|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
گه‌وره‌یی وپاداشتی دروستکردنی مزگه‌وت گه‌وره‌یی وپاداشتی دروستکردنی مزگه‌وت بسْمِ اللَّهِ الرَّحْمَنِ الرَّحيمِ باوه‌ڕدارى خۆشه‌ويست: خواى په‌روه‌ردگار فه‌زڵى هه‌ندێك شوێن و جێگه‌ى داوه به‌سه‌ر هه‌ندێك شوێن و جێگه‌ى تردا, وه يه‌كێك له‌وانه مزگه‌وته‌كانه, وه بێگومان گرنگترين عيباده‌ت و په‌رستشه‌كان كه خواى په‌روه‌ردگار له‌سه‌ر ئاده‌ميزادى فه‌رز كردووه له‌دواى خوا به‌ته‌نها ناسين, بريتيه له نوێژ, وه فه‌رمانيشمان پێكراوه كه نوێژه‌كانمان له مزگه‌وته‌كاندا ئه‌نجام بده‌ين, وه هه‌ر له‌به‌ر گه‌وره‌يى مزگه‌وت بوو كاتێك پێغه‌مبه‌رى خوا (صلی الله علیه وسلم) كۆچى كرد بۆ مه‌دينه يه‌كه‌م كارێك كه ئه‌نجاميدا بريتى بوو له دروستكردنى مزگه‌وت, جا فه‌رمووده‌ى زۆر هاتووه ده‌رباره‌ى فه‌زڵ و گه‌وره‌يى دروستكردنى مزگه‌وت و يارمه‌تيدانى ئه‌و كه‌سانه‌ى كه مزگه‌وت دروست ده‌كه‌ن, ئه‌مانه‌ى خواره‌وه هه‌ندێك له‌و پاداشتانه‌يه كه به‌هۆى دروستكردنى مزگه‌وته‌وه ده‌ستمان ده‌كه‌وێت . له‌وانه:إِنَّ الْحَمْدَ لِلَّهِ نَحْمَدُهُ وَنَسْتَعِينُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَسَيِّئَاتِ أَعْمَالِنَا مَنْ يَهْدِهِ اللَّهُ فَلاَ مُضِلَّ لَهُ وَمَنْ يُضْلِلْ فَلاَ هَادِىَ لَهُ وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ وَأَشْهَدُ أَنَّ مُحَمَّداً عَبْدُهُ وَرَسُولُهُ. أَمَّا بَعْدُ ... يه‌كه‌م: هه‌ركه‌سێك مزگه‌وت دروست بكات, ئه‌وا ئه‌وكه‌سه فه‌رمانى خواى گه‌وره‌ى جێ به‌جێكردووه: خواى گه‌وره ده‌فه‌رمووێت: ( فِي بُيُوتٍ أَذِنَ اللَّهُ أَنْ تُرْفَعَ وَيُذْكَرَ فِيهَا اسْمُهُ يُسَبِّحُ لَهُ فِيهَا بِالْغُدُوِّ وَالْآصَالِ ) [النور:36] واته: مزگه‌وته‌كان خواى گه‌وره فه‌رمانى داوه كه دروست بكرێن و به‌رز بكرێنه‌وه‌و ناوى پيرۆزى ئه‌وى تێدا ببرێت ( به‌ئه‌نجامدانى نوێژو قورئان خوێندن و...), وه ستايش و ته‌سبيحاتى تێدا بكرێت له به‌يانيان و ئێواراندا. دووه‌م: هه‌ركه‌سێك مزگه‌وت دروست بكات و ئاوه‌دانى بكاته‌وه خواى گه‌وره شايه‌تى ئيمانى بۆ ده‌دات: خواى گه‌وره ده‌فه‌رمووێت: ( إِنَّمَا يَعْمُرُ مَسَاجِدَ اللَّهِ مَنْ آمَنَ بِاللَّهِ وَالْيَوْمِ الْآخِرِ وَأَقَامَ الصَّلَاةَ وَآتَى الزَّكَاةَ وَلَمْ يَخْشَ إِلَّا اللَّهَ ۖ فَعَسَىٰ أُولَٰئِكَ أَنْ يَكُونُوا مِنَ الْمُهْتَدِينَ ) [التوبة:18] . واته: به‌ڕاستى كه‌سانێك مزگه‌وته‌كانى خوا ئاوه‌دان ده‌كاته‌وه ( به خواپه‌رستى و نوێ كردنه‌وه‌ى و دروستكردنى ), كه باوه‌ڕى ته‌واو پته‌وه به خواى گه‌وره‌و ڕۆژى دوايى هێنابێت, هه‌روه‌ها نوێژه‌كانى به چاكى ئه‌نجام داوه‌و زه‌كاتى له ماڵ و سامنى ده‌ركردووه, وه له‌هيچ كه‌س نه‌ترساوه جگه له خواى گه‌وره, جا ئومێده ئه‌وانه له‌و كه‌سانه‌بن كه ڕێنموونى كراون . سێيه‌م: هه‌ركه‌سێك مزگه‌وت دروست بكات, ئه‌وا فه‌رمانى پێغه‌مبه‌رى خواى (صلی الله علیه وسلم) جێ به‌جێكردووه: دايكى باوه‌ڕداران عائيشه ( خواى لێ ڕازى بێت) ده‌فه‌رمووێت: ( أَمَرَ رَسُولُ اللَّهِ (صلی الله علیه وسلم) بِبِنَاءِ الْمَسَاجِدِ فِى الدُّورِ, وَأَنْ تُنَظَّفَ وَتُطَيَّبَ ) صحيح الترغيب والترهيب للشَّيْخ الأَلْبَاني (279) . واته: پێغه‌مبه‌رى خوا (صلی الله علیه وسلم) فه‌رمانى كردووه به دروستكردنى مزگه‌وت له گه‌ڕكه‌كاندا, هه‌روه‌ها پاك و خاوێن و بۆن خۆش ڕابگيرێ . وه هه‌روه‌ها هه‌ندێك له هاوه‌ڵه به‌ڕێزه‌كانى پێغه‌مبه‌رى خوا (صلی الله علیه وسلم) فه‌رموويانه: ( كَانَ رَسُولُ اللَّهِ (صلی الله علیه وسلم) يَأْمُرُنَا أَنْ نَصْنَعَ الْمَسَاجِدَ فِى دُورِنَا, وَأَنْ نُصْلِحَ صَنْعَتَهَا وَنُطَهِّرَهَا ) . السلسلة الصحيحة (2724) . واته: پێغه‌مبه‌رى خوا (صلی الله علیه وسلم) فه‌رمانى پێ ده‌كردين به‌وه‌ى كه مزگه‌وت دروست بكه‌ين له گه‌ڕه‌كه‌كاندا, وه به چاكى و دروستى بكه‌ين و پاكو خاوێن ڕاى بگرين . چواره‌م: هه‌ركه‌سێك مزگه‌وت دروست بكات, ئه‌وا له دواى مردنيشى به به‌رده‌وامى خێرى بۆ ده‌نوسرێت: پێغه‌مبه‌رى خوا (صلی الله علیه وسلم) فه‌رموويه‌تى: ( إِنَّ مِمَّا يَلْحَقُ الْمُؤْمِنَ مِنْ عَمَلِهِ وَحَسَنَاتِهِ بَعْدَ مَوْتِهِ عِلْمًا عَلَّمَهُ وَنَشَرَهُ وَوَلَدًا صَالِحًا تَرَكَهُ وَمُصْحَفًا وَرَّثَهُ أَوْ مَسْجِدًا بَنَاهُ أَوْ بَيْتًا لاِبْنِ السَّبِيلِ بَنَاهُ أَوْ نَهْرًا أَجْرَاهُ أَوْ صَدَقَةً أَخْرَجَهَا مِنْ مَالِهِ فِى صِحَّتِهِ وَحَيَاتِهِ يَلْحَقُهُ مِنْ بَعْدِ مَوْتِهِ ) صَحِيح الْجَامِع للشَّيْخ الأَلْبَاني (2231) . واته : به‌ڕاستى له‌و شتانه‌ى كه ده‌گاته ئيماندار دواى مردنى له كرده‌وه چاكه‌كانى، كه‌سێكه زانستێك فــێر بـــووبێت و بـــڵاوى كــــردبێته‌وه، وه يان يه‌كێك منداڵێكى صاڵحى له پاش به‌جێ بمێنێت (بۆى بپاڕێته‌وه)، وه يان قورئانێكى له دوا خۆى به ميرات به‌جێ هێشتبێت (خه‌ڵكى له‌سه‌ر ئه‌و قورئانه قورئان بخوێنێت)، وه يان خانوويه‌ك كه بۆ ڕێبواران دروستى كردبێت، وه يان ئاوێك (بيرێك) كه ئاوه‌ڕۆى بۆ كردبێت و خه‌ڵكى سودى لێ ببينن، وه يان صه‌دقه و زه‌كاتێك كه ده‌رى كردبێت له ماڵه‌كه‌ى خۆى كاتێك ژيان و ته‌ندروستى باش بووبێت، هه‌موو ئه‌وانه پێى ده‌گه‌ن له پاش مردنى . پێنجه‌م: هه‌ركه‌سێك مزگه‌وت دروست بكات, ئه‌وا خواى گه‌وره له به‌هه‌شتدا كۆشكێكى بۆ دروست ده‌كات: پێغه‌مبه‌رى خوا (صلی الله علیه وسلم) فه‌رموويه‌تى: ( مَنْ بَنَى مَسْجِدًا يَبْتَغِى بِهِ وَجْهَ اللَّهِ بَنَى اللَّهُ لَهُ مِثْلَهُ فِى الْجَنَّةِ ) رواه البخاري(450) واته: هه‌ركه‌سێك له‌به‌ر ڕه‌زامه‌ندى خواى گه‌وره مزگه‌وتێك دروست بكات, ئه‌وا خواى گه‌وره به‌وێنه‌ى ئه‌و مزگه‌وته كۆشكێكى له به‌هه‌شتدا بۆ دروست ده‌كات هه‌روه‌ها له فه‌رمووده‌يه‌كى تردا فه‌رموويه‌تى: ( مَنْ بَنَى مَسْجِدًا لِلَّهِ كَمَفْحَصِ قَطَاةٍ أَوْ أَصْغَرَ بَنَى اللَّهُ لَهُ بَيْتًا فِى الْجَنَّةِ ) صَحِيح الْجَامِع للشَّيْخ الأَلْبَاني (6128) . واته: هه‌ركه‌سێك مزگه‌وتێك دروست بكات له‌به‌ر ڕه‌زامه‌ندى خواى گه‌وره, ئه‌گه‌ر هێنده‌ى هێلانه‌ى په‌له‌وه‌رێكيش بێت ( يان هێنده‌ى هێلانه‌ى په‌له‌وه‌رێكيش يارمه‌تى و هاوكارى بكات له دروستكردنى مزگه‌وتدا ), ئه‌وا خواى گه‌وره كۆشكێكى بۆ دروست ده‌كات له ناو به‌هه‌شتدا . وَآخِرُ دَعْوانا أَنِ الْحَمْدُ لِلَّهِ رَبِّ الْعَالَمِينَ ئامادةكردنىوَ الصَّلاة وَالسَّلامُ عَلَى نَبِيّنَا مُحَمَّد وَعَلَى آلهِ وَصَحْبهِ أَجمَعين مامۆستا . أبُوبَكْر أحمَـد |
مافی گشت موسڵمانێکه بۆ سود وهرگرتن و بڵاو کردنهوهی گشت بابهتهکانی ماڵپهڕی فهرمووده
(2012 - 2024)
▴