( مه‌رجه‌كانی بریاردان له‌سه‌ر كه‌سێك به‌ مورته‌د و هه‌ڵگه‌راوه‌ له‌دین )

دروست نیه‌ حوكمی مورته‌د بوون بدرێت له‌سه‌ر كه‌سێك ؛ ئیللا به‌ چه‌ند مه‌رج نه‌بێت ؛ كه‌ بریتین له‌مانه‌ : یه‌كه‌میان : بالغ بوون . دووه‌میان : ئه‌قڵ و ژیری . سێیه‌میان : ئاره‌زوو و هه‌ڵبژاردن ؛واته‌ : زۆردی لێ نه‌كرابێت . چوارمیان : مه‌به‌ستی كوفر بووبێت ؛ ئه‌گه‌ر وشه‌یه‌كی كوفری به‌بێ مه‌به‌ست له‌ده‌م هاته‌ ده‌ر ئه‌وا پێی له‌دین ده‌رناچێت . وه‌ك ئه‌وكه‌سه‌ی وتی : خودایه‌ تۆ به‌نده‌ی منی و‌ منیش په‌روه‌ردگاری تۆم ! هه‌ڵه‌ی كرد به‌هۆی دلخۆشی زۆره‌وه‌ . پێنجه‌میان : زانست . ئه‌گه‌ر كه‌سێكی نه‌زان و نه‌شاره‌زابێت ئه‌وا حوكمی مورته‌دی له‌سه‌ر نادرێت . جا وه‌ك یه‌كه‌ نه‌زانێت مانای وشه‌كه‌‌ كوفره‌ یان نه‌زانێت خوودی وشه‌كه‌ كوفره‌ . وه‌رگێڕانی : مامۆستا هه‌ڵگورد مسته‌فا گه‌ڵاڵه‌یی . 26 / 11 / 2024