|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
دین ئامۆژگاریه ( دین ئامۆژگاریه ) ئەبو روقه‌ییەی تەمیمی كوڕی ئەوسی داری – ره‌زای خوای لێبێت – فه‌رموویه‌تی : پێشه‌وا ابن حه‌جه‌ر – ره‌حمه‌تی خوای لێبێت – فه‌رموویه‌تی : ئه‌م فه‌رمووده‌یه یه‌كێكه له‌و فه‌رموودانه‌ی هه‌موو ئایینی پیرۆزی ئیسلامی له‌خۆ گرتووه . _ ئامۆژگاری كردن بۆ خوا : به‌وه ده‌بێت كه وه‌سفی خوا بكه‌ی به‌و شێوه‌یه‌ی شاییسته‌یه‌تی و لایه‌قیه‌تی ؛ وه به‌دڵ و به‌لاشه ملكه‌چی ئه‌وبی ؛ وه به ئه‌نجامدانی كرده‌وه چاكه‌كان ته‌ماعی به‌هه‌شت و پاداشتی ئه‌وت هه‌بێت ؛ وه به‌دووركه‌وتنه‌وه له قه‌ده‌غه‌كراوه‌كان خۆت له‌سزای ئه‌و بپارێزی . _ وه ئامۆژگاری كردن بۆ په‌رتووكه‌كه‌ی خوا : به‌وه ده‌بێت خۆت شاره‌زا بكه‌ی له‌خوێندنه‌وه و كرده‌وه پێ كردنی ؛ وه خه‌ڵكیش فێربكه‌یت و بانگه‌وازی بۆ بكه‌ی ؛ به‌شێوه‌یه‌كی جوان بیخوێنیته‌وه و له‌ماناكانی بگه‌ی ؛ وه ره‌دی ئه‌وكه‌سانه بده‌یته‌وه كه به‌شێوه‌یه‌كی هه‌ڵه ته‌فسیری ئایه‌ته‌كان ده‌كه‌ن و ماناكه‌ی ده‌گۆرن .
_ وه ئامۆژگاری كردن بۆ سه‌ركرده‌و پێشه‌وایانی موسڵمانان : به‌وه ده‌بێت له‌كاری چاكدا گوێڕایه‌ڵیان بكه‌ی ؛ وه به‌ته‌نها ئامۆژگاریان بكه‌ی ؛ له‌كاری خراپ به‌دووریان بخه‌ی ؛ وه كاتێك كه‌م و كوڕی و سته‌م و تاوانی هه‌بوو خه‌ڵكی لێ هان نه‌ده‌یت و كێشه و ئاژاوه له‌ژێر ده‌سه‌ڵاتی ئه‌ودا دروست نه‌كه‌ی ؛ بۆ ئه‌وه‌ی خوێن و ماڵی موسڵمانان سه‌لامه‌ت بێت و له‌زیانی گیانی و ماڵی به‌دووربن . _ وه ئامۆژگاری كردن بۆ هه‌موو موسڵمانان : به‌وه ده‌بێت ئامۆژگاریان بكه‌ی بۆ گشت ئه‌وشتانه‌ی له‌سوود و به‌رژه‌وه‌ندی ئه‌واندایه له‌دونیا و دواڕۆژیاندا ؛ وه به وته و به‌كردار هاوكاریان بی و یارمه‌تیان بده‌ی ؛ وه ئاگاریان بكه‌یته‌وه له‌گشت وته و كارێكی خراپ ؛ وه كه‌م و كوڕیه‌كانیان دابپۆشی و به نهێنی ئامۆژگاریان بكه‌یت و ئابڕوویان نه‌به‌ی ؛ وه ڕێز له‌گه‌وره‌كانیان بگری و ره‌حم به بچووكه‌كانیان بكه‌ی ؛ وه غه‌ش و خیانه‌تیان لێ نه‌كه‌ی ؛ وه له‌ده‌ست و زمانت سه‌لامه‌ت بن و بوهتانیان بۆ نه‌كه‌یت و غه‌یبه‌تیان نه‌كه‌یت و حه‌سوودیان پێ نه‌به‌یت و له‌كاتی خۆشی و ناخۆشیدا له‌گه‌لیان بیت و یارمه‌یتان بده‌ی . |
