پارێزراوی قورئانی پیرۆز

خوای به‌رز و بڵند فه‌رموویه‌تی : ( ( إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ ) . الحجر : 9 .

واته‌ : بێگومان هه‌ر ئێمه‌ قورئانمان ناردۆته‌ خواره‌وه‌ و به‌ڕاستی هه‌ر ئێمه‌ش ده‌ی پارێزین .

له‌م ئایه‌ته‌ پیرۆزه‌دا په‌روه‌ردگار فه‌رموویه‌تی : ( وَإِنَّا لَهُ لَحَافِظُونَ ) .

ئایه‌ ده‌زانی چه‌ند ئامرازی ته‌وكید له‌م رسته‌یه‌دا هه‌یه‌ ؟!

1_ پیتی (إِنَّ) كه‌ له‌ زمانی عه‌ره‌بیدا پێی ده‌وترێت پیتی ته‌وكید واته‌ پیتی دڵنیایی و دووپات كردنه‌وه‌ .

2_ پێشخستنی جار و مه‌جرور كه‌ ئه‌مه‌ش بۆ دڵنیایی و دووپات كردنه‌وه‌یه‌ ؛ په‌روه‌ردگار نه‌یفه‌رمووه‌ : ( وَ إِنَّا لَحَافِظُونَ لَهُ ) به‌ڵكو فه‌رموویه‌تی : ( وَإِنَّا لَهُ لَحَافِظُونَ ) . ئه‌م پێش خستنه‌ بۆ دڵنیایی و گرنگیدانه‌ به‌ پاراستنی قورئانی پیرۆز .

3_ لامی سوێند خواردن له‌ وشه‌ی ( لَحَافِظُونَ ) . ئه‌مه‌ش بۆ دڵنیایی و دووپات كردنه‌وه‌ به‌كاردێت له‌ زمانی عه‌ره‌بیدا .

4_ ده‌سته‌واژه‌ی ئیسمی فاعیل ( لَحَافِظُونَ ) وشه‌ی (حَافِظ ) ئیسمی فاعیله‌

كه‌ به‌مانای به‌رده‌وامی دێت ؛ په‌روه‌ردگار نه‌یفه‌رمووه‌ ( سَنَحْفَظُه ) واته‌ : له‌داهاتوو ده‌یپارێزێن به‌ڵكو فه‌رموویه‌تی : ( لحَافِظُونَ ) واته‌ : به‌رده‌وام ده‌یپارێزین .

مامۆستا هه‌ڵگورد مسته‌فا گه‌ڵاڵه‌یی .

7/12/2024