ئایه‌ یاری دامه‌ دروسته‌ یان نادروسته‌ ؟

وه‌ڵام : یاری دامه‌ ئه‌گه‌ر له‌سه‌ر قومار بكرێت ‌ یان به‌هۆیه‌وه‌ واجبێكی له‌سه‌ر بفه‌وێت یان تووشی شتێكی حه‌رام ببێت وه‌ك له‌ده‌ستدانی نوێژ و گوێڕایه‌ڵی نه‌كردنی دایك و باوك و درۆكردن و جنێودان و باقی تاوانه‌كانی تر ئه‌وا به‌ كۆده‌نگی زانایان دروست نیه‌ و حه‌رامه .
به‌ڵام ئه‌گه‌ر له‌سه‌ر قومار نه‌بوو ؛ وه‌ هیچ واجبێكی له‌سه‌ر نه‌فه‌وێت ؛ وه‌ به‌هۆیه‌وه‌ تووشی هیچ تاوانێك نه‌بێت ؛ ئه‌وا حوكمه‌كه‌ی له‌نێوان زانایان دوو بۆچوون هه‌یه‌ ؛ هه‌ندێكیان هه‌ر به‌نادروستی ده‌زانن چونكه‌ سه‌رده‌كێشێت بۆ له‌ده‌ست دانی واجبات و تووش بوون به‌ گوناه و تاوان ؛ وه‌ هه‌ندێكیان فه‌رموویانه‌ دروسته‌ ئه‌گه‌ر هیچ واجباتێكی له‌سه‌ر نه‌فه‌وتێت و سه‌رنه‌كێشێت بۆ تووش بوون به‌ گوناه و تاوان .
كه‌واته‌ ماده‌م زانایان كۆده‌نگ نین له‌سه‌ر دروستیه‌تی ئه‌م یارییه‌ ئه‌وا پێویسته‌ كه‌سی موسڵمان كاته‌كانی‌ له‌شتی بێ سوود به‌فیڕۆ نه‌دات .
پێغەمبەرى خوا (ﷺ) فه‌رموویه‌تی‌ : دوو نیعمەت هەیە زۆر لە خەڵكی تێیدا خەسارەت مەندن ( لە دەستی دەدەن و قەدری نازانن ) لەش ساغی و دەست بەتاڵی .
مامۆستا هه‌ڵگورد مسته‌فا گه‌ڵاڵه‌یی .