|
فەرموودەعه‌قیده - بیروباوەڕی ڕاستڕوونکردنەوەی شەرعیبەهەشت و دۆزەخبیدعە و داهێنراوەکانبابەتی گشتی + وته‌ی زانایان و دانایان پەروەردە و خێزانبابەتی عەرەبیتاوان و حەرامکراوەکاننزا و پاڕانەوەژیاننامه و ڕووداو و بەسەرهاتەکانمانگی ره‌مه‌زانگۆشەی فه‌توا
|
گه‌وره‌يى و پاداكشتى سه‌لاوات دان له‌سه‌ر پێغه‌مبه‌رى خودا ( صلی الله علیه وسلم ) گه‌وره‌يى و پاداكشتى سه‌لاوات دان له‌سه‌ر
پێغه‌مبه‌رى خودا ( صلی الله علیه وسلم ) قال رسول الله ( صلی الله علیه وسلم
) : ( مَنْ صَلَّى عَلَيَّ صَلاةً وَاحِدَةً صَلَّى اللَّهُ عَلَيْهِ عَشْرَ ) ( رواه
مسلم). واته : پێغه‌مبه‌رى خودا ( صلی الله علیه
وسلم ) فه‌رموويه‌تى : هه‌ر كه‌سێك يه‌ك سه‌ڵه‌وات له‌سه‌ر من لێ بدات خوداى په‌روه‌ردگار
(10) ده سه‌ڵه‌واتى له‌سه‌ر ده‌ده‌ت . زانايان فه‌رموويانه : سه‌ڵه‌واتى مرۆڤ
بۆ پێغه‌مبه‌رى خودا ( صلی الله علیه وسلم ) به ماناى ئه‌وه دێت كه مرۆڤ داوا
له خوداى په‌روه‌ردگار ده‌كات ، كه هه‌رده‌م ناوى پێغه‌مبه‌ر ( صلی الله علیه وسلم
) به گه‌وره دابنێت و به‌رێزى بگرێت له دونيا و قيامه‌ت ، وه ده‌ڵێن : سه‌ڵه‌واتى
خوداى په‌روه‌ردگار بۆ به‌نده‌كانى به ماناى پاداشت و ڕه‌حم پێكردن دێت . وه سه‌ڵه‌وات دان له‌سه‌ر پێغه‌مبه‌رى
خودا ( صلی الله علیه وسلم ) هه‌موو كاتێك خێره ، به تايبه‌تى ئه‌م كاتانه‌ى كه
به‌ڵگه‌ى فه‌رمووده‌ى له‌سه‌ره ، بۆ نمونه له ڕۆژى هه‌ينيدا زۆر خێره پێغه‌مبه‌رى
خودا ( صلی الله علیه وسلم ) ده‌فه‌رموێت: مه‌لائيكه‌ته‌كان سه‌ڵه‌واته‌كانى ئێوه
بۆ من ده‌هێنن و پێم ده‌گه‌ن ، به‌ڵگه‌ش له‌سه‌ر ئه‌مه ئه‌م فه‌رمووده‌يه‌يه كه
شيخ البانى ره‌حمه‌تى خوداى په‌روه‌ردگارى لێبێت به صحيحى داناوه: ( أَكْثِرُوا الصَّلاةَ
عَلَيَّ يَوْمَ الْجُمُعَةِ فَإِنَّ صَلاتَكُمْ تُعْرَضُ عَلَيَّ ) ، واته: زۆر سه‌ڵه‌واتم
له‌سه‌ر لێ بده‌ن له ڕۆژى هه‌ينيدا ، چونكه سه‌ڵه‌واته‌كانتان بۆ من ده‌هێنرێن و
پێم ده‌گه‌ن . به‌ڵام سه‌ڵه‌وات دان له‌سه‌ر پێغه‌مبه‌رى
خودا ( صلی الله علیه وسلم ) له‌كاتى ته‌وقه‌كردندا به به‌رده‌وامى هه‌روه‌كو له
زۆربه‌ى خه‌ڵكى ده‌بيستين ، ئه‌م جۆره سه‌ڵه‌وات دانه ده‌بێته بيدعه ، واته كردنى
شتێك به بێ به‌ڵگه له كاتێكى دياريكرا و وه به به‌رده‌وامى ، چونكه هاوه‌ڵه‌كانى
پێغه‌مبه‌رى خودا ( صلی الله علیه وسلم ) كاتێك ده‌گه‌يشتن به يه‌كترى چاك و چۆنيان
له يه‌كترى ده‌كردو وه‌يان داواى لێ خۆشبونيان بۆ يه‌كتر ده‌كردو ، به‌ڵام سه‌ڵه‌واتيان
