|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
نوێژه‌كه‌ت هۆكاری رزگاربوونته نوێژه‌كه‌ت هۆكاری رزگاربوونته
_ نوێژ دووه‌م پایه‌یه له پیایه‌كانی ئایینی پیرۆزی ئیسلام . _ نوێژ ئه‌م عیباده‌ته‌یه كه خوای په‌روه‌ردگار له‌چه‌ندین ئایه‌تدا فه‌رمانی به به‌نده‌كانی كردووه به‌ڕێك و پێكی ئه‌نجامی بده‌ن . _ نوێژ ئه‌و عیباده‌ته‌یه مه‌زنه‌یه كه له‌شه‌وی ئیسرا و میعراج فه‌رزكرا . _ نوێژ دڵخۆش كه‌ر و چاورۆشه‌نكه‌ره‌وه‌ی پێغه‌مبه‌ری خوا بوو (صلی الله علیه وسلم) . _ نوێژ یه‌كێكه له عیباده‌ته هه‌ره خۆشه‌ویسته‌كان له‌لای خوای په‌روه‌ردگار ؛ عبدالله ی كوڕی مه‌سعود – ره‌زای خوای لێبێت – فه‌رموویه‌تی : ( سأَلتُ النبي صَلّى اللهُ عَلَيْهِ وسَلَّم : أَيُّ الْعملِ أَحبُّ إِلَى اللَّهِ تَعالى؟ قَالَ: "الصَّلاةُ عَلَى وقْتِهَا"قُلْتُ: ثُمَّ أَيُّ؟ قَالَ:"بِرُّ الْوَالِديْنِ"قلتُ: ثُمَّ أَيُّ؟ قَالَ:"الجِهَادُ في سبِيِل اللَّهِ ) . متفقٌ عَلَيهِ . . واته : پرسیارم له‌پێغه‌مبه‌ر كرد (ﷺ) : ئایه كامه كرده‌وه خۆشه‌ویسترینه له‌لای خوای په‌روه‌ردگاره ؟ فه‌رمووی : نوێژكردن له‌كاتی خۆی ؛ وتم : ئه‌ی له‌دوای ئه‌م كرده‌وه‌یه ؟ فه‌رمووی : باشبوون له‌گه‌ڵ دایك و باوك ؛ وتم : ئه‌ی له‌دوای ئه‌م كرده‌وه‌یه ؟ فه‌رمووی : جیهاد و تێكۆشان له‌پێناو خوا . _ نوێژ یه‌كه‌م كرده‌وه‌یه كه له‌رۆژی دواییدا پرسیاری له‌باره‌وه ده‌كرێت : پێغه‌مبه‌ری خوا (صلی الله علیه وسلم) فه‌رموویه‌تی : (إِنَّ أَوَّلَ ما يُحَاسَبُ الناس بِهِ يوم الْقِيَامَةِ من أَعْمَالِهِمْ الصَّلَاةُ قال يقول رَبُّنَا عَزَّ وَجَلَّ لِمَلَائِكَتِهِ وهو أَعْلَمُ انْظُرُوا فى صَلَاةِ عَبْدِى أَتَمَّهَا أَمْ نَقَصَهَا فَإِنْ كانت تَامَّةً كُتِبَتْ له تَامَّةً وَإِنْ كان انْتَقَصَ منها شيئا قال انْظُرُوا هل لِعَبْدِى من تَطَوُّعٍ فَإِنْ كان له تَطَوُّعٌ قال أَتِمُّوا لِعَبْدِى فَرِيضَتَهُ من تَطَوُّعِهِ) صحيح الجامع الصغير وزيادته .
واته: (يه‌كه‌مين كرده‌وه خه‌ڵكى لێ پێچينه‌وه‌ى له‌سه‌ر بكرێت له ڕۆژى دواييدا نوێژه خوداى باڵاده‌ست به فريشته‌كانى ده‌فه‌رمووێت، له‌گه‌ڵ ئه‌وه‌شدا زانستى پێ هه‌يه‌و ده‌فه‌رمووێت سه‌يرى نوێژى به‌نده‌كانم بكه‌ن ئايا نوێژه فه‌ڕزه‌كانى به ته‌واوى كردوون يان به ناته‌واوى كردون؟ ئه‌گه‌ر به ته‌واوى كردبووي، ئه‌وا پاداشتى ته‌واوى بۆ ده‌بێت، وه ئه‌گه‌ر به ناته‌واوى كردبووي، سه‌ير بكه‌ن ئايه به‌نده‌كه‌م هيچ نوێژى سوننه‌تى هه‌يه ئه‌گه‌ر نوێژى سوننه‌تى هه‌بوو، ئه‌وا ته‌واو بكه‌ن بۆ به‌نده‌كه‌م نوێژه فه‌ڕزه‌كان به نوێژه سوننه‌ته‌كان) . _ نوێژ ئه‌و عیباده‌ته گه‌وره‌یه كه به ئه‌نجامدانی ئه‌هلی ئیمان و ئه‌هلی كوفر جیاده‌بێته‌وه : پێغه‌مبه‌ری خوا (ﷺ) فه‌رموویه‌تی : ( العهدُ الذي بينَنا وبينَهم الصلاةُ، فمَن تركَها فقد كفرَ ) . إسناده صحيح . واته : په‌یمان و جیاوازی نێوان ئێمه و ئه‌وان نوێژه ؛ هه‌ركه‌سێك وازی لێبێنێت ئه‌وا كوفری كردووه . وه فه‌رموویه‌تی : ( ليسَ بينَ العبدِ والشِّركِ إلَّا تركُ الصَّلاةِ فإذا ترَكَها فقد أشرَكَ ) . صحيح ابن ماجه . واته : له‌نێوان به‌نده و شرك هیچ شتێك نیه ته‌نها وازهێنان له‌نوێژ نه‌بێ ؛ كاتێك به‌نده وازی له‌نوێژ هێنا ئه‌وا تووشی تاوانی شرك بووه . وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . |
