|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
زیان و مه‌ترسی سه‌یركردنی ڤدیۆ و فلیمه رووته‌كان –بێ ئابروه‌كان- ! زیان و مه‌ترسی سه‌یركردنی ڤدیۆ و فلیمه رووته‌كان –بێ ئابروه‌كان- !
ئاڵووده‌بوون به‌سه‌یری كردنی ئه‌م ڤدیۆ رووتانه ئاڵووده‌بوونێكه وه‌كو ئاڵووده‌بوون به‌شته‌كانی ترنیه . چونكه به‌ئاسانی ده‌ست ده‌كه‌وێت و هیچ به‌ر‌به‌ستێكی بۆ دانه‌نراوه كه ده‌ست نه‌كه‌وێت ! وه شوێنه‌وار و كاریگه‌ریه‌كی زۆر خراپ له‌سه‌ر مێشكی به‌جێده‌هێڵێت ! ناتوانرێت له‌ناو مێشكیان بسردرێته‌وه ! ئه‌وكاره به‌شێوه‌یه‌كی زۆر به‌ربڵاوه . له‌گه‌ڵ ئه‌وه‌شدا نابینرێت زۆر باسی زیان و مه‌ترسیه‌كانی بكرێت ! له‌كۆنگره‌یه‌كی ویلایه‌تی ئه‌مریكا له‌لایه‌ن دكتۆره ماری ئان لایدن بریاردرا كه ئاڵووده‌بوون به دراما ئابروبه‌ره‌كان مه‌ترسیدراترین شته بۆ سه‌ر ته‌ندروستی مرۆڤ ؛ مه‌ترسیدارتره له ئاڵووده‌بوون به كۆكاین ! دراما ئابروبه‌ره‌كان له‌وڵاتانمان بۆته وه‌سیله‌ی شاره‌زابوون له‌چۆنیه‌تی كاری سه‌رجێی به‌هۆی نه‌بوونی پلانی راست و درووست بۆ رۆشه‌نبیركردنی تاك له كاری جنسی به‌شێوه‌یه‌كی دروست . بۆ ئاڵووده‌بوون به‌دراما ئابرووبه‌ره‌كان بازنه‌یه‌كی داخراوهه‌یه ؛ وه هۆگر‌یه‌كی حه‌رام و قه‌ده‌غه‌كراو هه‌یه ؛ رۆژانه و هه‌فتانه و مانگانه به‌رده‌وام دووباره ده‌بێته‌وه به‌گوێره‌ی ئاڵووده‌بوونه‌كه ! پاشان پاساو دێنێته‌وه و ده‌ڵێت ناتوانم وازی لێ بێنم ! وه په‌شیمان ده‌بێته‌وه و ده‌ڵێت بۆچی ئه‌وكاره‌م كرد ! ماوه‌یه‌ك وازدێنێت پاشان ده‌ستی پێ ده‌كاته‌وه ! ئه‌گه‌ر به‌دوای ئاماره‌كانی سه‌یركه‌رانی ئه‌م فیلمانه بگه‌رێین له‌گۆگڵ ده‌بینین زۆرترین گه‌ران بۆ سه‌یركردنی ڤدیۆ و فیلمه ئابروبه‌ره‌كانه ! رۆژانه 116000 هه‌زار و شازده هه‌زار كه‌س له‌هه‌رزه‌كاران و گه‌نجان به‌دوای ئه‌وكاره‌ن ! له‌ماوه‌ی یه‌ك چركه 30000 سی هه‌زار كه‌س ده‌چێته ناو فدیۆ و په‌یجی پۆرنه‌كان ! وه تێچووی دروست كردنی ئه‌م ڤدیۆیانه زیاتره له 100000000000 سه‌د تلیون دۆلار ! بێگومان مێشك بنكه‌ی هه‌لسوكه‌وتی ئه‌ندامه‌كانی لاشه‌ی مرۆڤه . بینینی ئه‌م فیلمه خراپانه كاریگه‌ری زۆر خراپ دروست ده‌كات له‌سه‌ر مێشك . مرۆڤ به‌هۆیه‌وه تووشی دڵه‌راوكی و تووره‌بوون و تێكچوونی میزاج ده‌بێت . له‌كاتی نزیك بوونه‌وه‌ی هاوسه‌ران دوو هۆرمۆن دێته خواره‌وه كاریان بریتیه له دروست كردنی متمانه و خۆشه‌ویستی له‌نێوان ژن و مێرد . جا له‌كاتی خوی نهێنی و سه‌یركردنی دراما رووته‌كان كاری ئه‌م دوو هۆرمانه په‌ك ده‌خرێت و ئه‌وكه‌سه تووشی ته‌نهایی و خه‌مۆكی و بێ توانایی ده‌بێت وه تووشی جیابوونه‌وه و هه‌ڵوه‌شاندنه‌وه‌ی پرۆسه‌ی هاوسه‌رگیریش ده‌بێت ! وڵاتی مالیزیا هه‌ستاوه به‌رێكخستن و ئاسانكردنی هاوسه‌رگیری بۆ گه‌نجان بۆ ئه‌وه‌ی به‌دووربن له‌زیانی سه‌یركردنی ئه‌و دراما ناشه‌رعیانه . هه‌ستاون به‌وانه وتنه‌وه بۆ فێربوون و شاره‌زابوون له‌كاری سه‌رجێی دروست و دووركه‌وتنه‌وه له‌كاری هه‌ڵه و نادروست . وه هه‌ستاون به هاندانی گه‌نج بۆ هاوسه‌رگیری كردن و ئاسانكاری كردن بۆیان و یارمه‌تیدانیان . پێویسته مامۆستایان و پزیشكان وه ده‌زگا راگه‌یاندنه‌كان به‌ره‌نگاری ئه‌م مه‌ترسیه ببنه‌وه به باس كردنی زیانه‌كانی ؛ وه رۆشه‌نبیركردنی تاك و ئامۆژگاری كردنی بۆ رێگای راست و دروست . وه گه‌نجان هان بدرێن بۆ هاوسه‌رگیری كردن و یارمه‌تیدانیان وه پركردنه‌وه‌ی كاته به‌تاڵه‌كانیان به‌كاری چاك و وه‌رزش كردن و خوێندن و بازرگانی . بێگومان سه‌ركه‌وتنت به‌سه‌ر ئاڵه‌ده‌بوونی دراما رووته‌كان گه‌وره‌ترین سه‌ركه‌وتنته له‌ژیان. سه‌ره‌تای گۆرانكاری ده‌بێت له‌ناورۆكه‌وه ده‌ست پێ بكرێت ئینجا له‌رووكه‌شدا ره‌نگ ده‌داته‌وه ؛ بۆیه زاڵ بوون به‌سه‌ر نه‌فس زاڵ بوونه به‌سه‌ر هه‌موو ئه‌ندامه‌كانی لاشه . خوای په‌روه‌ردگار فه‌رموویه‌تی : ( إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنْفُسِهِمْ ۗ ) . الرعد : 11 . واته : بێگومان خوا بارودۆخی هیچ قه‌وم و گه‌لێك ناگۆڕێت (له خۆشیه‌وه بۆ ناخۆشی، یان له زه‌لیلیه‌وه بۆ سه‌ربه‌رزی، یان له گرانیه‌وه بۆ هه‌رزانی)هه‌تا ئه‌وان ئه‌وه‌ی به خۆیان ده‌کرێت نه‌یگۆڕن و نه‌یکه‌ن . دكتور : ولید فتیحی . وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . 29/محرم/1446ك-5/8/2024م |
