|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
خۆشویستنی قورئان خۆشویستنی قورئان
عبدالله ی كوڕی مه‌سعود – ره‌زای خوای لێبێت – فه‌رموویه‌تی : ههركهسێك پێی خۆشه بۆی ده‌ربكه‌وێت كه خوای په‌روه‌ردگاری خۆش ده‌وێت ئه‌وا با پرسیار له‌نه‌فسی خۆی بكات ده‌رباره‌ی خۆشویستنی قورئان ؛ ههركهسێك قورئانی پیرۆزی خۆش بوێت ئه‌وا خوای په‌روه‌ردگاری خۆش ده‌وێت .
پێشه‌وا ئیبن قه‌یم – ره‌حمه‌تی خوای لێبێت – فه‌رموویه‌تی : خۆشویستنی قسه‌ی خوا كه قورئانی پیرۆزه نیشانه‌ی خۆشویستنی خوای په‌روه‌ردگاره ؛ ئه‌گه‌ر ده‌ته‌وێت بزانی خۆشه‌ویستی خوا له‌لای خۆت و جگه له‌خۆت ده‌ربكه‌وێت ئه‌وا سه‌یری خۆشویستنی قورئان بكه له‌ناو دڵتدا ؛ وه چێژ وه‌رگرتن به گوێگرتن لێی . وتراوه : ههركهسێك كه‌سێكی خۆشبوێت قسه‌كانیشی خۆشترین شت ده‌بێت له‌لای .
بۆ خۆشویستنی قورئان چه‌ند نیشانه‌یه‌ك هه‌یه : 1_ دڵخۆشبوون به خوێندنه‌وه‌ی . 2_ زۆر خوێندنه‌وه‌ی قوڕئان . 3_ تامه‌زرۆبوون بۆ خوێندنه‌وه‌ی . 4_ په‌یوه‌یست بوون به ئه‌حكامه‌كانی و ئادابه‌كانی و فه‌رمانه‌كانی و دووركه‌وتنه‌وه له نه‌هیه‌كانی .
پێغه‌مبه‌ری خوا (صلی الله علیه وسلم) هاوه‌ڵانی فێرده‌كرد كه له‌خوا بپارێنه‌وه بۆ ئه‌وه‌ی قورئان بكات به خۆشه‌ویستی دڵه‌كانیان و به‌هاری دڵه‌كانیان .
عبدالله ی كوری مه‌سعود – ره‌زای خوای لێبێت – فه‌رموویه‌تی : پێغه‌مبه‌ری خوا (صلی الله علیه وسلم) فه‌رمووی : ههركهسێك تووشی خه‌فه‌ت و دڵته‌نگیه‌ك ببێت و ئه‌م دوعایه بكات ئیلا ئه‌م دڵته‌نگیه‌ی له‌سه‌ر لاده‌چێت و ده‌رووی خێر و خۆشی لێ ده‌بێته‌وه با بڵێت : ( اللَّهُمَّ إِنِّي عَبْدُكَ ؛ ابْنُ عَبْدِكَ ؛ ابْنُ أَمَتِكَ ؛ نَاصِيَتِي بِيَدِكَ ؛ مَاضٍ فِيَّ حُكْمُكَ ؛ عَدْلٌ فِيَّ قَضَاؤُكَ ؛ أَسْأَلُكَ بِكُلِّ اسْمٍ هُوَ لَكَ ؛ سَمَّيْتَ بِهِ نَفْسَكَ ؛ أَوْ أَنْزَلْتَهُ فِي كِتَابِكَ ؛ أَوْ عَلَّمْتَهُ أَحَدًا مِنْ خَلْقِكَ ؛ أَوِ اسْتَأْثَرْتَ بِهِ فِي عِلْمِ الْغَيْبِ عِنْدَكَ ؛ أَنْ تَجْعَلَ الْقُرْآنَ رَبِيعَ قَلْبِي ؛ وَنُورَ صَدْرِي ؛ وَجَلاَءَ حُزْنِي ؛ وَذَهَابَ هَمِّي ) . واتە: (خودایە من بەندەی تۆم و کوڕی بەندەی تۆم و کوڕی کۆیلەی تۆم، چارەنووسم بە دەستی تۆیە و بڕیارت بە سەرمدا تێپەڕیوە و بڕیارەکانت بە سەرمدا دادپەروەرانەیە ، داوات لێدەکەم بە ھەموو ئەو ناوانەی، کە خۆتت پێ ناو ناوە ، یان ناردووتەتە خوارەوە لە پەرتووکەکەتدا ، یان یەکێکت فێرکردووە لە بەندەکانت، یان لە زانستە نھێنیەکانی خۆتدا ھەڵتگرتوە (کەس نایزانێت، جگە لە خۆت نەبێت)، کە قورئان بکەیتە بەھاری دڵم و ڕوناکی سینگم و ڕەوێنەرەوەی دڵ تەنگیم و لابەری خەم و پەژارەم . وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . 13 / 1 / 2024 |