لێ نه‌ده‌دا ، وه‌كو ده‌بينين و ده‌بيستين له زۆربه‌ى خه‌ڵكى ، وه له‌سه‌ر ئێمه‌ش
واجبه له‌سه‌ر ڕێبازى صحابه‌كان بڕۆين ، چونكه ئه‌وان زياتر پێغه‌مبه‌ريان خۆش ده‌ويست
و شوێنى ده‌كه‌وتن ، ده‌بێت ئێمه‌ش وه‌كو ئه‌وان بين چيان كردووه له ديندا ده‌بێت
شوێنيان بكه‌وين وه هه‌ر شتێكيشيان نه‌كردبێت ده‌بێت وازى لێ بێنين ، چونكه ئه‌وان
دينيان وه‌رده‌گرت و فێر ده‌بوون له پێغه‌مبه‌رى خودا ( صلی الله علیه وسلم ) ،
هه‌ر له‌به‌ر هۆى خراپى شت زياد كردن له ديندا ، عبدالله ى كورى مسعود ڕه‌زاى خوداى
په‌روه‌ردگارى لێ بێت فه‌رمويه‌تى ( اتَّبِعُوا وَلاَ تَبْتَدِعُوا ، فَقَد كُفِيتُم
) واته: شوێن كه‌وته بن و شت دامه‌هێنن له ناو ديندا ئه‌گه‌ر به‌ڵگه‌ى له‌سه‌ر نه‌بێت
، چونكه شوێنكه‌وتنى ئێوه بۆ پێغه‌مبه‌ر و هاوه‌ڵه‌كانى كيفايه‌ته و به‌سه پێويست
به زيادكردن ناكات ، وه پێغه‌مبه‌رى خودا ( صلی الله علیه وسلم ) فه‌رموويه‌تى
: ( عَلَيْكُمْ بِسُنَّتِى وَسُنَّةِ الْخُلَفَاءِ الرَّاشِدِينَ ... ) واته : ده‌ست
بگرن به سوننه‌تى من و سوننه‌تى خه‌ليفه‌كانى راشدين كه ڕێنمويى كرابوون و هيدايه‌ت
درابوون بۆ ڕێگاى ڕاست ، وه ده‌ى فه‌رموو : ( وَإِيَّاكُمْ وَمُحْدَثَاتِ الْأُمُورِ
فَإِنَّ كُلَّ مُحْدَثَةٍ بِدْعَةٌ ، وَكُلَّ بِدْعَةٍ ضَلَالَةٌ ) واته: ووشيار بن
و دوور بكه‌ونه‌وه له شته داهێنراوه‌كان له ديندا چونكه گشت شتێكى داهێنراو له
ديندا بيدعه‌يه و زياده ، وه گشت بيدعه‌يه‌ك گومڕاييه و سه‌ر لێ شێواويه و لادانه
له ڕێگاى ڕاست . وه فه‌رموويه‌تى: ( مَنْ عَمِلَ عَمَلًا لَيْسَ
عَلَيْهِ أَمْرنَا فَهُوَ رَدٌّ ) واته: هه‌ر كه‌سێك كرده‌وه‌يه‌ك بكات به ناوى دين
به‌ڵام ئه‌مرى ئێمه‌ى له‌سه‌ر نه‌بێت ، واته ئێمه نه‌مان ووتبێت بيكه‌ن ئه‌م شته‌ى
كه به ناوى دين ده‌كرێت مه‌ردوده و قه‌بوڵ نيه . وه زۆر به‌ڵگه‌ى تر هه‌يه كه‌وا به‌ڵگه‌ن
له‌سه‌ر ئه‌وه‌ى كه‌وا هه‌ر كه‌سێك شتێك بكات به ناوى دين لێى قه‌بوڵ ناكرێت و به‌ڵكو
تاوان باريش ده‌بێت له‌سه‌رى ، چونكه بيدعه له ديندا تاوانه و شه‌يتان حه‌زى لێيه‌تى
. هه‌ر بۆيه زانايان ده‌ڵێن : شه‌يتان زياتر
حه‌زى له بيدعه‌يه نه‌ك له تاوان و گوناح ، چونكه ئه‌و كه‌سه‌ى كه بيدعه ده‌كات
به شتێكى چاكى ده‌زانێ و وازى لێ ناهێنێت ، به‌ڵام ئه‌و كه‌سه‌ى كه تاوانێك ده‌كات
به شتێكى خراپى ده‌زانێ و له‌وانه‌يه وازى لێ بهێنێت . ئامادەكردنی مامۆستا : هه‌ڵگورد مصطفى گه‌ڵاڵه‌یی |
