|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
خه‌واریجه‌كان بناسه خه‌واریجه‌كان بناسه
پرسیار : ئایه خه‌واریجه‌كان كێن ؟ وه‌ڵام : عه‌قیده و مه‌نهه‌جی خه‌واریج له سه‌ر سێ بنچینه بنیاتنراوه : 1_ ده‌رچوون له گوێڕایه‌ڵی كردنی كاربه‌ده‌ستان . 2_ به‌كافردانانی موسڵمانان . 3_ كوشتن و خوێن رشتنی موسڵمانان .
پرسیار : ئایه بۆچی ناونراون به (خه‌واریج) ؟ وه‌ڵام : چونكه له‌ژێر حوكم و گوێڕایه‌ڵی كاربهدهستی موسڵمان ده‌رچوونه و دژایه‌تی ده‌كه‌ن و به‌هیچ شێوه‌یه‌ك گوێڕایه‌ڵی ناكه‌ن !
ئایه خه‌واریجه‌كان بۆچی ده‌رده‌چن له‌ژێر حوكم و ده‌سه‌ڵاتی كاربه‌ده‌ستان ؟ وه‌ڵام : به‌بیانووی داواكردنی دادپه‌روه‌ری و یه‌كسانی ؛ وه‌ك چۆن گه‌وره‌ی خه‌واریجه‌كان (ذوالخويصرة) له‌كاتی دابه‌شكردنی ده‌ست كه‌وت به پێغه‌مبه‌ری خوای (صلی الله علیه وسلم) وت : دادپه‌روه‌ری بكه ئه‌ی موحه‌مه‌د به‌ڕاستی تۆ دادپه‌روه‌ر‌یت نه‌كرد !
پرسیار : ئایه خه‌واریجه‌كان سته‌ملێكراو و هه‌ژارن بۆیه داوای ماڵ و سامان ده‌كه‌ن ؟! وه‌ڵام : نه‌خێر به‌ڵكو بۆ ته‌ماعی دونیایه و حه‌زیان له شوهره و ده‌سه‌ڵاته ؛ وه بۆ هاندانی خه‌ڵكی نه‌شاره‌زا و بێ ئاگایه !
پرسیار : ئه‌وترێت ئه‌وان دژ به‌كاربه‌ده‌ستان ده‌جه‌نگن بۆ جێ به‌جێ كردنی حوكمی خوا و په‌رستنی خوا به‌ئازادی؟ وه‌ڵام : راست ناكه‌ن له‌م بانگه‌شه‌یان چونكه كاربه‌ده‌ستان ڕێگریان له‌وان نه‌كردووه له‌جێ به‌جێكردنی نوێژ و رۆژوو و زه‌كات و باقی عیباده‌ته‌كانی تر ؛ به‌ڵكو ئه‌وان ئه‌هلی دونیان ؛ كاتێك رێگریان لێ ده‌كرێت له‌به‌ده‌ست هێنانی دونیا ؛ ئه‌وكات ده‌جه‌نگن دژ به‌كاربه‌ده‌ستان و فیتنه و ئاژاوه دروست ده‌كه‌ن !
پرسیار : ئایه بۆچی خه‌واریجه‌كان موسڵمانان ده‌كوژن و رشتنی خوێنیان به‌حه‌لال ده‌زانن ؟! وه‌ڵام : چونكه موسڵمانان به‌كافر ده‌زانن !!
پرسیار : ئایه بۆچی موسڵمانان به‌كافر ده‌زانن ؟! وه‌ڵام : چونكه كاربهدهستی موسڵمان به‌كافر ده‌زانن وه هه‌ركه‌سێك له‌ژێر حوكمرانی ئه‌و كاربه‌ده‌سته كار بكات ئه‌ویش به‌كافر ده‌زانن ؛ وه هه‌ركه‌سێك وه‌كو ئه‌وان بیرنه‌كاته‌وه و موسڵمانان كافر نه‌كات ئه‌ویش به‌كافر ده‌زانن !
پرسیار : ئایه بۆچی كاربهدهستی موسڵمان به‌كافر ده‌زانن ؟! وه‌ڵام : به بیانووی ئه‌وه‌ی حوكم به‌شه‌رعی خوا ناكات ؛ وه مامه‌ڵه له‌گه‌ڵ بێ باوه‌ران ده‌كات ؛ ئه‌وان به‌گوێره‌ی تێگه‌ییشتن و كه‌می زانستی خۆیان ئایه‌ته‌كانی قورئان ته‌فسیر ده‌كه‌ن نه‌ك به‌گوێره‌ی تێگه‌ییشتنی زانایانی پێشین و شوێنكه‌وتوانیان ؛ عبدالله كوڕی عه‌باس –ره‌زای خوای لێبێت – له‌ته‌فسیری ئایه‌تی : ( ومن لم يكحم بما أنزل الله فأولئك هم الكافرون ) فه‌رموویه‌تی : هه‌ركه‌سێك باوه‌ری به‌حوكمی خوا نه‌بێت بۆیه حوكمی پێ نه‌كات ئه‌وه كافره به‌ڵام ئه‌گه‌ر باوه‌ری پێی هه‌بێت ئه‌وا زاڵم و فاسقه و كافر نیه . وه پێغه‌مبه‌ری خوا (صلی الله علیه وسلم) مامه‌ڵه‌ی له‌گه‌ڵ جووله‌كه و موشریكه‌كان كردووه له‌كرین و فرشتن و به‌ستنی په‌یمانه‌كان . وه خه‌واریجه‌كان خۆیان یارمه‌تی و چه‌ك له‌بێ باوه‌ران وه‌رده‌گرن و مامه‌ڵه‌یان له‌گه‌ڵ ده‌كه‌ن ئه‌ی بۆچی خۆیان كافر ناكه‌ن ؟!
