری سڕینه‌وه‌ی تاوانه‌كانن بۆیه با هه‌نگاوه‌كانمان هیچ گوناه و تاوانێكی له‌گه‌ڵ تێكه‌ڵ نه‌بێت كاتێك ده‌ڕۆین به‌ره‌و مزگه‌وت . وه كاتێك له‌ماڵه‌وه هاتیته ده‌ره‌وه ناوی خوا بێنه و پشت به‌خوا ببه‌سته و زیكری هانه ده‌ر له‌ماڵ و زیكری رۆییشتن به‌ره و مزگه‌وت بخوێنه ؛ وه به پێی راست برۆ ناو مزگه‌وت و زیكری چوونه ناو مزگه‌وت بخوێنه . به‌خوێندنی ئه‌م زیكرانه شه‌یتان لێت دوور ده‌كه‌وێته‌وه و ناتوانێت وه‌سوه‌سه‌ت بۆ دروست بكات له‌ناو نوێژه‌كه‌تدا . وه كاتێك نوێژ ده‌كه‌ی سه‌یری شوێنی سوجده‌ت بكه وه بیر له‌مانای ئایه‌ت و زیكره‌كانی ناو نوێژه‌كه‌ت بكه‌ره‌وه ؛ بیر له‌كار و باری دونیا مه‌كه‌ره‌وه ؛ به‌سه‌ر نه‌فسی خۆت و به‌سه‌ر شه‌یتان زاڵببه . دووكه‌س له‌ته‌نیشت یه‌كتری نوێژ ده‌كه‌ن ؛ یه‌كیان نوێژه‌كه‌ی ده‌گات به ئاسمان پاداشتی ته‌واوی بۆ ده‌بێت وه ئه‌وه‌ی تریان به‌هۆی بیر و خه‌یالی دونیا ئاگای له‌نوێژه‌كه‌ی نیه و شه‌یتان خێر و پاداشتی نوێژه‌كه‌ی لێ ده‌دزێت . وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . |
