|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
چه‌كه‌كانی باوه‌ردار له‌جه‌نگی دژ به‌شه‌یتان : چه‌كه‌كانی باوه‌ردار له‌جه‌نگی دژ به‌شه‌یتان : 1_ وشیاربوون و بێ ئاگانه‌بوون : شه‌یتان دوژمنێكی فێلبازه به‌ره‌ده‌وام له‌هه‌ولی گومڕاكردنی مرۆڤه‌كانه ؛ جا به ئه‌ندازه‌ی زانست و وشیاریت ده‌توانی له‌فێڵه‌كانی ئه‌م دوژمنه پارێزراوبی . 2_ ده‌ست گرتن به قورئان و سوننه‌ت : گه‌وره‌ترین هۆكار بۆ سه‌لامه‌تی له‌شه‌یتان ده‌ست گرتنه به‌قورئانی پیرۆز و سوننه‌ت و ڕێبازی پێغه‌مبه‌ری خوا (صلی الله علیه وسلم) ؛ هه‌ركه‌سێك خۆی به‌دووربخات له‌قورئان وسوننه‌ت ئه‌وا شه‌یتان به‌ئاسانی ده‌توانێت فێڵی لێبكات و تووشی گومرایی و سه‌لێشێوای بكات . 3_ په‌ناگرتن به‌خوا له‌شه‌یتان له‌گشت ئه‌و حاله‌تانه‌ی له‌قورئان و فه‌رمووده‌دا باسكراوه : بۆ نموونه په‌ناگرتن به‌خوا له‌كاتی وه‌سوه‌سه و گومان ؛ وه له‌كاتی خوێندنه‌وه‌ی قورئان ؛ وه له‌كاتی تووره‌بوون ؛ وه له‌كاتی چوونه سه‌رئاو ؛ وه له‌كاتی چوونه‌لای خێزان ؛ وه له‌كاتی بیستنی ده‌نگی سه‌گ و گوێدرێژ . 4_ په‌یوه‌ست بوون به‌كۆمه‌ڵی موسڵمانان و جیانه‌بوونه‌وه لێیان : له‌هۆكاره‌كانی پارساتن له‌فێڵه‌كانی شه‌یتان بریتیه له مانه‌وه له‌ناو كۆمه‌ڵی موسڵمانان و دووركه‌وتنه‌وه له‌كه‌سانی بێ باوه‌ر و لاڕێ و سه‌رلێشێواو ؛ كۆمه‌ڵی موسڵمانان ئه‌وانه‌ن ده‌ستیان گرتووه به‌قورئان و سوننه‌ت و دوورن له‌شیرك و بیدعه و خورافیات ؛ پێغه‌مبه‌ری خوا (صلی الله علیه وسلم) فه‌رموویه‌تی : هه‌ركه‌سێك ده‌یه‌وێت بچێته به‌هه‌شت ئه‌وا با په‌یوه‌ست بێت به‌كۆمه‌ڵی موسڵمانان ؛ به‌ڕاستی شه‌یتان له‌گه‌ڵ یه‌ك كه‌س دایه و له‌دووكه‌س دوورتره . 5_ سه‌رقاڵ بوون به‌زیكر و یادی خوا : زیكر و یادی خوا هۆكارێكی زۆر به‌سوود و كاریگه‌ره بۆ خۆپاراستن له‌شه‌یتان ؛ له فه‌رمووده‌یه‌كی سه‌حیحدا هاتووه پێغه‌مبه‌ر یه‌حیا –علیه السلام- ئامۆژگاری به‌نی ئیسرائیلیه‌كان ده‌كات و پێیان ده‌فه‌رموێت : فه‌رمانتان پێ ده‌كه‌م زیكر و یادی خوای په‌روه‌ردگار زۆر بكه‌ن ؛ به‌ڕاستی نمونه‌ی ئه‌وكه‌سه‌ی زۆر زیكر و یادی خوا ده‌كات وه‌ك نموونه‌ی كه‌سێكه دوژمن به‌دواوه‌یه‌تی هه‌تا خۆی ده‌گه‌ینێت به‌ناو قه‌ڵایه‌كی پته و و تیایدا خۆی لێ ده‌پارێزێت ؛ به‌هه‌مان شێوه مرۆڤ ناتوانێت خۆی له‌شه‌یتان بپارێزت ته‌نها به‌زیكر و یادی خوای په‌روه‌ردگار نه‌بێت . پێشه‌وا ئیبن قه‌یم –ره‌حمه‌تی خوای لێبێت – فه‌رموویه‌تی : زیكر و یادی خوا ئه‌گه‌ر ته‌نها ئه‌وفه‌زله‌ی هه‌بێت كه له‌فه‌رمووده‌كه‌دا باسكراوه ئه‌وه به‌سه مرۆڤ ده‌ستی پێوه بگرێت و پێوسته به‌رده‌وام ده‌م به‌زیكر بێت ؛ باوه‌ردرا كاتێك زیكری خوا ده‌كات شه‌یتان بچووك ده‌بێته‌وه و خۆی ده‌شارێته‌وه ؛ بۆیه خوای په‌روه‌ردگار شه‌یتانی ناو ناوه به (الوسواس الخناس) واته : ئه‌وشه‌یتانه‌ی وه‌سوه‌سه دروست ده‌كات ؛ وه له‌كاتی زیكر و یادی خوا خۆی ده‌شارێته‌وه و دوور ده‌كه‌وێته‌وه . عبدالله ی كوڕی عه‌باس –ره‌زای خوای لێبێت – فه‌رموویه‌تی : شه‌یتان له‌سه‌ر دڵی مرۆڤ ده‌نیشێت ؛ كاتێك ئه‌و مرۆڤ بێ ئاگابوو له‌زیكر و یادی خوا ئه‌وا تووشی وه‌سوه‌سه و گومانی ده‌كات ؛ وه كاتێك زیكر و یادی خوای كرد دوور ده‌كه‌وێته‌وه و خۆی ده‌شارێته‌وه . مامۆستا هه‌ڵگورد مسته‌فا گه‌ڵاڵه‌یی . 1/8/2024 |
