|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
ئه‌وكه‌سانه‌ی فریشته‌كان نه‌فره‌تیان لێ ده‌كه‌ن ئه‌وكه‌سانه‌ی فریشته‌كان نه‌فره‌تیان لێ ده‌كه‌ن : 1_فریشته‌كان نه‌فره‌ت له‌بێ باوه‌ران ده‌كه‌ن : خوای په‌وره‌ردگار فه‌رموویه‌تی : ( إِنَّ الَّذِينَ كَفَرُوا وَمَاتُوا وَهُمْ كُفَّارٌ أُولَٰئِكَ عَلَيْهِمْ لَعْنَةُ اللَّهِ وَالْمَلَائِكَةِ وَالنَّاسِ أَجْمَعِينَ ) . البقرة : 161 . واته : به‌ڕاستی ئه‌وانه‌ی كه بێ باوه‌ڕ بوون و به بێ باوه‌ڕی مردوون، ئا ئه‌وانه له‌عنه‌ت و نه‌فرینی خواو فریشته‌كان و هه‌موو خه‌ڵكیان به‌گشتی به‌سه‌ردا داده‌بارێت... 2_ فریشته‌كان نه‌فره‌ت له‌وئافره‌تانه ده‌كه‌ن كه وه‌ڵامی مێرده‌كه‌یان ناده‌نه‌وه بۆ كاری سه‌رجێیی : پێغه‌مبه‌ری خوا (ﷺ) فه‌رموویه‌تی : ( إِذَا دعَا الرَّجُلُ امْرأَتَهُ إِلَى فِرَاشِهِ فلَمْ تَأْتِهِ فَبَات غَضْبانَ عَلَيْهَا لَعَنتهَا الملائكَةُ حَتَّى تُصْبحَ ) . متفقٌ عَلَيهِ . واته : كاتێك پیاو بانگی خێزانی كرد بۆ كاری سه‌رجێی ؛ به‌ڵام وه‌ڵامی نه‌دایه‌وه و نه‌هاته‌لای ؛ كاتێك پیاوه‌كه‌ی لێی تووره ده‌بێت و ده خه‌وێت ئه‌وا فریشته‌كان نه‌فه‌رت له‌م ئافره‌ته ده‌كه‌ن هه‌تا به‌یانی . 3_ فریشته‌كان نه‌فره‌ت له‌وكه‌سه ده‌كه‌ن كه به‌ئاسنێك ئاماژە بکات بۆ براکەی بۆ ئه‌وه‌ی بیترسێنێت یان بیه‌وێت زیانی پێ بگه‌یه‌نێت : پێغه‌مبه‌ری خوا (ﷺ) فه‌رموویه‌تی : ( مَن أَشارَ إِلَى أَخِيهِ بِحَدِيدَةِ فَإِنَّ الملائكةَ تَلعَنُهُ حَتَّى وَإن كانَ أَخاهُ لأَبِيهِ وَ أُمِّهِ ) . صحیح مسلم . واته : هەر کەسێک بە ئاسنێک ئاماژە بکات بۆ براکەی ئەوا فریشتەکان لەعنەتی لێ دەکەن ئەگەر چی برای خۆیشی بێت لە باوک و دایکیەوە . 4_ فریشته‌كان نه‌فره‌ت له‌وكه‌سه ده‌كه‌ن كه جنێو به‌هاوه‌ڵانی پێغه‌مبه‌ری خوا ده‌ده‌ن (ﷺ) : پێغه‌مبه‌ری خوا (ﷺ) فه‌رموویه‌تی : ( مَنْ سَبَّ أصْحابي فَعَلَيْهِ لَعْنَةُ الله والْمَلائِكَةِ والنَّاسِ أجْمَعين ) . صحیح . واته : هەرکەسێک جنێو و قسەی نابەجێ و خراپ بە هاوەڵەکانم بڵێت ئەوا لەعنەتی خواو فریشتەکان و تێکڕای خەڵکی لێبێت . 5_ فريشته‌كان نه‌فره‌ت له‌وكه‌سه ده‌كه‌ن كه ده‌بێته رێگر له جێ به‌جێ كردنی حوكمی خوا له‌سه‌ر بكوژ و خراپه‌كاران : پێغه‌مبه‌ری خوا (ﷺ) فه‌رموویه‌تی : ( مَنْ قُتِلَ عمدًا فقَوْدُ يديْهِ ، فمَنْ حالَ بينَهُ و بينَهُ فعليه لعنةُ اللهِ ، والملائكةِ ، والناسِ أجمعينَ ) . صحيح الجامع . واته : هه‌ركه‌سێك به‌ئه‌نقه‌ست كوژرا ئه‌وا تۆڵه له‌بوكوژه‌كه‌ی ده‌كرێته‌وه و ده‌كوژرێته‌وه ؛ وه هه‌ركه‌سێك ببێته رێگر له‌م تۆڵه سه‌ندنه‌وه‌یه ئه‌وا نه‌فره‌تی خوا و فریشته‌كان و هه‌موو خه‌ڵكی له‌سه‌ربێت . 6_ فریشته‌كان نه‌فره‌ت له‌وكه‌سه ده‌كه‌ن كه داڵده‌ی بیدعه‌كار و تاوانبار ده‌دات : پێغه‌مبه‌ری خوا (ﷺ) فه‌رموویه‌تی : ( منْ أحْدَثَ فِيها حَدَثاً أوْ آوَى محدِثاً، فَعليّهِ لَعْنَةُ اللَّهِ والملائِكَةِ والنَّاسِ أجْمعِينَ ) . متفق علیه . واته : هه‌ركه‌سێك له شاری مه‌دینه‌دا خراپه‌یه‌ك یان بیدعه‌یه‌ك دابهێنێت و ئه‌نجامی بدات یان داڵده‌ی بیدعه‌كارێك بدات ؛ ئه‌وا نه‌فره‌تی خواو فریشته‌كان و هه‌موو خه‌ڵكی لێ بێت . وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . 29/9/2024 |
