|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
بۆچی خه‌ڵكی هه‌ست به‌ترس ده‌كات ؟ بۆچی خه‌ڵكی هه‌ست به‌ترس ده‌كات ؟
بێگومان زۆرێك له خه‌ڵكی هه‌ست به‌ترس ده‌كه‌ن . له چاره‌نووسه نادیاره‌كانیان ده‌ترسن . به‌ڵام موسڵمانی تێگه‌ییشتوو ده‌زانێت كه ژیان و مردن به‌ده‌ست خوای په‌روه‌ردگاره ؛ بۆیه له‌هیچ شتێكی دونیا ناترسێت ؛ له جنۆكه ناترسێت ؛ وه له گیانله‌به‌ره‌كان ناترسێت ؛ چونكه ئه‌وشتانه گشتی به فه‌رمانی خوای په‌روه‌ردگاره . موسلمانی ڕاسته‌قینه ته‌نها له‌خوا ده‌ترسێت ؛ چونكه ده‌زانێت ئه‌وه‌ی تووشی ده‌بێت له‌سه‌ری نوسراوه و باوه‌ری به‌قه‌زا و قه‌ده‌ری خوای په‌روه‌ردگاره ؛ به‌ڵام ئه‌م نه‌ترسانه مانای ئه‌وه‌نیه موسلمان نابێت ئاگادار و خۆپارێزبێت ؛ به‌ڵكو ده‌بێت خۆی له‌كه‌سانی خراپ بپارێزێت وه له گیانله‌به‌ر درنده‌كان بپارێزێت ؛ چونكه په‌روه‌ردگار بۆمانی روون كردۆته‌وه كه به‌نه‌فسی خۆمان خۆمان به‌هیلاك نه‌به‌ین . به‌ڵام له‌گه‌ل ئه‌وه‌شدا نابێت له سه‌ر ئه‌م زه‌وه‌یه‌دا به‌ترس و دڵه ڕاوكێوه بژین ؛ كه‌سی باوه‌ردار ده‌بێت كه‌سێكی به‌هێز و به‌توانا و گۆراگربێت . خوای په‌روه‌ردگار فه‌رموویه‌تی : ( إِنَّمَا ذَٰلِكُمُ الشَّيْطَانُ يُخَوِّفُ أَوْلِيَاءَهُ فَلَا تَخَافُوهُمْ وَخَافُونِ إِنْ كُنْتُمْ مُؤْمِنِينَ ) . آل عمران : 175 . واته : ئه‌وه به‌ڕاستی ته‌نها شه‌یتانه یاوه‌ره‌کانی خۆی ده‌ترسێنێت، ئێوه‌ی (ئیماندار) لێیان مه‌ترسن، به‌ڵکو هه‌ر له من بترسن ئه‌گه‌ر ئیماندارن (بێگومان ترسان له خوا ئاسووده‌یی و ئارامیی ده‌به‌خشێت به ئیماندار).
ئایه چۆن ئازا و چاو نه‌ترس بین ؟ وه چۆن مامه‌ڵه له‌گه‌ڵ ترس بكه‌ین ؟ یه‌كه‌میان : پشت به‌ستن به‌خوای په‌روه‌ردگار : په‌روه‌ردگار زۆر كه‌سانی به‌هێزی سته‌مكار لاواز و بێ توانا كردووه و باوه‌رداران و سته‌ملێكراوانی سه‌رخستووه به‌سه‌ریاندا . پشت به‌ستن به‌خوا و متمانه بوون به‌خوا هۆكارێكی سه‌ره‌كیه بۆ به‌ده‌ست هێنانی ئازایه‌تی و بوێری و زاڵبوون به‌سه‌ر ترس و دڵه‌ڕاوكێیی .
