په‌یامێك بۆ جگه‌ره‌ فرۆشه‌كان .

ئه‌ی ئه‌وكه‌سه‌ی جگه‌ره‌ ده‌فرۆشی به‌ڕاستی تۆ له به‌ڵا و ‌كه‌راساتێكی زۆر گه‌وره‌دای !

چونكه‌ تۆ ماڵ به‌شتێكی حه‌رام ده‌خۆی !

پێغه‌مبه‌ری خوا (صلی الله علیه وسلم) فه‌رموویه‌تی : هه‌ر لاشه‌یه‌ك به‌حه‌رام گه‌شه‌ی كردبێت ئیللا له‌رۆژی دواییدا به‌ ئاگر ده‌سووتێت !

وه‌ فه‌رموویه‌تی : ( ليأتيَنَّ على الناسِ زمانٌ، لا يُبالي المرءُ بما أخذَ المالَ، أمِن حلالٍ أمْ من حرامٍ ) . ‌‏أخرجه البخاري .

واته‌ : سه‌رده‌مێك به‌سه‌ر خه‌ڵكی دادێت ؛ ئینسان گوێ به‌وه‌ نادات ماڵی به‌چی وه‌رگرتووه‌ ؛ ئایه‌ به‌كارێكی حه‌لال وه‌ری گرتووه‌ یان به‌كارێكی حه‌رام .

بێگومان به‌ به‌ڵگه‌ی ئایه‌تی قورئان و فه‌رمووده‌ سه‌حیحه‌كان جگه‌ره‌ كێشان و نێرگله‌كێشان حه‌رامه‌ و دروست نیه‌ چونكه‌ شتێكی زیان به‌خشه‌ و له‌خواردنه‌ پاكه‌كان نیه‌ ؛ خوای په‌روه‌ردگار فه‌رموویه‌تی : (وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ ) . الأعراف :  157

 واته‌ : هه‌رچیه‌ک پاکو چاکه‌ بۆیان حه‌ڵاڵ ده‌کات و هه‌رچی پیس و خراپه‌ لێیان حه‌رام ده‌کات .

وه‌ له‌ ئایه‌تێكی تردا خوای په‌روه‌ردگار فه‌رموویه‌تی : (وَلَا تُلْقُوا بِأَيْدِيكُمْ إِلَى التَّهْلُكَةِ  ) . البقرة : 195

. واته‌ : به‌ده‌ستی خۆتان، خۆتان به‌ره‌و تیاچوون مه‌به‌ن

وه‌ پێغه‌مبه‌ری خوا (صلی الله علیه وسلم) فه‌رموویه‌تی : (لاَ ضَرَرَ وَلاَ ضِرَارَ) . صحيح .

واته‌: نه‌ زه‌ره‌رو زيان له‌ خۆت بده‌ ؛ وه‌ نه‌ له‌ غه‌يرى خۆتيش بده .

به‌ كۆده‌نگی پزیشكان و كه‌سانی ژیر جگه‌ره‌كێشان و نێرگله‌ كێشان و زیاتی بۆخۆت و بۆ غه‌یری خۆتیش هه‌یه .

زيانه‌كانی جگه‌ره‌ كێشان و نێرگله‌كێشان بريتيه‌ له‌ : له‌

تووش بوون به‌نه‌خۆشی شێرپه‌نجه‌ی قورگ . .

تووش بوون به‌نه‌خۆشی دڵ و جگه‌ر . .

گیرانی ده‌ماره‌كانی خوێن و به‌رزبوونه‌وه‌ی فشاری خوێن . .

. شێرپه‌نجه‌ی ده‌م و  په‌نكریاس ؛ وه‌ زۆر زیانی تر .

وه‌ تۆ به‌ جگه‌ره‌ فرۆشتن یارمه‌تی خه‌ڵك ده‌ده‌ی له‌سه‌ر ئه‌مكاره‌ خراپ و حه‌رامه‌ !

له‌كاتێكدا خوای په‌روه‌ردگار فه‌رموویه‌تی : (وَلَا تَعَاوَنُوا عَلَى الْإِثْمِ وَالْعُدْوَانِ ) . المائدة : 2

واته‌ : هاوكاری یه‌کتر مه‌که‌ن له‌سه‌ر تاوان و ده‌ست درێژی .

وه‌رگێرانی : مامۆستا هه‌ڵگورد مسته‌فا گه‌ڵاڵه‌یی .

17 / 1 / 2024 م