جیاوازی نێوان سەلەفیەکان و ئیخوانیەکان .

١- ڕێبازی سەلەفیەکان بریتیە لەو ڕێبازەی پێغەمبەری خوا و (صلى الله عليه وسلم 
) هاوەڵانی لەسەر بووە -رەزای خوایان لێبێت-  کە بریتیە لە دەست گرتن بە قورئان و سونەت بە گوێرەی تێگەییشتنی سەلەف ، بەڵام رێبازی ئیخوان موسلیمین بریتیە لەو ڕێبازەی حەسەن بەننا دایناوە لە وڵاتی میصر لە ساڵی ١٩٢٨ م 

٢ـ سەلەفیەکان ئامانجیان بریتیە لە بانگەوازی کردنی خەڵک بۆ پەرستنی خوا بەتاک و تەنها و دوورکەوتنەوە لەهەموو جۆرە شرکێک وە شوێن کەوتنی سوننەتی پێغەمبەری خوا و (صلى الله عليه وسلم ) دوور کەوتنەوە لە داهێنراوەکان لەدیندا ، وە ئامانجیان پارێزگاری کردنە لەخوێن و ماڵی خەڵک ، بەڵام ئامانجی ئیخوانیەکان ئەوەیە بگەی بە کورسی دەسەڵات و پەروەردەکردنی خەڵک لەسەر دوژمنایەتی کردنی دەسەڵات و ئاژاوە نانەوە لەوڵاتانی ئیسلامی وەک فیتنەی بەهاری عەرەبی !
وە ئەنجامدانی بیدعەکان و بانگەشە کردن بۆ دیموکراسی و بەحەڵاڵ دانانی چەندین شتی حەرام !

٣ـ سەلەفیەکان باوەڕیان بە دروست کردنی حزب نیە چونکە تەفرەقە و کێشە لەناو موسڵمانان دروست دەکات وە چەندین زیانی تر ، ئەمەش بێگومان بەڵگەی قورئان و فەرموودەی لەبارەوە هاتوە ، بەڵام لەلای ئیخوانیەکان بۆ گەییشتن بە مەرامەکانیان حیزبایەتی دروستە و ئاساییە !

٤ـ سەلەفیەکان گشتیان یەک عەقیدە و رێبازیان هەیە ، بەڵام لەناو ئیخوانیەکان چەندین جۆر کەسی فکرە جیاواز جێی بۆتەوە ،  هەیە فکری خەواریجی هەیە وە هەیە فکری گۆرپەرستی و شەخس پەرستی هەیە وە هەیە فکری عەقڵانی و دژە سوننەتی هەیە وە زۆر فکری خراپی تر ! بۆیەشە نابینی سەران و بانگخوازانی فکرە ئیخوانی قسە بەسەرکردەکانی رافیزە و فکرە ئیخوانی بڵێن ، بەڵام سەرکردەکانی تری وڵاتانی ئیسلامی کافر دەکەن و بە تاغوت و مونافیق ناوزەندیان دەکەن !