دووه‌میان : زاڵبوون به‌سه‌ر بیركردنه‌وه خراپه‌كان : پێویسته له‌سه‌رمان به‌سه‌ر بیركردنه‌وه خراپه‌كانمان زاڵبین نه‌ك ئه‌م بیركردنه‌وه خراپانه زاڵبن به‌سه‌رمان ؛ زاڵبوون به‌سه‌ر بیركردنه‌وه خراپه‌كان ئازایه‌تی بۆ خاوه‌نه‌كه‌ی زیاتر ده‌كات و به‌رده‌وام به‌ره‌و سه‌ركه‌وتنی ده‌بات ؛ به‌رده‌وام دڵت ئاسووده‌بێت به‌وه‌ی كه په‌روه‌ردگار رزگارت ده‌كات و له‌دوای ناخۆشی خۆشی دێت ؛ وه پێوسته بیركردنه‌وه‌كانت بیركردنه‌وه‌ی ئیجابی و چاك بێت و گومانی باش به‌خۆت به‌ری و خۆت له‌بیركردنه‌وه‌ی خراپ بپارێزه ؛ بیر له دروستكراوه‌كانی خوای په‌روه‌ردگار بكه‌ره‌وه ؛ ژیاننانه‌ی پێغه‌مبه‌ران و زانایان و پیاوچاكان بخوێنه‌وه ؛ وه په‌یوه‌ندی پته‌وت به‌خوای په‌روه‌ردگار هه‌موو كاره قورسه‌كانت بۆ ئاسان ده‌كات ؛ ئه‌گه‌ر تۆ به‌م شێوه‌یه بیت ئه‌وا له‌داهاتوو كه‌سێكی به‌هێزتر و چاونه‌ترس ترت لێ ده‌رده‌چێت كاتێك رووبه‌رووی ترسێكی تر بوویته‌وه .
سێیه‌میان : زالبوون به‌سه‌ر لاشه : پێغه‌مبه‌ران – سه‌لامی خوای په‌روه‌ردگاریان له‌سه‌ربێت – زۆر ئارامیان گرتووه و زۆر نه‌رم و نیانبوون به‌رامبه‌ر ئه‌م ترس و ناحۆشیانه‌ی رووبه‌روویان ده‌بوه‌وه ؛ به‌رده‌وام به‌ره‌و پێشه‌وه برۆ و بریاره چاكه‌كانت جێ به‌جێ بكه ؛ پێویسته بۆ به‌هێزبوونی لاشه‌ت ئازایه‌تی ده‌روونی به‌ده‌ست بهێنی وه به‌جه‌سته‌ییش ده‌ری بخه‌ی ؛ هه‌وڵبده راهێنانی وه‌رزی بكه‌یت و چه‌ند ڕاهێنانیك بزانی بۆ به‌رگری كردنی له‌خۆت وه‌ك چۆن پێغه‌مبه‌ری خوا (صلی الله علیه وسلم) یاری زۆرانبازی له‌گه‌ل پاله‌وانێك كردووه به‌ناوی روكانه و پشتی ئه‌م پاله‌وانه‌ی له‌زه‌وی داوه ؛ وه هاوه‌ڵان – ره‌زای خوایان لێبێت – وه‌زشیان كردووه و راهێنانی به‌رگری كردن و هێرش بردنیان كردووه .
چواره‌میان : پێویسته ڕاهێنانت هه‌بێت بۆ ئه‌م رووبه‌رووبوونه‌وه‌یه به ئه‌قڵ و لاشه ؛ هه‌ناسه‌یه‌كی قووڵ له‌ڕێگه‌ی لووتته‌وه هه‌ڵمژه وه له‌ڕێگه‌ی ده‌مته‌وه بیخه‌ره ده‌ره‌وه ؛ چوار چركه هه‌ناسه هه‌ڵمژه وه چوار چركه له‌ناو سینه‌ت ڕایبگره وه به‌چوار چركه ده‌ری بخه ؛ ئه‌م جۆره هه‌ناسه وه‌رگرتن و دانه‌وه‌یه سوود و كاریگه‌ری زۆری هه‌یه بۆ زاڵ بوون به‌سه‌ر ترس و به‌سه‌ر خه‌فه‌ت و دڵته‌نگی .
پێنجه‌میان : بجه‌نگه به‌رامبه‌ر به ئاره‌زوه‌كانت : كاتێك زاڵبووی به‌سه‌ر ئاره‌زوه‌كانت ئه‌وا بێگومان كه‌سێكی به‌هێزتر و بوێرتر ده‌بی له‌رووبه‌رووبوونه‌وه‌ی ترسه‌كان ؛ وه له‌رووبه‌رووبوونه‌وه‌ی قه‌ده‌غه كراوه‌كان .
وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . 13 / شوال / 1445 ك – 22 / 4 / 2024 م
|
