|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
نوێژی نیازو داوای چاكە كردن لەخوای گەورە ئه‌م دوعاییه‌ی تێیدا ده‌خوێندرێت. نوێژی نیازو داوای چاكە كردن لەخوای گەورە ئه م دوعاییه ی تێیدا ده خوێندرێت.
(صَلاةُ الإستِخارَة) جابری كوڕی عبدالله (رەزای خوای لـێ بێت) دەفەرموێت: پێغەمبەری خوا (صلی الله علیه وسلم) داوای چاكە كردن (الإستِخارَة)ى فێردەكردین كە لە هەموو كارێكدا ئەنجامی بدەین, هەروەكو چۆن سورەتێكی قورئانی فێر دەكردین و دەیفەرموو: ئەگەر كەسێك لە ئێوە ویستی كارێك بكات. با دوو ڕكات نوێژ بكات جگە لەفەرزەكان, پاشان با بپاڕێتەوەو بڵێ : (( اللهُمّ إنّي أستخيرُكَ بِعِلْمِكَ.وَأستَقدِرُكَ بِقُدْرَتِكَ. وَأسأَلُكَ مِنْ فَضلِكَ العَظيم. فإنّكَ تَقْدِرُ وَلا أقدِرُ وَتَعلَمُ وَلا أعْلَمُ. وَأنْتَ عَلاّمُ الغُيوبِ. اللهُمَّ إنْ كُنْتَ تَعْلَمُ أنّ هذا الأمْرَ – ناوی پێویستییەكەی دەهێنێ – خَيرٌ لي فِي دِيني وَمَعاشِي وعاقِبَةِ أمرِي. یان فەرمووی – عاجِلِه وَآجِلهِ – فاقدُرهُ لِي وَيَسِّرهُ لِي ثُمَّ باركْ لي فيهِ. وَإنْ كُنْتَ تَعْلَمُ أنَّ هذا الأمرَ شَرٌّ لِي فِي دِيني وَمَعاشِي وَعاقِبةِ أمرِي، یان فەرمووی – عاجلِهِ وَآجلِهِ – فاصرِفْهُ عَنـّي وَاصرِفْني عَنْهُ،وَاقدُرْ لِيَ الخيرَ حَيثُ كانَ ثُمَّ أرضِني بهِ ))( البخاري 7/162.) واتە: خوایە من بە زانستی خۆت داوای خێر و چاكەت لـێ دەكەم و داوای توانات لێ دەكەم بەتوانای خۆت. وە لە فەزڵی گەورەت داوات لـێ دەكەم. بەڕاستی تۆ دەتوانی و من ناتوانم و تۆ زانای و من نازانم و تۆ زانای نهێنی و غەیبەكانی. خوایە ئەگەر ئەم مەسەلەیە چاكەو خێری تیایە بۆ دین و ژیان و بژێوی و كۆتایی تەمەنم، یان ئێستاو كۆتایم، ئەوا خوایە بەنسیبم بكەیت و ئـاسانی بكەیت لەسەرم و بەرەكەتی تێ بخـە بـۆم . وە ئەگـەر ئــەم كارە خراپە بۆ دین و بژێوی و كۆتایی تەمەنم. یان ئێستاو كۆتایم. ئەوا خوایە لێم دوور بخەرەوەو منیش لەو دووربخەرەوەو خەیرو چاكەم بەنسیب بكە لە هەرشوێنێكەو پاشان دەروونم ڕازی بكە پێ ی. ئیبن تەیمیە(ڕەحمەتی خوای لێ بێت) فەرمویەتی: پەشیمان نابێتەوە ئەوكەسەی داوای چاكەو خێر (استِخارَة) لە خوای گەورە بكات و ڕاوێژ بە بڕواداران بكات و لەكارەكەی بچەسپێ . خوای گەورە دەفەرمویت: [ وَشاوِرهُم في الأمرِ فإذا عَزَمْتَ فَتوكًّلْ عَلَى اللهِ].(آل عمران: 159) واتە: مشۆرەت بە موسڵمانان بكە لە مەسەلەداو ئەگەر لەسەر كارەكەت چەسپایت ئەوا پشت بەخوا ببەستە تیایدا.( مختصر تفسير ابن كثير 1/333 بروانة الجواب الكافي ابن القيم ص123.) (مافی گشت موسڵمانێکه بۆسود وه رگرتن و بڵاوکردنه وه ی گشت بابه ته کانی ماڵپه ڕی فه رمووده ) |