پرسیار : ئایه هۆكاری خێرا بڵاوبوونه‌وه‌ی بیری خه‌واریج چیه ؟ وه‌ڵام : چونكه ئاسانترین رێگایه بۆ گه‌ییشتن به‌كورسی ده‌سه‌ڵات و شوهره و كۆكردنه‌وه‌ی ماڵ و سامان !
پرسیار : ئه‌وترێت هۆكاری ناونانیان به‌خه‌واریج ئه‌وه‌یه كه له‌دین ده‌رچوونه بۆیه به‌م ناوه نراون ؟ وه‌ڵام : نه‌خێر ئه‌مه وته‌یه‌كی هه‌ڵه‌یه ؛ چونكه ئه‌وه‌ی له‌دین ده‌رده‌چێت پێی ده‌وترێت مورته‌د و هه‌ڵگه‌راوه له‌دین ؛ خه‌واریجه‌كان به‌هه‌ڵه له‌دین حاڵی بوونه و له‌رێگا راسته‌كه‌ی ئیسلام لایانداوه و موسڵمانان به‌ناحه‌ق كافر ده‌كه‌ن !
پرسیار : ئایه خه‌واریجه‌كان ته‌نها ئه‌وكه‌سانه ده‌گرێته‌وه كه چه‌ك دژ به موسڵمانان هه‌ڵده‌گرن و ده‌یانكوژن ؟ وه‌ڵام : نه‌خێر خه‌واریجه‌كان ته‌نها ئه‌وانه‌نین به‌ڵكو گشت ئه‌وكه‌سانه ده‌گرێته‌وه كه به‌زمان دژایه‌تی كاربهدهستی موسڵمان ده‌كات و هانی خه‌ڵك ده‌دات بۆ فیتنه و ئاژاوه‌گێری ؛ به‌ڵكو زانایان –ره‌حمه‌تی خوایان لێبێت – فه‌رموویانه : ئه‌وانه مه‌ترسیدارترینی خه‌واریجه‌كانن كه پێیان ده‌وترێت خه‌واریجی دانیشتوو . ده‌رچوون به‌چه‌ك له‌دوای ده‌رچوون به‌زمان دێت !
پرسیار : ئایه دیارترینی سیفه‌تی خه‌واریجه‌كان چین ؟ وه‌ڵام : 1_ گشت ئه‌وكه‌سانه كافر ده‌كه‌ن كه پێچه‌ونه‌ی ئه‌وان بێت و وه‌كو ئه‌وان بیرنه‌كاته‌وه ! 2_ كاربه‌ده‌ستانی موسڵمان و پیاوانی ئه‌منی و گشت پۆلیس و پێشمه‌رگه‌كان كافر ده‌كه‌ن ! 3_ گاڵته به‌زانایانی ئه‌هلی سوننه ده‌كه‌ن و به‌كافریان ده‌زانن ؛ وه جنێویان پێ ده‌ده‌ن و به‌وشه‌ی ناشرین وه‌سفیان ده‌كه‌ن و خه‌ڵكی لێیان دوور ده‌خه‌نه‌وه . 4_ قورئان ده‌خوێننه‌وه و لێی تێ ناگه‌ن . 5- خۆیان له‌وته و ئامۆژگاری هاوه‌ڵان و زانایان به‌دوور ده‌خه‌ن . 6_ عیباده‌تی زۆر ئه‌نجام ده‌ده‌ن به‌بێ زانست و به‌بێ شاره‌زابوون له‌دین ! 7_ هیچ زانایه‌ك له‌ناو ئه‌وان نیه دانپیانراوبێت له‌لای ئه‌هلی سوننه و جه‌ماعه . 8_ كه‌سانێكن هه‌رگیز نایانبینی له مه‌جلیسی وانه شه‌رعیه‌كان ئاماده‌بن ! 9_ ئه‌گه‌ر ئاماده‌شبن بۆ جاسوسی كردن له‌سه‌ر زانیان ئاماده‌ده‌بن ! 10_ ئاماده‌ی نوێژی به‌كۆمه‌ڵ و وتاری هه‌ینی نابن به‌هۆی به‌كافردانی وتاربێژ و پێش نوێژخوێنان ئه‌وانه‌ی وه‌كو ئه‌وان بیرناكه‌نه‌وه ! 11_ له‌و وڵاتانه‌ی ده‌سه‌ڵاتیان تیادا نیه خۆیان به‌كه‌سانی دوورله‌دین نیشان ده‌ده‌ن بۆ ئه‌وه‌ی لایه‌نه ئه‌منیه‌كان پێیان نه‌زانن و نه‌یانناسن ! 12_ گرنگی زۆر به گوێگرتن له سرووده ئایینیه‌كان ده‌ده‌ن و پێش قورئانی پیرۆزی ده‌خه‌ن ! 13_ خاوه‌نی پرچی درێژن به پێچه‌وانه‌ی خه‌واریجه‌كانی كۆن ! 14_ فێڵباز و خیانه‌تكار و ناپاكن . 15_ نازناوی ناشرین له‌سه‌له‌فیه‌كان ده‌نێن و پێیان ده‌ڵێن جامی و مه‌دخه‌لی و مورجیئه و پیاوی ده‌سه‌ڵات و پیاوی جووله‌كه و عه‌بدی تاغوت و شوێنكه‌وتوانی ئال سه‌لول !
خوای په‌روه‌ردگار هیدایه‌تیان بدات ئه‌گه‌ر شایه‌نی هیدایه‌تن ئه‌گه‌رنا زه‌لیل و بێ ده‌سه‌ڵاتیان بكات و موسڵمان له‌ده‌ست و زمانیان سه‌لامه‌ت بكات . اللهم آمين
وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . 29/10/2024 |
